عاشگك من چان عشگ الناس نظره
وشابگك محبس هوه مشابگ الشذره🔗.
تصويت كليباتي😍
________________________
رزان
ههههه هاي شبيك حبيبي اي هو احنه مخطوبين وانشالله نزوج
يزن..لاا قصدي نحدد يوم العرس اني اريد اخلص كلشي ونزوج يعني خل بس نخلص هل سنه نزوج
رزان..مادري حبيبي زين اهلك شنو رأيهم بالموضوع
يزن..كتلهم بالبدايه كالو ليش هل استعجال بس بعدين كالو براحتكم
رزان..لازم اكول لماما لعد
يزن..اي واني كلت لأمي تخابر امج حتى يتفقون
رزان..اوك حبيبي اي شكو ماكو
بقينه نحجي سوه عن التحضيرات وساعه عن الدوام والامتحانات وساعه يتغزل لحد ما ودعنه بعض وهو راح لشغله واني نزلت اكول لماما
رزان..ماما
ام رزان..ها يمه كولي
رزان..ماما يزن يريد نحدد يوم العرس ويكول اريد من نخلص هل سنه نزوج
ام رزان..وليش هيج مستعجل
رزان..مادري بعد بس هو يكول احنه مخلصين كلشي واهله قبلوا وراح تخابرج ام يزن
ام رزان..والله يايمه براحتكم بس لازم احنه هم نستعجل اذا هيج ولازم اكمل جهازج
رزان..هسه هيه حتخابرج ام يزن واتفقوا
ام رزان..خوش
رزان..صدك شويه وخابرت ام يزن وبعد السلام والكلام بدوا يتفقون على شغلات العرس والتجهيز امي كالت لأبويه وبدت تطلع كل يوم حتى تكملي الجهاز واني مرات اطلع وياها ومرات ماكدر لان عدي دراسه وامتحانات
اسراء الحمدلله عايشه مرتاحه ويه محمد وعيالها زينين وياها ومنار حياتها طبيعيه ويه امير واهلها حياتهم تحسنت من بعد المطعم الي ابوها شريك بي
حسن ماكمت اشوفه وحتى من اشوفه هل فتره احسه صاير مو مثل قبل وحيل ثكيل ولو هو من البدايه هيج
.
.
.
.
اليوم جمعه عطله وامي كالت راح اخذج حتى نكمل الجهاز مادام عدج عطله وصدك بدلت وطلعت بس اني وامي وحدنه افترينه واشترينه شغلات ورحنه على قسم الكوزمتك واشترينه مكياجات وعطور وغسولات وترطيبات وشغلات للجسم خلصنه وطلعنه
بس شنو متنه تعب شكول عليك يزن شهل استعجال هذا
وصلنه لمحل ملابس نوم اني شفت الملابس تخبلت مو حلوات وحيل مفضوحات امي كلما شافت قطعه وراوتني شنو رأيج وشنو رأيج وعلى كلشي جنت اكللها مو حلو وفاضح كامت من يمها الي يعجبها تشيله وتخلي بالعلاليك واني واكفه احجي عليها ماحب هيج ملابس
أنت تقرأ
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
