كل الي مش مقتنعين ان فجر خاينه طب تعالوا نراجع الاحداث من الاول كان في كذا دليل انها خاينه ...
1... هيا دخلت ازاي عربيه ظابط الا اذا كان في حد بيساعدها
2... ايه الي يخليها تضرب ظابط بالقلم من غير اي مبرر غير انها تجر شكله
3.... ردوها عليه ديما بتتحداه وكأن في طار بايت بينها وبينه
4.... زيدان كان عارف من الاول انها مع هشام ومخدش موقف جامد انه يرجعها مع انه كان يقدر وليه كل الحق في كده
5.... لما زيدان خطفها كان ممكن يتاويها في اي مكان ويخفي اي دليل انه هو الي خطفها ايه الي هيخليه يسلمها لهشام بايده الا اذا كان هيستفيد من رجوعها
6... ليه كان ديما زيدان سابق هشام بخطوة وبيغير خطته في اللحظه الاخيره
7.... اتنباه فجر الشديد لاي مكالمه او كلمه بيقولها هشام تركيزها الجامد معاه من الاول لو تفتكروا لما كان بيتكلم في التليفون في المطبخ ولف لقاها وراه وغيرها ...
8.... كلمتها لهشام ( هما بيعملوا فخ للظباط)
9... ارتباكها وزعلها وتوترها لما هشام قلها ( انتي فخ وقعت فيه )
10..... لما كانت مخطوفه كان بيقولها انتي بتعلبي بيا الكوره قالتله سيبني وانا هفهمك انت فاهم غلط ...
لو كانت مش عميله ليه كان قالها انتي هربتي يوم فرحنا وهيا كانت هتقوله مش هتقدر تغملي حاجه انا دلوقتي مرات هشام وهو هينقذني مش هيسيبك
لكن ده محصلش دي كانت بتقوله هفهمك ...كل ده يثبت انها خاينه ده غير كلام بين السطور كانت نهال بترميه بس محدش كان بياخد باله انها ديما مخبيه سر او مخبيه حاجه ....
*************************
اما بقي الي بيقول ازاي هشام وقع في الفخ ده وهو ظابط
(لكل جواد كبوة)
هو اصلا كان شاكك فيها من الاول بس من اول ما بدأ ينجذب ليها وهو بدأ ما يشوفش الحقيقه كامله
لان الحب بيعمي عينيك فعلا بيخليك تشوف الحلو مع ان الوحش بيبقي قدام عينيك وانت مش شايفه
وهو اعترف انها فخ وهو وقع فيه ... هو ظابط ااه بس انسان
ويوم ما حب حب الشخص الغلط
*************************
الناس الي بتقول فجر حبت والي حب مبيخونش
هيا اصلا كانت داخله نيتها خيانه وشر معملتش في حسابها انها تحبه كانت في مهمه وبتأديها بس لما حبته اعترفتله بكل حاجه وبعدت ومقدرتش تكمل في خيانتها
هيا مش كانت حبيبته وخانته العكس هو الي حصل يا جماعه
هيا كانت خاينه وحبته
طولت عليكوا يااارب اكون وضحت الفكره
By / ايمان العطار
أنت تقرأ
الحرب لاجلك سلام
Romanceاذا مست فتاة كبرياء رجل اما ان يقتلها او يقُتل فيها عشقا .. انتصرت صمت عيونها على مسدسه الكاتم للصوت .. امامها قرر أن يخلع عباءة الشرقي المكونه من خيوط التهديد والتوعد الى متيم لا ملجأ له الا إليها .. ♥️ #الرائد_هشام_السيوفى & فجر♥️ الحرب لاجلك سلا...