بارت مفاجئ🎉
يا انه و هلي وصبري و جريب الناس
و يا عمري اليجي و عمري العزيز الفات.🤎
تصويت حبيباتي❤
_______________________
رزان
بدت امتحانات نص السنه وامتحنه وعدت سلامات واجت العطله واخيرا يوم ميلادي جان ٢/٢ واصلا ناسيته كعدت الصبح غسلت ونزلت جوه تريكت ونضفت الببت ويه نبأ وكعدنه عطله وماعدنه شي
نبأ..اا اكول رزون
رزان..كولي عيني
نبأ..اليوم شنو يصادف
رزان..شنو يصادف يصادف الاثنين ليش
نبأ..ولج عوبه مو اليوم لا المناسبه بهذا اليوم شنو ٢/٢
رزان..شنو
سكتت رزان وبعدها كالت
رزان..عيد ميلادييييي ياااي عززا ناسيه اجيت للدنيا اليوم فدووه 🙃
نبأ..ههههههه عوبه تعاي خل ابوسج كل عام وانتي بخير
رزان..عمرري وانتي بألف خير وين هديتي يله
نبأ..عود اطلع واشتريلج محد طلعني
رزان..صدك عود البنات يتذكرن لا
نبأ..هو انتي ام الميلاد متذكرتي هنه يتذكرن
رزان..اي والله هم صح المهم تجيبيلي هديه صدك خل اروح لأخوانج بلكت نحصل شي منا منا
نبأ..ايي روحي لعباس حتى يكوم يبجي بوجهج ماعدي منيلي محد يطيني
رزان..هههههههههههه خربيومج لو يسمعج الا يكتلج كتله حشك ولبك
نبأ..يمعوده ذاك اليوم اكله مشتهيه بيتزا ماشوفه الا شرد ومابين منه شي
رزان..هههههههههههه خل اروحلهم
رحت لغرفة جعفر دكيت الباب سمعته يكول اتفضل
فتحت الباب ودخلتله جان كاعد يلعب بموبايله
رزان..احم احم مرحبا استاذ جعفر
جعفر..هاي شنو صايره مرحبا واستاذ خير احجي شمسويه مصيبه
رزان..لا ما هذا شسمه ما مسويه بس اليوم عيد ميلادي🙂
جعفر..يااا على الخير كل عام وانتي بخير انشالله سنه الجايه متزوجه وخلصانين منج
رزان..لا بله عود صدك تحجي 😒 وين الهديه بسرعه
جعفر حك مؤخرة راسه..الا هديه يعني
رزان..اي الا
جعفر..عود من اطلع اليوم اشتريلج
رزان..اذا ماجبت اموتك
جعفر..روحي لعباس عده كومه فلوس يشتريلج سياره😂
رزان..تقلد حضرتك😒 هو رايحتله الا اخذ الهديه من عيونكم
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
