أولا وحشتوني جدا ❤️
ثانيا :
هوضح اللي حصل ، موبايلي القديم اتحرق ، وكل حاجه عليه حرفيا طارت ولحد اللحظه دي مالهوش حل ، وكان من ضمن اللي حصل الواتباد مكنتش عارفه ارجعه لان الايميل المتسجل بيه هو كمان اتقفل ومكنتش فاكره اي باسورد ، ليا ٦ شهور بحاول ارجع الواتباد وأخيرا جات من عند ربنا لما كلمت الدعم الفني للشركة الاصلية .
انا من وقتها وفقدت الشغف في كل حاجة حتى الكتابة مكنتش متقبله فكرة إني هبدأ من الصفر تاني ، والرواية كانت هتكمل زي ما كنا متفقين بس مريت بفترة عصيبة ربنا ما يكتبها علي أي حد والحمد لله أهو بدأنا نتجاوزها ❤️بعتذر عن غيابي الغير مقصود 🙏❤️
بخصوص الرواية ، اللي حصل إني كنت ماضيه عقد رواية جديده مع دار النشر ولسوء حظي او لحسنه الروايه اتحذفت مع الحاجات اللي اتحذفت ع الفون القديم ، ونزلت استفتاء ع الجروب لروايه تنزل ورقي ووكان الاكثريه صوت لرواية الحرب لاجلك سلام .
الرواية الجزء الاول نزلت ورقي ف معرض القاهرة وحاليا متوفره في أغلب المكتبات والدول العربية كمان ..
وبخصوص الجزء التالت ، زي ما قولتلكم كنت بمر بفتره صعبة جدا وكنت متوقفه عن الكتابة ، ويادوب رجعت اكتب تاني من كام يوم فاللي هيحصل كالآتي ، معرض القاهره باقي عليه شهرين لو لحقت اخلصها فالشهرين دول هتكون متوفره فالمعرض بقية السلسله ، أما لو الوقت ضغط معايا وملحقتش هضطر افسخ العقد وانزلها سوشيال ❤️
هبتدي ارد ع كل المسدجات اللي وصلتني منكم واسفة مره تانيه على الغيبة ، يارب كلكم تكونوا بخير ❤️
نهال مصطفى ❤️
أنت تقرأ
الحرب لاجلك سلام
Romanceاذا مست فتاة كبرياء رجل اما ان يقتلها او يقُتل فيها عشقا .. انتصرت صمت عيونها على مسدسه الكاتم للصوت .. امامها قرر أن يخلع عباءة الشرقي المكونه من خيوط التهديد والتوعد الى متيم لا ملجأ له الا إليها .. ♥️ #الرائد_هشام_السيوفى & فجر♥️ الحرب لاجلك سلا...
