كولوله لذاك البعـيييد آكثر من روحِي أحب روحهَ ∞ 💍♥️
تصويت جورياتي❤
____________________
بارت مفاجئة🎉
رزان
اتفاجئت من الموضوع شنو الي غير جعفر هيج فجأة هو هل سنه الاخيره اله تقنية طبيه بس كون سما همين توافق عليه
قربت امتحانات اخر السنه ويزن المرحله الاخيره ف كاعد يحضر للحفله مال التخرج والشغلات واني داكه رجل الا اروح وياه راح يسوون حفلة التخرج بقاعه جبيره وهو ميقبل ياخذني وياه يكلي تتعبين واحير بيج
كلبت وجهي عليه اسبوع ما احاجي شلون ميقبل ياخذني وياه بس اخر شي اقتنع ورحنه للحفله جانت بشهر الرابع رحنه وتونسنه جانت الحفله تجنن حتى تحمست للحفله مالتي بعد سنه
اني جنت بنص شهر السابع بحملي وحيل كاعد اتعب بس ماحجي لأحد ماريدهم يقلقون عليه وكعدنه نحضر للامتحانات ويزن يحضر البحث وشغلات التخرج
امي كتلها خل تنتظر علما نخلص السنه وتجي تخطب سما لان هسه الكل ملتهي بأمتحاناته وصدك امي اجلت الموضوع لحد ما نخلص
مر شهر ودخلت بشهر الثامن من الحمل واجت الامتحانات وبدينه نمتحن كلنه اني ومنار واسراء ومحمد وامير ويزن وسما وجعفر وعباس ونبأ يعني الكل داخل انذار الامتحانات
اني بلكوه امتحنت لان حيل تعبت بالدراسه والكعده من الصبح يعني على اخر لحضه جان اجلت السنه من وره الحمل والتعب الشفته بس الحمدلله والشكر مرت الامتحانات وخلصناها يزن وامير هاهيه تخرجوا واني ومنار واسراء ومحمد رحنه للمرحله الاخيره وجعفر تخرج همين وعباس راح مرحله ثالثه ونبأ راحت للسادس اعدادي
خلصنه هاي السنه الدراسيه واخيرا يعني صدك الحمل ويه الدراسه صعب خصوصا اذا جانت الحامل عدها مضاعفات و اوجاع خلصت كل التجهيزات مال الطفل وقررنا نسمي علي
راجعت دكتورتي وكلتلي باجر راح تدخلين بشهرج راقبي نفسج واذا حسيتي بألام قويه تعالي اجيبج يمه اني كلتلي هيج لو متت من الخوف بطلت حتى ماريد اجيب ابقي بطني ولا اجيبه مجرد اتخيل تجيني الطلوكه واموت وجع هاي وحدها الفكره رعبتني كمت افكر اسوي عمليه بس امي كلتلي ليش تشكين بطنج وخياطات وبنج هيه بس تجيج الطلوكه ربج يسهلها
كمت اصير حذره ويه نفسي وأي وجع احس بي اجمد بمكاني اخاف راح اولد امي قررت تجي تخطب سما لجعفر واني فاتحت الموضوع ويه عمتي وكالت خلي تتفضل وانشالله خير
وصدك ثاني يوم اجتي امي ونبأ ومرة عمي حسين وطلبوا ايد سما وعمتي كلتلهم ناخذ رأي ابوها واخوها ورأيها وانشالله خير
اباوع لسما احسها موافقه عليه همه نفس الجامعه هسه يطلع مسوي وياها علاقه وميكلي استاذ جعفر 😑
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
