قل للذي تركَ الديارَ لغربةٍ
قلبُ الأحبةِ أوسعُ الأوطانِ .
ممكن تصويت جورياتي 😘
______________________
رزان
كعدت الصبح ساعه 10:00 نزلت اتريك اليوم فرحانه هواي لان ابويه راح يخابر ابو يزن ينطي الموافقه ويتفقون على المشيه
طايره من الفرح وماعرف شسوي امي هم فرحانه لان تعرف يزن شلون حباب وشهم بس متدري نحب بعض
كلت بس نخطب اكللها انو احنه جنه نحب بعض بالجامعه نبأ هم فرحانه وحايره شنو تسوي وتلبس بالعقد
منار من سمعت خابرتني وباركتلي ومتخبله شسوي وشلون والبس وشعري آخر شي كالت كلجن راح تتزوجن بس اني بقيت تقصد عليه اني واسراء
كتلها يله انشالله الدور الج ويه امير😉
عاد هيه خجلت وكعدت تدعي امين يارب اخخخ الخفيفه كتلتني😂
ابويه كال راح اخابر عمامج انطيهم خبر و وراها اخابر ابو يزن واني ساكته وخجلانه
راح بابا للاستقبال وخابرهم كلهم تعالو العصر عندي موضوع وياكم
احنه رحنه نتغده وخلصنه وشلنه السفره وسوينه جاي نحضره بين ما يجون شويه واندكت الباب وراح جعفر يفتحها
دخل عمي جاسم وعمي حسين و وراهم حسن وقاسم دائما وياهم وين ميرحون وبالشغلات المهمه يجون واشوفهم ويه عمامي
ابويه دخلهم للاستقبال وامي صبت الجاي واخويه اخذه الهم
واني ونبأ كاعدين نسمع شنو يحجون
ابو رزان..والله يا خويه اجو جماعه على رزان الولد يعرفها من الجامعه وانعجب بيها وبأخلاقها واجه طلبها مني وسألت عنه خوش رجال ورزان هم موافقه
ف كلت اكللكم حتى هسه اخابر ونتفق على الخطبه
حسين..الله يجعل البي خير يارب
جاسم..بيها الخير خويه
كام حسن فجأة بعصبيه
حسن بعصبيه..من رخصتك عمي بس اني رزان اريدها الي وناهي عليها تصير الي مو الغيري خابر الجماعه وكول الهم ماكو نصيب
ابو رزان بصدمه..بويه والله على عيني وراسي واذا رزان قبلت شكو بيها انته اولى من الغريب وابن عمها بس ليش محجيت من البدايه
حسن..مو مهم قبل هسه المهم رزان الي متصير الغيري
رزان..كل هذا الحجي واني اسمعه ومصدومه شهل حجي اني ماريد حسن نزلت دموعي لا لا مستحيل ماقبل اتزوج حسن ماحبه اريد يزن
امي اجتي شبكتني وكالت اشش لتبجين يصير خير خل يرحون واحاجي ابوج لتبجين
رزان ببجي..يممه ماريده والله ماريده ماحبه شنو ناهي عليه ماريييد
STAI LEGGENDO
القلب وما يفعل((باللهجة العراقية))
Storie d'amoreقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
