فى الصباح ذهب الجميع الى العمل
مايا: صباح الخير على القمر بتاعنا ايوة كدة نورتى مكتبك
نجلا: ربنا يخليكي يامايا
مايا: بصراحه الفرحه هتنط من عينك شكل البشمهندس واخد باله منك قوى
لتغمز بنهايه كلامها
نجلا: وبعدين معاكى
مايا:ايه يا نوجا بطمن عليكى مش احنا اصحاب
نجلا: اصحاب يا غلاباويه يلا على شغلك
مايا: تمام يا افندم
بعد مدة تجدة امامها ينظر لها بحب جارف وهى كانت بعالم اخر
نجلا: كريم انت دخلت امتى
كريم: بقالى خمس دقايق الجميل كان سرحان فى ايه
تبتسم بخجل
نجلا: فيك يا حبيبى
كريم: طب انا قدامك اهه تعالى
كان يتحدث وهو يفتح احضانه لها لتبتسم وهى تنذرة بسابتها
نجلا: كريم احنا فى الشغل مش فى اوضتنا
يضحك وهو يتذكر مشغابته معها صباحا حينما اصر الا يغادرا الغرفه دون قبله الصباح لتتحول القبله الى معركه غراميه لتنتهى بتوبيخها له لتأخرهم يعود على صوتها الناعم
نجلا: كنت جاى ليه
كريم: اصلك وحشتينى من الصبح
يغمز بعينه لها لتحمر خجلا
نجلا: وبعدين معاك اتكلم جد
كريم: امرك جاى اقولك ان مصنع الشرق خلص ومستنى المكن
نجلا: ياه دى خلص قبل معادة تمام قوى اسبوع والمكن يوصل مش عارفه اشكرك ازاى يا بشمهندس
كريم: على ايه يا دكتورة انا تحت امرك
يعودا للعمل واخر النهار يدخلا لبهو الفيلا كالعادة يتصنعون الغضب والحزن ليتفاجاء بوجودهما
كريم: معتز نهله جاين ليه فى حاجه
معتز : ايه يا ابن خالتى دى مقابله تقابلنا بيها
كريم: انا اسف بس مستغرب وجودكم والشنط
نهله بكل دلال
نهله: اسكت يا كريم المجارى بهدلت الفيلا والميه ملت الدنيا وجبنا عمال وقالوا محتاجين اسبوع او اكتر لغايه ما يخلصوا شغلهم دى غير ان كل العفش هيتغير وتتفرش من اول وجديد
نجلا: ياه كل دى حصل
معتز: قلنا نجى نقعد هنا المدة دى لكن من الواضح ان قعدنا مش مرغوب فيه
سوسن: لا طبعآ يا معتز بس زى ما قال كريم دى مفاجاءة مش اكتر
كريم: نورتوا دى بيتكم برضه عن اذنكم طالع اريح شويه وهنزل على العشاء
ينظر للتى بجانبه ويشير لها للصعود الى الغرفه معه حتى سمعا صوت معتز
معتز: نجلا كنت عاوزك فى موضوع
ينظر له كريم وهو يحاول تمالك اعصابه
كريم: موضوع ايه
معتز: دى شغل مش هتفهم انت فيه
كريم: افندم
معتز: انت مهندس انشئات بتاع بُنا هتفهم ايه انت فى تصدير الاغذيه
كريم: والاستاذ بقى الى يفهم
معتز: وانا فى امريكا جنب دراستى اشتغلت حاجات كتير واتعلمت حاجات اكتر ودى الى خلانى زى ما انت شايف
كاد النقاش يتحول الى معركه لولا تدخل ريم
ريم: معتز احنا فى البيت ودى مكان للاسرة مش للشغل اما الشغل له مكانه
يبتسم معتز لريم برقه
معتز: فى دى انتى صح يا قلبى
امسكت نجلا بيدة وصعدت به الى غرفتهم وهو يزفر بشدة
نجلا: ليه كدة يا كريم
كريم: غصب عنى مقدرتش استحمل انه يتكلم معاكى
نجلا: كريم لازم تتحكم فى اعصابك
كريم: مقدرتش يا نجلا مقدرتش
تقترب منه تحيط وجهه بيديها تنظر له بخضرويتها الهالكه لقلبه تبتسم بحنيه شديدة اه يحتاجها بشدة الان اسفله يذيبها ويذوب معها فى عالمهم الخاص
نجلا: حبيبى كل ما الغيرة تملكك تفكر فى شئ واحد
كريم بصوت مبحوح
كريم: ايه
نجلا: انا بحبك ومفيش فى قلبى غير كريم وبس
كريم: وانا بعشقك يا قلب كريم
ينقض على شفتيها يشبعها قبلا حارة لتبادله بنفس الشوق واللهفه فعجبا لها انها لا تشبع منه ابدا يدفعها للفراش ليبداء معها الغوص فى عالمهم المثالى
بعد مدة كان الجميع على منضدة العشاء
محمد: انا درست المشروع الى جيباه يا نهله هو كويس فعلا
تهلل اسارير نهله ليكمل محمد
محمد: بس للاسف مش هنقدر نشارك فيه
نهله: ليه يا عمو
محمد: المشاريع كتير عندنا ومش ملاحقين الملف مع ريم ومعاه توصيه بالشركات الى تقدر تنفذة
نهله: شكرا يا عمو
نجلا: انا عرضت مشروعك يا دكتور على بابا انت عارف الرأى له فى الاول والاخر وبرغم اعجابى بالمشروع وتأيدى ليه بس للاسف رفض التزماتنا كتير ومش هنقدر نوفى لو عملنا عقد مع شركه كمان
معتز: بس فيه مصانع جديدة بتتقام على حد علمى
نجلا: دى عملناها علشان نقدر نوفى طلباتنا
معتز: على العموم المشروع معروض على ٣ شركات غيركم
نجلا: انشاء الله تتوفق فى واحدة منهم
تنهض نهله
نهله: الحمد لله عن اذنكم
جلسوا ليحتسوا القهوة بعد العشاء والجميع كانوا يتحدثون فى مواضيع كثيرة حتى اعلنت هواتفهم على وصول رساله ليرى الجميع ما هى لتعم الصدمه على الجميع حتى انها الجمت الكل حتى هتفت نجلا
نجلا: بابا
يسرع محمد بالاتصال بمصطفى
محمد: مصطفى ايه الى حصل
مصطفى: ارض الخضار اتحرقت
محمد: وازاى دى حصل
مصطفى: مش عارف بنحاول نطفى النار والمطافى موجودة والبوليس
محمد: احنا جايين
يغلق محمد الهاتف لينظر للكل
محمد: سوسن كريم نجلا حضروا نفسكم هنسافر دلوقتى
ريم: واحنا يا بابا
محمد: انتى وامجد خليكوا هنا وتابعوا الشغل مش هيبقى خراب من كل حته
امجد وريم: حاضر يا بابا
معتز: ابقى طمنا يا عمو
محمد: انشاء الله
يسافر الجميع ويصلوا فجرا لتدخل نجلا وهى خائفه بشدة
نجلا: ماما ايه الى حصل
جميله: كنا قاعدين وجت الاخبار بالحريقه
كريم: عمى لسه هناك
جميله: ايوة
محمد: يلا يا كريم نروح لعمك
نجلا: خدونى معاكم
كريم: تروحى فين
نجلا:اروح لبابا اطمن عليه
كريم: حبيبتى خليكى مع ماما وانا هطمنك او ما اوصل يلا يا بابا
يخرجوا والقلوب تدعى ان تمر هذة الليله على خير
كريم: عمى انت بخير
مصطفى: بخير بس المحصول ضاع
محمد: فداك يا مصطفى المهم انت
مصطفى: الحمد لله كل الى ربنا يجيبه كويس
كريم: معرفتوش مين الى عملها
مصطفى: لسه البوليس هيحقق ونعرف
يعود الجميع لمن يقلقون عليهم فى البيت
لتحتضن نجلا والدها
نجلا: حمد الله على سلامتك يا بابا
مصطفى: الله يسلمك ياقلبي
جميله: عدت على خير يا مصطفى
مصطفى: نشكر ربنا ان الخسارة مش في الارواح
سوسن: الحمد لله اى حاجه تانى تتعوض
نجلا: كريم فين
محمد: بيعمل تليفون وجاى
كريم: من بكرة الصبح تكون عندى واعرف مين اللي عمل كده
صوت: أمرك يا كريم بيه
يدخل كريم
كريم: يلا يا جماعه ننام دلوقتى ويحلها الحلال
يتجه الجميع لغرفهم ليغرقوا فى سبات تام من كثرة تعبهم ويمر يومان حتى يأتى كريم من الخارج
محمد: كريم العمدة طالبنا انا وعمك نروح له
كريم: اكيد علشان حرق الارض
نجلا: يكون عرف مين الى عملها
كريم وكان وجهه متجهم
كريم: طبعا عرف وعاوز يلحق الموضوع من اوله بس مش هيلحق
مصطفى: كريم انت عرفت حاجه
كريم: اه البيه ابن عم سالم ابو داوود فاكرة يا عمى
مصطفى: حسن
كريم: اه حسن
محمد: ويعمل كدة ليه
يصمت الجميع وكان الكل ينظر لكريم لتقطع نجلا الصمت
نجلا: بقى تار
محمد: تار ايه انا مش فاهم
سوسن: طول عمرنا كويسين مع الناس يبقى تار ايه
تنظر نجلا الى كريم وقد بدأت الدموع تلمع بعينيها
كريم: الضربه دى متوجه ليا انا
جميله: ليك انت ليه
كريم: علشان انا ضربت سالم ابن ابو داوود
مصطفى: انا كنت حاسس مكنش شكلها حادثه ابدا
محمد: فهمونا يا جماعه فيه ايه
يبداء كريم فى سرد ما حدث ليصمت ويعم الصمت على الجميع ينهض محمد
محمد: يلا يا مصطفى نروح للعمدة نخلص الموضوع
كريم: لا انا الى هخلصه وهدفعهم تمن الى عملوة
محمد: انت تسكت خالص واياك اشوفك هناك الحكايه يا بشمهندس مش فرد عضلات يلا يا مصطفى
يخرج محمد ومصطفى ليخرج كريم بعدهما الى حديقه الفيلا لتذهب نجلا ورائه ليتجه الى الكرمه التى يجلسان بها دوما يجلس لتجلس بجانبه تضع رأسها على صدرة ليلف يدة على كتفها ويلعب بخصلات شعرها وهو شارد
نجلا: وبعدين رحت فين
كريم ينظر لها بعمق
كريم: فرصه يا نوجتى
نجلا: فرصه ايه
كريم: نتخانق
تنتفض نجلا وتبتعد عنه وهى تنظر له بدهشه
نجلا: نتخانق ليه وعلشان ايه انت خلاص مبقتش قادر تعيش من غير خناق
يضحك كريم بشدة ويأخذها بحضنه
كريم: يا قلبى دى انا مصدقت انك رضيتى عنى
نجلا وهى تلعب بازرار قميصه
نجلا: امال ايه الى انت بتقوله دى
كريم: هفهمك
يرن هاتف كريم
كريم: امجد ازيك عامل ايه
امجد: تمام انتوا الى عاملين ايه كله كويس
كريم: احنا كلنا كويسين
امجد: عاوز اقولك ان جان جه بحجه يسأل على نجلا وقدر يهكر الموبيلات واللاب كمان
كريم: كدة تمام اى اتصال او رساله نقدر نعرفها شكرا يا امجد
يغلق الهاتف وهو مبتسم لينظر للتى بحضنه
كريم: شكل الايام الجايه هتوضح فيها حاجات كتير
🌼🌼🌼🌼🌼🌼🌼
اسفه على التأخير لظروف خارجه عن ارادتى وهحاول الايام الجايه انشر فى المواعيد لاننا خلاص قربنا
يلا الفوت والكومنتات ومتنسوش صفحه الفيس
أنت تقرأ
وصيه الحفيد
Randomالحب كالزهرة النادرة تحتاج إلى المياة ترويها لتزيدها رونقا وجمالا والكرة نارا تحرق قانيها وتجعلنا شياطين بعد أن كنا ملاكا بين الحب والكرة شعرة فلا تخطيها ايها الانسان
