ﺂلا يُمكن لهذه الأرضِ أن تصٌنع لنا مكّاناً صغٌيراً لنلتقِي 🖤
تصويت جورياتي❤
___________________
رزان راحت بصف امها وكعدت تهدء بيها
رزان..تمام تمام هسه انتي اهدي ولتضوجين اكيد اكو حل اكيد اكو شغل منا منا اني راح اشوفلج عد الناس الي اعرفهم اذا يحتاجون شغل شي وانتي هم دوري بلكت نلكه
ايمان بتعب..شلون نلكه ماعدنه وقت بعد اسبوع الايجار منين اجيب الفلوس
رزان..لتخافين ندبرهم واني هم راح استلم شهريتي من المحل وانشالله ندبرها هسه انتي بس اهدي حتى نلاكيلج شغل
ايمان..اوووف شوكت ارتاح وما أشيل هم للشغل والفلوس والايجار وانام براحه شوكت😞
رزان..الله كريم انشالله يجي هذا اليوم احنه لازم نكون اقوياء ونواجه كلشي مو نكعد نبجي ونكول شوكت وشوكت
ايمان حضنت رزان ونبأ..يمممه همزين انتوا يمي اني مستعده كلشي اسوي بس علمود احميكم وادبرلكم العيشه الهنيه
رزان..ماطول انتي يمنه هاي احلا عيشه
رزان..مرت كم يوم امي لكت شغل عامله بفد مدرسه بس شغلها مو دائم يعني شهر وتروح لان عاملتهم مسويه عمليه وماخذه اجازة شهر بس وره الشهر ترجع وامي تروح هم لازم تدور الشغل بس هسه خل تمشي هل شهر وندفع فلوس الايجار ويصير خير
باجر اول يوم الي بالجامعه خايفه ومتوترة ومتحمسه خابرتني منار كلتلي تعالي يمي
رزان..ماما اني رايحه لمنار شويه وارجع
ايمان..مو تتاخرين
رزان..انشالله
رحت دكيت الباب طلعلي ابو منار
رزان..سلام عليكم شلونك عمو
ابو منار..هلا عمو عليكم السلام تفضلي بويه
رزان..تسلم عمو
دخلت لغرفة منار جانت ناشرة ملابسها بالكاع وتحاول تنسق بيهن
رزان..ها ولج شدسوين
منار..ولج تعالي شنو البس حايره
رزان..يمعوده البسي اي شي انتي ملابسج حلوه وشتلبسين تحلينه
منار..اروح فدوه الج😍 بس لا صدك البس هذا ويه هذا لو هذا ويه هذا
رزان..اممم هاي التنورة النيليه ويه هذا القميص الابيض حلوات
منار..صدك طلع حلو وانتي شنو راح تلبسين
رزان..يمعوده اي شي بنطرون وتشيرت
منار..ياا صدك تحجين يمعوده باجر اول يوم تلكين البنات كله مكياج والاناقه واللبس الحلو
رزان..شعليه بالبنات هنا رايحات يلفتن النظر اني رايحه ادرس الي خلك بعدين اني منيلي مكياج واناقه خل انلحك على مصروف البيت بعدين اشتري لنفسي شي
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
