القلب وما يفعل((باللهجة العراقية))

البارت 1

- ﻼ شي يستَمر إذا لم يڪُن مُتبادل🤍🤍.

تصويت جورياتي❤
___________________

رزان..كعدت الصبح ساعه 8:00 الصبح غسلت ورحت لماما شفتها بالمطبخ راح تطلع لشغلها

ايمان باستعجال..يله رزان اني طالعه راح أتأخر تريكي وضمي الغراض وقفلي الباب وراج مو تنسيها اختج تبقى نايمه للظهر بين ما ارجع

رزان..خوش انتي روحي واني هسه هم راح اتريك واطلع

ايمان..يله رايحه مع السلامه

رزان..الله وياج

طلعت امي على شغلها الي هو تنظف بيت ناس ابو هادي واني كعدت اتريك حتى اروح للمحل

خلصت ريوك وضميت الغراض ورحت ابدل ملابسي لبست بنطرون وتشيرت عادي وشعري لميته ذيل حصان ولفيته سويته كعكه واخذت جنطتي وطلعت

وصلت للمحل الي هو محل مال هدايا دخلت لكيت صاحب المحل كاعد

رزان..صباح الخير

علي..صباح النور تعالي بسرعه قبل لا يجون الزبائن ذني البضاعه رتبيهن

رزان..بديت ارتب البضاعه والشغلات شغلي من 9 الصبح لحد 1 الظهر ارجع ارتاح واتغده واروح للمحل من 4 الظهر لحد 9 بليل

وطبعا مجبورين على الشغل علمود لكمتنه واختي الصغيره بعدها مراهقة ومو مال تشتغل

خلصت شغلي وصار الظهر رجعت للبيت امي جايه ومسويه غدا ارتاحينه شويه وصبينه الاكل ورا ما خلصنه شلنه الغراض وغسلت نبأ الماعين ورحت شويه انام تعبانه وقتت الموبايل ساعه ب 3:30 حتى اكعد اروح للمحل

نمت شويه وكعدت على المنبه

رزان بنزعاج..اووووووف يعني شنو هاي والله نعسانه استغفرالله

كمت غسلت ولبست ملابسي حتى اروح امي ونبأ كاعدين بالصاله يشربون جاي

رزان..راح اروح اني للمحل

نبأ..رزان رزان دقيقه عليج الله مشتهيه جبس

رزان..بعيني اجيبلج تدللين

ايمان..ديربالج على روحج وانتبهي زين ولتتأخرين

رزان..حاضر يلا مع السلامه

ايمان..الله وياج

وصلت للمحل وبدت الزبائن يجون ويشترون واني وياهم طبعا اني عدي اسلوب بالاقناع كلش حلو ف لهذا الشي ابو المحل كلش مستعز بيه وميقبل يبطلني يعني حتى من بديت اشتغل عنده يكلي كاموا هواي ناس يجون يشترون من عندي لان ارغبهم بالبضاعه وهم مو غالي

كعدت شويه بعد ماطلعوا الزبائن من المحل وفرغ طلعت موبايلي الي هو صرصور مو من ذني الحديثات اريد اخابر منار حسيت بصوت خشن رفعت راسي شفت رجال ضليت مصدومه بي يعني ماشاء الله جميل ورجولي كلش وبحت صوته تخبل