عفت چم گلب رايدني
ورضيت أستوطِن بـ گلبك ♥️🕊🗝
تصويت جورياتي 😘
_______________________
رزان
انصدمنه من ابويه وكع انتهى كلشي بعيني حسن كرهته كره مصاير واتمنيت الزمه اكطعه اخواني عافو السالفه وركضوا على ابويه يحاولون يكعدوا ميكعد
جعفر ركض فتح سيارته وعباس حاول يكوم ابويه ماكدر وحده حسن رأسن ركض يساعده بكل عين صلفه بعد سوايته اجه يساعد عباس ويشيل ابويه وياه
بقيت بس واكفه مصدومه وما انطي اي ردة فعل ابويه ابويه اذا صار بي شي ماسامح نفسي اني السبب الله لا ينطيك حسن كله من وراك الله لا يوفقك
حقدت حتى على يزن اني كتله لتسوي مشكله احنه نحلها بس هو ما سمع مني وهاي ابويه وكع يربيي الطف بينه ورجعه سالم النه يارب
صرت عصبيه امي تحاول تهدئني واني ارجف من العصبيه والشي الي صار مصدومه هم ونبأ همين واكفه يمي
دفعتهم وصعدت فوك ركض فتحت موبايلي وخابرت على يزن رنتين وفتح الخط
يزن..الووو
رزان بصياح وعصبيه..ليششش ليششش هييج سويييت اني شكتلكككك مو كتلكك لتروح ولتسوي مشاكللل هيج زيننن اجه حسن وكام يصيح ويكله لأبويه بتك عدها علاقه وياه
وابويه وكع من وراكم انته وحسن يزن اذا ابويه صار بي شي مراح اسامحك ولا اسامح اي احد افتهمت
سديت الخط بوجهه وهو ضل يدك واني ما ارد عليه اخر شي سويته صامت وكعدت ابجي طلعت حركة كلبي كلها كمت ابجي واشهك حيل ليش ياربي ما مكتوبلي ارتاح لازم اتعذب لازم يطلع شخص بحياتي يأذيني
كلما اكول هانت وراح اعيش حياة سعيده تطلعلي سالفه صفح الله لا ينطيك يا حسن كون انشالله تتعذب مثل مكاعد تعذبني
ضليت ابجي واحجي ويه نفسي تخبلت اي تخبلت بعد المشاكل الي صارت شويه واجه عباس سمعت صوته جوه
ركضت انزل مدري شلون ماوكعت من الدرج لكيت امي ونبأ واكفات يمه يسألن بي اجيت يمه ركض لزمت ايده
رزان بخوف..ها عباس احجي شصار ويه ابويه طمني عليه
انصدمت منه وخر ايدي وما باوع بوجهي ودار وجهه على امي
عباس..يله يمه اني اروح كلت بس اطمنكم وارجع ديربالج على البيت اليوم منرجع راح نبات يمه يله مع السلامه
ام رزان..الله وياك يمه الله يحفظكم
رزان ببجي..يممه احجي شصار على ابويه
ام رزان..الدكتور يكول الله ستر ما ضربته جلطه قلبيه وعدت على خير ولازم ندير بالنه عليه ونمنعه من الصدمات
ΔΙΑΒΑΖΕΙΣ
القلب وما يفعل((باللهجة العراقية))
Ρομαντικήقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
