نجلا: ارجوكى يا ماما بلاش حد يعرف
جميله: ودى حاجه تستخبى يا بنتى وبعدين انتى مش عاوزة حد يعرف ليه
نجلا: ها اصل اصل
جميله: بت انتى انا عرفاكى اكيد فى حاجه فى دماغك
نجلا: ماما انا
جميله: انتى ايه
نجلا: عاوزة كريم اول واحد يعرف ولو بابا عرف هيقول لعمى وعمى يقول لمرات عمى وكله يعرف وهيكون هو اخر واحد ارجوكى يا ماما
جميله: ايوة يا حبيبتى بس دى فرحه متستخباش
نجلا: كام يوم يا ماما لغايه ما كريم يرجع واقوله وهو يقول للكل علشان خاطرى
جميله: انتى عارفة ابوكى ممكن يزعل لو عرف اننا خبينا عنه
نجلا باندفاع وسخريه
نجلا: وانتى عارفه ان بابا ممكن يتصل بكريم ويقوله وكأنه بيطلع له لسانه ما انتى عارفه الحب الكبير الى بينهم دى بابا مبيرتحش الا لما ينكد عليه انا هقولك يا ماما
جميله: من حبه ليكى الاول غيران من قربه ولما حصل الى حصل زعل على زعلك وبعد ما اتجوزتوا رجعت الغيرة اعمل ايه فى ابوكى دى
نجلا بضحك
نجلا: خديه وقضوا شهر عسل وخليه ينسى كريم شويه
جميله: تفتكرى
نحلا: لا طبعا ماما انا حاسه انى بين توم وچيرى الاتنين ميهدوش الا لما يعملوا فى بعض مقالب
جميله: نصيبك يا قلبى من كتر حبهم فيكى
نجلا: بس انا مش هسكت وهتشوفى
جميله: ربنا يعينك الاتنين مخهم جزمه
نجلا: يا رب المهم بابا لما يرجع هتقولى ايه
جميله: شويه ارهاق وربنا يستر
نجلا: مش عارفه ليه حاسه انك هتقلبى فى الاخر ست امينه مرات سى السيد وتعترفى بكل حاجه
جميله: كدة طيب انا هقوله
نجلا: حقك عليا يا ماما
جميله: على رأى المثل يا مخلفه البنات يا شايله الهم للممات
تبحث عنه لم تجدة سألت موظفى الاستقبال ليخبروها انه غادر صباحا تتصل بالهاتف
نهله: الو البشمهندس ساب الاوتيل
صوت: ليه
نهله: معرفش
صوت: انتى مش قلتى انه كان مقتنع بكلامك
نهله: كريم غويط محدش يعرف بيفكر فى ايه
صوت: خلاص هشوف الدنيا وانتى تعالى
نهله: حاضر
كان بسيارته لا يفكر الا بمالكه عقله وقلبه يؤلمه بشدة ما عرفه يريد حضنها الان يريد ان يرتمى بين ذراعيها يذرف دموع الألم والحسرة اه ثم اه حاول ان يبتعد لانها ستعرف ما به لكن يشتاقها بشدة ينشد الراحه والهدوء فى احضانها بعد الليله التى قضاها مع نهله فى التحدث وايضا مكالمه امجد له فقرر مع اول ضوء سيغادر لها سيذهب لها دون اخبارها كان يفكر ويفكر والطريق امامه يقطعه ليصل لها بسرعه
فى بيت الغنام كانت تجلس شاردة تقلب بالاكل وكان يتابعها بعينه
مصطفى: وبعدين يا بنتى
نجلا: خير يا بابا
مصطفى: كلى يا بنتى كويس ولا خلاص الاكل ميحلاش الا بيه
نجلا: كويس قوى انك فتحت الموضوع دى علشان عاوزة اكلمك فيه
مصطفى: موضوع ايه
نجلا: كريم
مصطفى: اشمعنا
نجلا: اه هندخل لبعض قافيه
مصطفى: بنت جميله اخلصى عاوزة ايه من الاخر
تمسك يدة وتنظر له بحنان
نجلا: بابا انا عارفه قد ايه بتحبنى وتتمنى انى افضل سعيدة ومرتاحه فى حياتى
مصطفى: طبيعى مش بنتى ولا كمان الوحيدة الي مليش غيرها
نجلا: طب ينفع نوجتك حبيبتك تفضل زعلانه وحيرانه
مصطفى: ومين دى الى مزعلك يا قلب ابوكى شاورى عليه وانا اجيبه من زماره رقبته
نجلا: انت يا بابا
مصطفى: انا
نجلا: ايوه يا بابا انت
مصطفى: ودى ازاى
نجلا: زعلك من كريم وخناقك معاه دى غير انت مش بتطيقه مش كل دى يخلينى زعلانه اهم اتنين فى حياتى بعد جميلتى مش طايقين بعض ينفع
مصطفى: بصراحه مبينزليش من زور انزوح وشايف نفسه على الفاضى دى غير الى بيعمله معاكى
جميله: قال جايبه من برة مش شبهك
مصطفى: لا مش شبهى
نجلا: بابا كريم جوزي يا بابا وبحبه وانت عارف الى مخلينى احبه انه زيك
مصطفى: والمطلوب
نجلا: مش هقولك حبه بس علشان خاطرى عامله كويس بلاش تلقيح الكلام وتمسك له على الكلمه
مصطفى: ودى يريحك ويخليكي سعيدة
نجلا: جدا
مصطفى: امرى لله هقبله علشان خاطر عيونك بس لو
نجلا: من غير لو يا بابا ارجوك
مصطفى: امرك المهم تاكلى كويس صحتك مش عجبانى
كريم: هى مين دى الى صحتها مش عجباك يا عمى
نجلا وجميله يبتسموا بينما مصطفى ينظر بأندهاش لتسرع نجلا اليه ليفتح احضانه لها لترتمى بين ذراعيه يحتضنها بشدة وهو يقبل وجهها ويردد كلمه واحدة
كريم: وحشتينى وحشتينى وحشتينى
تبتسم جميله تمسك يد مصطفى ينظر لها ليرد لها الابتسامه ويفهم ما تريد قوله من عينيها
تخرج من احضانه ليحاوط كتفها بيدة ويسلم على عمه وزوجه عمه
جميله: حمد الله على سلامتك يا حبيبى
كريم: الله يسلمك يا مرات عمى
مصطفى: كويس انك جيت تعال بقى اتصرف مع مراتك مغلبانا فى الاكل انا وامها
كريم بعبوس
كريم: ينفع كدة يا حبيبتى
نجلا: صدقونى باكل
كريم: لا مفيش الكلام دى دلوقتى تيجى معايا نقعد وناكل مع بعض ولا انتى هتسبينى جعان
نجلا: وانا اقدر يا حبيبي تعال يلا كل انت وحشتنى قوى يا كيمو
كريم: وانتى كمان يا قلب كيمو
يمر الليل سعيد وهادى على البعض وحزين للبعض
يهل الصباح ليأخذ كريم زوجته الى القاهرة
جميله: كريم سوق يا حبيبى براحه ها وخلى بالك من نجلا
كريم باندهاش
كريم: حاضر
تصعد نجلا الى السيارة وفى الطريق يقفا كل مدة لشعور نجلا بالغثيان
كريم: نجلا كدة كتير انتى مأخدتيش علاجك
نجلا باجهاد
نجلا:لا يا كريم
كريم: ليه بس كدة
نجلا: لما نوصل هقولك ممكن اطلب منك طلب
كريم بقلق على نجلا فوجهها شاحب وضعيفه ومجهدة
كريم: اطلبى يا عمرى
نجلا: ممكن نروح فيلتنا قبل ما نروح البيت
كريم: امرك يا عمرى الى انتى عوزاه
يصلا للفيلا يدخلا ليصنع مشروبا ساخنا لنجلا
كريم: ممكن اعرف مأخدتيش العلاج ليه
تبتسم نجلا وتمسك يد كريم تحت نظرات دهشه كريم لتضعها على بطنها وتحركها قليلا وهو يهز رأسه بتساؤل
كريم: مالك بطنك لسه وجعاكى
نجلا بابتسامه اوسع
نجلا: يا ترى تحب تسميه ايه
كريم: هو مين
نجلا: الحفيد يا كيمو
كريم بصدمه ودهشه كبيرة
كريم: حفيد ايه يا حبيبتى هو التعب خلاكى تفوتى شويه
نجلا بضحكه كبيرة
نجلا: كيمو يا قلبي انا حامل
كريم مازال على صدمته
نجلا: كيمو حبيبى مالك رد عليا
يخرج صوته ضعيفا اجش من كثرة المشاعر التى بداخله
كريم: انتى متاكدة
نجلا: ايوه الدكتور امبارح اكد لى
لينهض وينهضها معه ويأخذها باحضانه و يلف بها وهو يصرخ وهى تضحك على رد فعله
نجلا: كريم كفايه دوخه انا دايخه لوحدى
ينزلها ببطئ شديد ويمددها على الاريكه كطفل صغير
كريم: اسف يا نوجتى اسف من فرحتى انتى مش عارفه انا فرحان قد ايه
نجلا بملاعبه
نجلا: علشان الوصيه مش كدة
كريم: هنهزر
تضحك نجلا
يجلس بجوارها ويداعب خصلات شعرها
كريم: مش عارف اشكرك ازاى كل الى حلمت بيه اتحقق على ايديكى انتي يا نوجتى هيكون ليا طفل منك انتى يا حب العمر كله
نجلا: العمر كله
يقترب كريم منها رويدا ليهم بتقبيلها وهو يهمس امام شفتيها
كريم: العمر كله
لتدفعه نجلا بعيدا عنها وتهرع الى الحمام وكريم وراءها وهو يتزمر
كريم: اهو دى عيبه ابتدينا بقى
ذهبا للطبيبه للاطمئنان عليها
كريم: خير يا دكتورة
دكتورة: مبروك المدام حامل فى شهر طبعا مش هوصى على الراحه والاكل كويس ودى الادويه الى هتستخدميها واشوفكم بعد اسبوعين
نجلا: انشاء الله
فى السيارة كان شارد وكانت نجلا تتحدث معه
نجلا: عارف عمى ومرات عمى هيفرحوا قوى بالخبر دى قولى نقولهم ازاى
يركن السيارة جانبا ليتنهد ببطئ وينظر لنجلا
كريم: نجلا احنا مش هنقول لحد
نجلا: ليه يا كريم مش دى الخبر الى كله مستنيه
كريم: فيه ظروف تمنعنا اننا نقول دلوقتى
نجلا: ظروف ايه
كريم: هقولك
ريم: ماما كريم ونجلا لسه ما وصلوش
سوسن: لسه وكمان هو ونجلا مبيردوش على تليفوناتهم
ريم: متتخضيش تلاقيهم بيتفسحوا متنسيش ان كريم بعد عنها يجى ٤ ايام
سوسن: ان مكنوش بيتخانقوا
ريم: معقوله
سوسن: انتى عارفه ان نهله راحت له هناك
ريم: وايه الى يوديها دى
سوسن: انا عارفه بس انا مش هسكت اكتر من كدة انا هكلم خالتك تنزل بقى وتبعد ولادها عننا
ريم: استنى يا ماما انا الى هكلم نهله ولو مسمعتش الكلام كلمى خالتو
سوسن: تمام
يدخل كريم ونجلا تهلل اسارير سوسن
سوسن: حمد الله على سلامتكم يا ولاد
يسلما عليهما
كريم: امجد فين
سوسن: فى الفيلا مع هديل بيتابع الشغل فيها
يومئ براسه وكانت نجلا واجمه
كريم: ماما اعملى حسابك نهله ومعتز معزومين على العشاء
سوسن وهى مندهشه
سوسن: ليه
كريم وهو ينظر لنجلا
كريم: هتعرفوا على العشاء
تصعد نجلا الى الاعلى مع نظرات كريم وسوسن وريم
ريم: فيه ايه يا كريم
كريم: هتعرفوا يا ريت الكل يبقى حاضر
يتركهما ليدخل غرفه مكتبه تحت انظار القلق والدهشه
يجتمع الجميع ما عدا ريم ويتناولوا العشاء
كريم: ريم فين
سوسن: راحت تشوف ناس اصحابها
ينظر كريم لامجد
امجد: معتز نهله كنت عاوزكم فى موضوع مهم انا وكريم
محمد: خير فيه حاجه
كريم: مشروع مهم هنتكلم فيه لو اشتركنا فيه هينقلنا نقله تانيه
معتز: وماله نسمع
كريم: لما ريم تيجى خلوها تدخل لينا
سوسن: حاضر يا حبيبى
يدخلوا غرفه المكتب وبعد فترة تبداء الاصوات فى العلو يتحول الوضع الى شجار تهرع سوسن ونجلا ومحمد الى الداخل يجدا كريم ممسكا بعنق معتز ويضغط عليه وامجد يمسك شعر نهله وكريم يصرخ
كريم: انطق مين مين
صوت: انا
أنت تقرأ
وصيه الحفيد
Randomالحب كالزهرة النادرة تحتاج إلى المياة ترويها لتزيدها رونقا وجمالا والكرة نارا تحرق قانيها وتجعلنا شياطين بعد أن كنا ملاكا بين الحب والكرة شعرة فلا تخطيها ايها الانسان
