⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 32 ||
اقشعر بدنها .. للحظة الرعشة سرات فيه .. رجعت هدرت ..
لينة : شكون المجهول ..
المجهول : ماشي لازم تعرفيني اما انا قادر نساعدك ..
لينة : فاش تساعدني ..
المجهول : كملي اطلعي الدروج و ادخلي لدارك تما نكملو نهدرو ..
قلبها رجع يدق بالقاوي .. افكااار تدي و تجيب فيها .. مصدوومة .. كيفاش عرف انها فالدروج ..
طلعت راسها لسما تخزر فسقف الدار الا كاين كاميرات .. اما مكاين والو ..
سمعت ضحكتو متيليفون .. قرباتو لوذنها تسمع فيه ..
المجهول : متعبيش روحك لينة مكاش كاميرات فدار .. و دك اطلعي ..
تخطف لون وجها .. تسارعوا انفاسها .. طلعت تجري فالدروج ..
لحقت لدارها .. دخلت و رجعت حطت تيليفون فوذنها ..
لينة : راني طلعت ..
المجهول : علابالي ..
لينة : فاش تساعدني ..
المجهول : نساعدك تكشفي الحقيقة .. و نساعدك باش يعرفو حقيقتك انتي و انو واش حكا عزيز مكاش منو ..
لينة : شكون نتا ! ..
المجهول : قتلك انا المجهول ..
لينة : نتا عماد الدين صح ..
ضحك بالصووت عليها .. و رجع هدر ..
المجهول : راح تعرفي شكون اما مزال .. كلش فوقتو شباب .. واش رايك نساعدك .. و متخافيش مني .. عارف انك خايفة اما معندك حتا حل من غير اني انا لي نعاونك ..
لينة : واش يضمنلي بلي نتا ماشي عزيز ؟
المجهول : روحي لتيليفيزيون و شعليه ..
تقدمت لتيليفيزيون .. شعلاتو ..
المجهول : دك يطلعلك لايف تتأكدي منو انو انا ماشي عزيز ..
بعد لحظات قليلة .. خرجلها لايف .. عزيز واقف معا رجالو و واحد من رجالو قاعد يصور فيه ..
المجهول : مراهوش هاز تيليفون .. تأكدتي ..
لينة : اوكي موافقة ..
المجهول : بشرط ..
لينة : واشنو هو ..
المجهول : اسمعيني مليح .. عزيز بقاتلو ضحية وحدة و يوصل لوين حاب .. الحاجة الوحيدة لي ماشي قادر نعرفها هي وقتاش راح ينفذ العملية و يتخلص مالضحية .. محتاج لمساعدتك ..
لينة : شكون الضحية .. و واش راح يديرلها و واش ندير انا .. و كيفاش راح نعرف وقتاش العملية و ..
قطعلها هدرتها فالنص ..
المجهول : بلعقل سقسي بلعقل .. راح نفهمك كلش اما مزال .. راح نقولك لي محتاجة انك تعرفيها برك ..
لينة : وشنو ..
المجهول : الضحية .. هي الجد حكيم ..
خبط صدرها بيدها .. تصدمت .. عينيها تحلو على وسعهم الفكرة الوحيدة لي سيطرت على عقلها انو عزيز ماشي عبد .. راح يقتل باباه ...
〰️〰️〰️〰️〰️〰️〰️〰️〰️〰️
اوبالاتي 🔥
راني رجعتلكم و دااارنا براو من كورونا حمدلله بقيت انا و شوية من ولاد عمومي برك حمدلله .. نرجعوو للكرونيك .. حطولي توقعاتك و تحليلاتكم للاحداث .. راح تكون نهاية سعيدة لجميع الاطراف ولا راح نخسرو شخصية من احداثنا كيما خسرنا لؤي ..
لينوش راح تتعاون معا المجهول ؟ فرايكم شكون هو .. و راح يساعدها ولا لالا ..
متنسااوش تجمجمووو الحلقات كااامل كبيداتي ..
#ليلوشة
KAMU SEDANG MEMBACA
⚜️ الأسيرة و المتدين ⚜️
Aksi⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
