يگول :
الحسره الـ بكلبي بـ؏ـد مِہ بيه اضمها
يمته اشيل بـ ايدي طفله؟ وﭑنتَـي أمـها 🥺♥️
تصويت جورياتي❤
__________________
رزان
مرت الايام واجت امتحانات نص السنه امي مرتاحه بشغلها و وياها ام منار يزن كام كل يوم يجي ولو يدز ورد وهدايا وكلهن ما اقبلهن وارجعهن والكل حس انو اكو شي بيني وبين يزن
يريد يسويلي سمعه استغفرالله شلون بي اني صرت كلش احب اشوفه ومن يجي كلبي يكوم يدك حيل واتوتر اول مره يصير وياي هيج احساس سولفت لمنار عن احساسي كلتلي انتي معجبه بي يحظي
بس اني ماريد انعجب بي لان هو حتى لو ارتبط وياي اكيد راح يجي يوم ويعوفني حالي حال البنات الباقيات
واني ماريد اتعلق بي بعدين يتركني منكسره ماريد احس بإحساس البنات الي يتركهن حبيبهن
اني البيه كافيني الظهر رحت للمحل وملتهين اكو هواي زبائن والمحل هوسه واني ملتهيه وياهم
فجأة سمعت كلمة سلام عليكم بس الصوت اعرفه رفعت راسي جان تجي عيني بعين يزن هو انصدم واني ارتبكت
وراها سكت وراح يكلب بالغراض والهدايا من فرغ المحل أحمد اجاه اتصال واضطر يطلع و كتله روح اني موجوده اجه يمي يزن بعد ما راح احمد
يزن بصدمه..انتي تشتغلين هنا
رزان..اي اشتغل هنا
يزن..اول مره اشوفج شكد جاي لهنا ولا شفتج
رزان..اي وشنو يعني
يزن..تدرين يمكن قبل لا اتعرف عليج جاي لهنا وشايفج اكول اول ما التقيت بيج وين شايف ملامحج
رزان..اي وهسه عرفتني اشتغل هنا اكول انته المن لازك بيه شنو شفت مني وعجبك اشو اني من عائلة فقيره امي تشتغل خدامه واني الصبح جامعه العصر شغل لا لبس لا مكياج لا شي على شنو لازك بيه روح اكو كومه بنات متخبلات عليك
يزن بهدوء وهو صافن بعيونها..عيونج بيهن سحر شدني الج ومكاعد يروحن من بالي كل الي عرفتهن جانن مجرد ونسه بس انتي غير
رزان سكتت وهيه تباوع عليه اخر شي كالت..ههه هذا اسلوبك تستخدمه ويه البنات الي ميقبلن بيك بس لتحاول مراح اقبل
يزن..اصلا اني اول مره اصادف بنيه مثلج البنات الي اتعرف عليهن هنا يجن يذبن ميانه وسوالف وحتى الي تبيع ثكل يومين وتجيني هيه بنفسها بس انتي غير عنهن
رزان..اممم ويعني شفتني ما انطي مجال صرت مثل التحدي الك حتى تخليني احبك وراها تمل وتشوف غيري موو والله حلوه اكلك لتعب نفسك ولا تحاول وهسه روح منا ليشوفك احد 😒
يزن بهدوء..ماشي رايح يعمري اشوفج بالجامعه
رزان بينها وبين نفسها..استغفرالله هذا شافني صعبه كال لازم تجيني بس ليحاول ماقبل ابد مو اني الي اصير ونسه😑
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
