العوده من الرماد
البارت 20
روعه... سمعت صوت امي بوضوح تام ياريتني ميته ولاسامعه السمعته سمعتها وهيه تبجي وتتوسل بخالي فاضل
طليعه... فاضل لا تخبلني متفقت وياك هيج الابنيه
شردت تعرف شنو شردت خابرتك وكتلك مرت
جبران تخبلت فقدت عقلها فك العمل عنها ماجان
هيج اتفاقنه كتلك بس كفخه عمود تكرهه ويطلكها
وهم نخوفها عمود متحجي فاضل مثل سالفه بنين حطيتها بركبتي
روعه... ماتحملت السمعته جسمي كله كام يرجف
فتحت الباب بعصبيه وكتلها شنووو هذا اااااالسمعته
باوعتلي وهيه مرتبكه سدت المبايل وعيونها مركزه
وياي وفاتحتهن بصدمه
طليعه....ماااكو شي شنو السمعتيه هااا
روعه....تشوفين اعصابي شلون ترجف لاتخليني
اطلع من طوري واتخبل عليج ،وانسه انتي منوو
اعرف بيج دگايگج ناقصه بس ولا توقعت بيوم
تأذين شخص ماسوالج شي بس فهميني انطيني
سبب واحد يخليج تسوين سحر لشهرزاد هاااا يمه
شهرزاد تخبلت وهاجه محد يندل ارضها من سماها
بتها مصارت بعينج طفله صار عمرها سنه وهيه
متعرف منو امها ولا حست بحنان الام الله شتكليله هاا بيا وجهه تقابليه
طليعه...روعه لاتنسين اني امج ومااسمحلج تحجين هيج وياي
روعه....ماتشرف بأم مثلج ام سحاره دمرت عائله
خبلت ابنيه بريئه عمي مكسر كلبج من تشوفي
يركض بيها من دكتور لدكتور متنقهرين من
تشوفيها تخاف تسبح وصريخها واصل سابع جار.
ما تحرك ضميرج من ضربت بتها وهيه فاقد وخلتها
بين رجليها الطفله عمرها اشهر فاحطه مستحيل
تكونين انسانه وعندج ضمير.انتي حتى الحيوان ارحم منج
طليعه..اخره مره اكلج احترمي نفسج وصوتج لا احد يسمعج
روعه...اني اريدهم يسمعون اني اريد الكل يعرف حقيقتج
طليعه...صدك صايره ماتستحين واضاهر ماعرفت اربيج
روعه... الشي البي،حظ السوتيه بحياتج ماعرفتي
تربيني لان ماريد اتعلم منج الحقد والغل وهسه
تحجيلي سالفه بنين لا والخلق الكون اخابر عمي
