و انتَ ذاك الما رخص وبعيني غالي
تِنصه و بروحي سِمه شما تنصه عالي.❤️🥺
تصويت جورياتي❤
__________________
رزان
وصلنه للفندق بعد ما زفونه جانت احلا زفه بحياتي اتونسنه وضحكنه والطريق كله عالكين اغاني ونغني اني ويزن سوه
واخواني لعبوا لعب كلساع موكفين سيارتنه ويركصون
نزلنه بعد ما صفينه السياره اني ويزن والاهل كلهم راحوا دخلنه للفندق يزن جان حاجز قبل بيوم جان حاجز سويت بفندق راقي وحلو
صعدنه للسويت بعد ما انطونه المفتاح ويزن جان يجر بالجنطه واني امشي وياه
وصلنه للسويت ويزن فتح الباب ودخلنه علكنه الاضويه وجانوا مسوين تزيين للغرفه لان عرسان خلينه غراضنه اني جنت واكفه اجه يزن ورايه وحضني
يزن بهدوء..واخيرا صرتي مرتي وخلص بعد ماكو احد يخرب علينه
رزان..ايي واخيرا
يزن..جوعانه
رزان..ايي
يزن..لعد خل نبدل حتى نتعشه
رزان..اوك
اخذت ثوب النوم ورحت للحمام بدلت وطلعت بس التسريحه والمكياج بعده ويزن همين بدل ملابسه ولبس بجامه وفانيله اني كعدت على الكرسي كبال المرايه وكعدت امسح بالمكياج مسحته كله واجه دور التسريحه شعري جان متروس ماشات
كعدت افتحه شويه شويه اجه يزن وكف ورايه وكال خلي اساعدج وكام يوخرهن وياي لمن فتحت شعري كله متت احس لحم راسي متجرجر من التسريحه مشطت شعري ولميته كعكه بأهمال وكعدنه نتعشه اني ويزن
كلش جوعانين البحيث الاكل تقريبا اكلنا كله
خلصنه وشلت الماعين ورجعت كلشي لمكانه وجان اكو ثلاجه صغيره ضميت بيها الغراض وغسلنه ورحنه للغرفه جنت ميته من التعب وكاعده من الصبح هواي نعسانه
تمددت بالغرفه واجه يزن يمي وحضني باسني براسي جانت احلا ليله بحياتي يزن جان غير عن كل مره كلامه ولمساته ودتني لغير عالم
كعدنه ثاني يوم على صوت موبايل يزن جان ابو يزن باركلنا وكال ينتظرونا بالبيت
دخلت للحمام سبحت ولبست بسرعه ملابسي شسورت شعري وخليت مكياج طبيعي ويزن همين غسل ولبس ملابسه اخذنه كل غراضنه وطلعنه من الفندق بعد ما سلمنه المفاتيح
وصلنه للبيت وجانوا الكرايب موجودين باركولنه كلهم وكعدنه نتريك
خلصت ريوك واخذت جنطة الملابس الي جانت ويانه وصعدت لغرفتي جانت مقفوله علمود من نجي احنه نفتحها دخلتلها تخبل علكت الاضويه وسديت الباب ورايه وفتحت الجنطه فرغت الغراض الي بيهن وكل شغله رجعتها لمكانها
ESTÁS LEYENDO
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
