⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 09 ||
ضغطت على الزنااد اكثر من مرة .. مغمضت عينها على قد ما تقدر .. اما مسمعتش صوت رصاص .. قاعدة تسمع فسلاح يدير تك تك تك .. يعني كان فارغ .. مكانش معبي بالرصاص .. رجعو يدها يرعشو .. يعني مليوم معادش كاين فرق بينها و بين عزيز .. كانت راح تقتل لوكان مكانش السلاح فارغ ..
لينة وقت سمعت صوت سلاح .. عيطت بكل قوتها .. لحسن الحظ الباب كان مغلوق .. بعدها اغمى عليها .. حست روحها خفيفة تدريبجيا رجعت ما تحسن بوالو .. ثقاال نفسها علخر ..
بقات نورا مصدومة لمدة .. بعدها فاقت على روحها .. تعباو عينها بدموع .. رمات سلاح تما .. رجعت ربطت فم لينة و خرجت تجري .. لونها صفر .. طلعت تجري لغرفتها ..
دخلت لقات عزيز مقابلها .. يخزر فيها مصدوم .. دموع على وجها .. غيسيل و كحل طاحو معا دموع ( ولات تبان زومبي ) لون وجها صفر علخر كأنو مفيهش دم .. طلقت روحها و طاحت فلرض ..
تقدم يجري ليها ..
عزيز : نورا .. نورا .. و يخبط على خدها بلعقل ..
لكن هي لا حياة لمن تنادي .. مركزة عينها و تخزر فالفراغ ..
بعد مدة قصيرة نطقت ..
نورا : كنت راح نقتلها .. كنت راح نقتلها .. ضغطت على زناد اما مسمعتش و محسيتش انو خرجت منو رصاصة ..
عنقها عزيز .. و تبسم بشر .. لي كان حابو وصل ليه .. بلعاني عطالها سلاح و معباهش خلاه فارغ .. خطتو انو يسحب معاه نورا لهاد طريق .. بما انو ضغطت على الزناد مرة .. راح تضغطت عليه زوج و ثلاثة و ربعة ..
طبطب بيدو على ظهرها و هدر بصوت هادي ..
عزيز : متندميش .. عملتي هاد الشي باش تحميني .. قوليلي واش قاتلك ..
بعد عليها و خزر فيها بجدية يستنا فيها تهدر ..
نورا : قالت كانت جايزة ملتما .. شافتك .. و قالت انو مراحش تسكت كي تخرج ملتم .. و راح تحاسبك على لي عملتو ..
تبسم عزيز على جنب باستهزاء و هدر ..
عزيز : مراحش تخرج ..
ناض من قدامها .. تمشى متوجه لتاقة كي عادتو و هدر ..
عزيز : ليوم كاين جنازة جهزي روحك ..
نروحو عند عماد الدين بعد ما طلع لغرفتو .. قعد فوق سريرو و يتفكر فهدرة يماه ..
~~~ فلاش باك ~~~
كان قاعد معا يماه وردة .. وحدهم فصالون ..
قربت قعدت قدامو و هدرت ..
وردة : عماد الدين وليدي .. تعرف انو مباليش بزاف و خلاص كبرت ..
عماد الدين : ربي يطول فعمرك يما متهدريش هاكا ..
وردة : لالا نهدر اسمعيني وليدي .. حابة نشوف ولادك قبل ما يدي ربي امانتو .. هايليك رؤيا قدامك وليدي قول برك ايه نخطبهالك و نديرو عرس شهر الجاي .. حتا جدك راهو قابل سقسيتو و خديت رايو و راهو موافق ..
عماد الدين : يا يما انا عرس منديرش حراام .. و رؤيا راهي كيما ختي صغيرة ..
وردة : لالا مراهيش ختك ..
عماد الدين : يا يما خلاص كلش فوقتو مليح ..
وردة : راك كبرت خلاص .. كمل نصف دينك و خليني نشوف ولادك ..
وقف عماد الدين و هدر ..
عماد الدين : اومبعد نشوف .. راني طالع دك ..
و طلع لغرفتو ..
تفكر هدرتها و عطاها الحق فكل كلمة قالتها .. اما ماشي رؤيا لي يشوف فيها زوجة الصالحة لي راح تكمل حياتها معاه و تصونلو شرفو و تخلي كرامتو ديما لفوق ..
قاعد يفكر .. افكاار تجييب و افكااار تدي .. هدر معا روحو بصوت شبه مسموع ..
عماد الدين : اهم شي رضاية يما نظن نوافق و خلاص ....
〰️〰️〰️〰️〰️〰️〰️〰️〰️〰️
اوبالاتي 🔥
زدق زدق درتلكم قنابل علابالي 😂 مهم مور الجنازة كاين وحد اللقاء اسطوووري بأتم معنى الكلمة .. دنيا تتڤلب احمودة .. خلولي تشو توقعاتكم .. تسما رؤيا راح تدي عمادوش و لينوش مزال مشافتوش و مشافهااش .. خلولي تشو توقعاتكم للحلقات الجاايين ..
لي تقرا تخلي كومنتار واحد برك داخل الرد هنا باش كي نحط نجمجملكم 🔥
❌ تعليقات داخل الرد ❌
#ليلوشة
KAMU SEDANG MEMBACA
⚜️ الأسيرة و المتدين ⚜️
Aksi⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
