⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 02 ||
قدم ليها .. حط يديه فيزوج على وجها .. بدا يقرب وجهو لوجها باش يبوسها .. تقدم .. تقدم .. تقدم .. حتا بقاو بيناهم ميليميترات نفسو السخون رجع يضرب فوجها .. و اووب جا ليه صاحبو لي كان معاه طبعو برجلو .. طاح على لرض .. و هدر معاه ..
صاحبو : وشبي ر** هبلت .. الزعيم يذبحك و يذبحني و يرمينا للكلاب .. و يخزر فيه معصب و ملامح الخوف باينين على عينيه ..
عدا الراجل يدو على وجهو .. بعدها طلع راسو خزر فصاحبو و هدر ..
الراجل : اوك اوك خلاص .. راح نجيب طونوبيل عسها ..
راح جاب طونوبيل كحلة كبيرة .. رفدوها فيزوج و حطوها داخل .. ربطولها يدها .. غلقولها عينها بطرف قماش اكحل .. و خلاوها هكاك مغمى عليها ..
و طارو بطونوبيل لدار عزيز و لي هو الزعيم ..
فبلاصة وحدوخرا .. وصل عند باب دار .. ركن طونوبيلتو تما .. خرج منها عدل روحو .. خزر فيديه الا مفيهمش اثار دم .. و دخل .. لقا كل العايلة متجمعين على طابلة يتعشاو .. غير دخل لتفتو يخزرو فيه كامل ..
عزيز : بصحتكم .. واش درتو عشا ..
خزرت فيه مرتو نورا و ملامحها ملامح وحدة خايفة و متوترة .. كأنو كانت عارفة لي كان يعمل فيه ..
طاحت عينو فعينها .. تبسم معاها تبسيمة خفيفة بنظرة شر .. قلبها دق بالقاوي .. تسارعو انفاسها .. فهمت بلي عمل عملتو و قتلو .. يديها لي كانو فوق طابلة رجعو يرعشو .. حبطتهم تحت طابلة باش تخفي رعشتها و ما تجذبش الانظار ليها ..
تقدم عزيز لطابلة و قعد على يمين مقعد الجد ..
جابولو الخادمات صحونو و سقاولو ياكل ..
بعد ما كان الهدوء سيد الموقف على عكس واش كان صاري داخل نورا .. نطق الجد حكيم بهدوء ..
حكيم : عزيز تعرف قوانين الاكل عندنا .. و نظن تعرف بلي ممنوع تتأخر ..
نفخ عزيز على جنب و هدر معاه بهدوء ..
عزيز : بابا راك عارف طلعتلي خدمة مستعجلة رحت ديراكت و تأخرت شوية ..
نطقت بنت عزيز رؤيا و هي تخزر فباباها ..
رؤيا : جدو الله غالب راك عارف بابا مسكين راهو بزاف يعيا اعذرو هاد المرة ..
خزر فيها الجد حكيم متبسم و هزلها براسو بمعنى ايه و رجعو ياكلو ..
عزيز ابن الاكبر لحكيم فعمرو 49 سنة زوجتو نورا و بنتو رؤيا 22 سنة ..
بعد ما كملو كلاو .. راحو اجتمعوا فصالون ..
هدر الجد حكيم معا عزيز و هو مركز فعينه كأنو حاسس انو حاجة راهي تصرا ورا ظهرو ..
حكيم : وشنو العمل الضروري هادا لي طلعلك فهاد الوقت ..
ارتبك عزيز .. نورا خزرت فالجد مرعوبة .. خايفة يفيق بيه .. يدفنو فأرضو ..
عزيز : شي كنت رايح ... كان راح يكمل يهدر حتا دخلت عليهم اخت عزيز الوسطانية وردة و وليدها عماد الدين ..
وردة : اهلا اهلا العايلة راهي مجتمعة ..
عماد الدين : السلام عليكم و رحمة الله تعالى و بركاته ( رااهو جا المتدين الزلوش ديالنا 😂❤️ يا سكان ڤروب كرونيكات اوبال راهو محكوم راجل لينوش مكلاه تطمعو .. ) غير شافتو رؤيا سوطات مبلاصتها و عدلت قعدتها و ردت عليه سلام ( ملخر هاد الخرية ابداو تكرهوها 😂 ) ..
ردو الباقي السلام .. بعدها تقدم عماد الدين قعد قدام خالو لي هو عزيز .. اما وردة راحت قعدت قدام باباها .. بداو يهدرو و يڤصرو و يضحكو ..
قاعدة نورا تخزر فعزيز حتا طاحت فالعين فالعين .. هزرت نورا راسها بمعنى ارواح نسحقك .. ناضت طلعت لغرفتها و بعدها بشوية تبعها عزيز ..
طلع للفوق عندها و دخل للغرفة .. قابلاتو واقفة عند الباب .. عينها مغرغرين بدموع .. تتنفس بقوة و حاكمة يدها فبعضاهم و تفركت فيهم ..
نطقت بصوت خفييف مع رعشة فيه ..
نورا : قتلو عزيز ..
تكسل على الباب و تبسم بنفس تبسيمة لي تبسمها معا لينة .. و هدر ..
عزيز : ههههه اول حجرة مالطريق راهي تنحات ..
حطت يدها على فمها و نزلو دموعها ..
قدم ليها .. بعدت عليه ..
نورا : عزيز قتلتو .. قتلتو .. راح يقتلوك ولا تكمل حياتك فالحبس ..
على كلمتها الخيرة قدم ليها و ضربها بكف .. طاحت فلرض .. رجع وقفها بيديه .. غرس نظرتو فعينها و هدر بنبرة حادة ...
〰️〰️〰️〰️〰️〰️〰️〰️〰️〰️〰️
اوبالاتييي 🔥 وااش رايكم فالاحداااث و واش توقعاتكم عزيز داندو واش هدفو .. واش دخل عماد الدين فهاد لحكاية .. من وين راح يعرف لينة 🤔 علاقتهم كيفاش راح تكون .. و الا كانت علاقة حب رؤيا واش راح دييير ❤️🔥
علابالي فالقروب قلتلكم اسم البطل تاج الدين بصح بدلتو و رجعتو عماد الدين 😁
خلولي توقعاتكم طوااال عراض كالعادة و انا ناقشكم فيهم و متنساوش تجمجمو الحلقات ⚡️
#ليلوشة
YOU ARE READING
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
