وبـ؏ـد خصام طويل : گـال
؏ـوفوها تدلل ؏ــليه بنـيتي 🥺💙
تصويت جورياتي❤
_________________
رزان
كعدت ثاني يوم بدلت ملابسي حتى اروح للجامعه امي مالكيتها رايحه للشغل ونبأ اليوم دوامها ظهري
طلعت حتى بدون ريوك مالي خلك وما نايمه زين بس افكر بلي صار
طلعت ودكيت الباب على منار طلعت وصبحت عليها ورحنه للجامعه طبعا هيه عرفت كلشي سولفتلها
وماعرفت شنو تكول لان صدك الموقف مادري شلونه
وصلنه للجامعه وبدت المحاضرات بس مو كلش منتبهه حتى اسراء حست عليه
وصار لازم اسولفلها كلشي
حجيتلها كلشي وانصدمت وبنفس الوقت انقهرت من عرفت بالحادث مالته
اسراء..تدرين شنو اليوم من تطلعين الظهر روحي للمستشفى شوفي بحجة انتي زميلته واصلا انتي الي جنتي وياه بالحادث وكاعد تتطمنين عليه
وهمه اهله اصلا يعرفوج فعادي عدهم
رزان..هاا بس مو عيب اني السبب بحادثته واروح اشوفه هسه
اسراء..لا مو عيب بعدين انتي معليج مو بسببج هو لو منتبه للطريق ما جان اتعرض للحادث بس والله مبين ميت عليج البحيث حتى الشارع ما انتبه اله
ولج والله هذا عاشكج لتخسري وانطي فرصه يبين حبه الج
رزان..مادري مادري الله كريم خل يخلص الدوام هسه ويصير خير
رحنه للقاعه من خلصنه الدوام طلعت اني ومنار وبقيت افكر اروح لو لا ومنار هم كلتلي روحي واطمني عليه
اخر شي قررت اروح وشيصير خل يصير منار كالت اني راح ارجع للبيت والمستشفى اصلا جانت قريبه من الجامعه ف رحتلها مشي ومنار ركبت عبريه للبيت
وصلت للمستشفى ودخلت للاستعلامات سألت عن اسمه الثلاثي بيا غرفه وانطتني رقمها رحت واني متوتره ومتردده اروحله لو ارجع للبيت
بس اخر شي استجمعت نفسي وحضرت كم كلمه اكولها اله لان بس اشوفه الكلمات تطير من بالي فجأة
وصلت لغرفته جان ماكو احد يم باب الغرفة يربيي شراح اكول اذا جان موجود احد من اهله يله اكلهم اتطمن عليه 🙄
دكيت الباب وسمعته يكول اتفضل فتحت الباب ودخلت جان متمدد وراسه ملفوف وماكو احد يمه
هو من شافني انصدم وحاول يكعد عدل
دخلت وسديت الباب ورايه وتقدمت يم السرير
رزان بتوتر..سلام عليكم
يزن..عليكم السلام
رزان..احمم الحمدلله على سلامتك
يزن.الله يسلمج
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
