تعال وشوفني شتلگه
خلگ شاعر واسولف بيك
ديوان القصايد تاكل بـ خلگه🕊
تصويت جورياتي❤
____________________
رزان
اباوع ليزن مصدوم ومانطه اي ردة فعل
يزن..رزان احجي الصدك كاعد تجذبين عليه موو
رزان..لا والله اني حامل والله العظيم
يزن بفرح حضن رزان وشالها..لجججج واخيرا راح يجي ثمرة حبنا واخيرا راح اصير اب واخيرا لجج شسوي بيج هسه هاي شنو التحضيرات ليش تعبتي نفسج هاي الطاوله منو جابها هنا
رزان..اني
يزن..ليش شلتيها اذا بعد شلتي شي اموتج كله تضلين كاعده ومتتحركين وشنو تردين يجي يمج
رزان..هههه حبيبي مو لهل درجه كلشي ما شيل ولا اتحرك بعدين عندي دوام بعد كم يوم
يزن..شلون بيج عوفي هل سنه وسنه الجايه رجعي
رزان..مااا اريد اداوم ويه صديقاتي هنه يصعدن للمرحله الرابعه واني ابقه بالثالثه ميصير
يزن..مو اخاف عليج شلون لعد
رزان..حبيبي كلشي ميصير اني على كيفي ماشيل شي ثكيل لو اتعب روحي
يزن..رزان اذا صار شي موزين لا سمح الله متتناقشين وياي رأسن تأجلين السنه
رزان..اوك حبيبي
ثاني يوم خابرت امي كتلها وطارت من الفرح خطيه كامت تبجي من الفرح اول حفيد😁
العصر اخذتني عمتي لدكتورة خاصه وسوتلي فحوصات وتحليلات جيكت على حالتي وعلى الطفل كلتلي وضعج تمام والطفل بخير وصحته زينه عمره اسبوعين وانتي كون تحافظين على روحج ومتشيلين ثكل لو اتعبين روحج وطبعا عمتي كاعده وتكللها ابد ولا خليها تتحرك كتبتلي علاج ومقويات رحنه جبناهن من الصيدليه ورجعنه
احساس حلو من تحسين اكو روح بطنج وعايشه وياج وشنو تاكلين هيه تاكل وشنو تشعرين هيه تشعر بنفس شعورج الحمدلله الله رزقني اكو هواي يتمنن ريحة الطفل وشنو يجي من الله حياه الله ان جانت بنيه او ولد ثنينهم ابوس ايدي وجه وكفه اهم شي تمام الخلقه والصحه
خابرت منار واسراء وكتلهن ضلن يصيحن من الفرح😂
انوب طلعتلي سالفه اذا بنيه منار تكول على اسمي تسميها واسراء تكول لا على اسمي تسميها وضلن يتناكرن اخر شي كتلهن ولا وحده انلصمن
مر كم يوم وبدت الجامعه وبديت اداوم ويزن وياي هو اخر سنه وكلساع منبهني ديربالج لتركضين لتمشين حيل لتصعدين درج بسرعه لتشيلين شي خبلني بس بنفس الوقت عاجبني اهتمامه وخوفه عليه اصدقائنه بس المقربين كنالهم بس الباقين لا
مر شهر على هل حاله كامت تطلعلي اعراض الحمل دوخه ووجع بالظهر وبس اريد انام وتقريبا اشتهي كم اكله بس مو هواي اكثر شي اشتهي من الاكل دولمه وكون حامضه تكطع (اللله😍🤤🥺) وعمتي بس تسمع رأسن تسويلي وامي كذلك تخابرني شمشتهيه وشنو تردين اسويلج جعفر وعباس من عرفوا اني حامل يكلولي صرنه خوال جهالج يعني شخصيات مهمه بالعائله😂😂
आप पढ़ रहे हैं
القلب وما يفعل((باللهجة العراقية))
रोमांसقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
