بسم الله الرحمان الرحيم
العوده. من الرماد
بارت 4
شهرزاد....حرت شسوي والوقت داهمني مستحيل اتخلى عن مدرستي واقبل يزوجوني اخذت جهاز امي وصعدت لفوك طلعت رقم روعه اتصلت عليهاجاوبتني
روعه ....هلا حبيبه هلابيج خاله ام راجح
شهرزاد.... هلو روعه شلونج اني شهرزاد مو ام راجح
روعه ...يا ماعرفت صوتج هلا بعروستنه شلونج يحلوه
شهرزاد..زينه الحمد الله اريد بنين احجي وياها اذا قريبه عليج
روعه ...اي تدللين استوني اجيت يمهم
شهرزاد..... اسمعها تصيح بنين بنين تعاي مرت عمج تريدج هيه كالت مرت عمج واحس كلبي وجعني من اذكر طاري الزواج افكر ودمعتي بطرف عيني فززني صوت بنين
بنين ....هلو شهرزاد شلونج؟
شهرزاد...بخير بس بسرعه ماكدر اطول وياج ولاتخلين احد يسمعج حبابه عندي حجايه اريدج توصليها لعمج
بنين ...خير ولج شصاير،متعاركين؟؟
شهرزاد...هوه اني شايفته حتى اتعارك وياه بس كليله تكول شهرزاد اني ماريده وماريد اتزوج وخل هوه يبطل من يمه لان راجح اذا عرف اني طالبه منه يلغي الزواج يموتني
بنين ....تحجين صدك لوتخبلتي؟؟ والله ماكول ولااحجي تردينه يموتني عمو ميقبل ادخل بهيج سوالف
شهرزاد....ولج حقيره بس هل مره ساعديني فدوه اروحلج ماريد ازوج وامي وراجح جبروني ومحد يحس بيه اريد اكمل دراستي حجيتها وبجيت
بنين .... لاضوجين حبابه راح اجرب احجي وياه لو اني معلوسه لو احصلي رزاله بس لخاطرج كلشي يهون
شهرزاد..... فصلته من يمها وكعدت بلكاع خليت راسي بين رجليه ودموعي تحرك خدي ماريد ماريد موكوه ليش يجبروني الله لايوفقهم حرموني من ابسط حقوقي اعيش مثل البنات وادرس وانجح واخذ شهاده حسبى الله عليهم هوه عمري مال زواج؟؟
غسلت وجهي بالحمام ونزلت على دراج وصلت البايه الاخيره صار امير،بوجهي ركز بيه درت وجهي عنه اريد افوت للمطبخ لزمني من زندي وحجه بنبره كلها حنينه بصوت دافي ماسامعتها لا من امي ولا من راجح شكد راجح زين وياي بس مايحب يبين مشاعره حتى وي زوجته دوم وجهه عابس وعنده قساوه قلب
امير...شهرزاد باچيه؟؟؟
شهرزاد...هوه كال هيج بس اريدلي سبب ابچي كبل اخذت نفس والعبره خنكتني اندار عليه وضمني بحضنه دحست راسي بصدره وطلعت شكو قهر بكلبي من حزن وخنكه وهوه يمسح على شعري ويرجع يطبطب على متوني براحه ايده
امير....كافي شجاج يروحي هاي انتي ام لسان هيج تبجين كافي كافي يمعوده تدرين مابيدي شي والله لويرجع الامر اليه اخليجن كلجن تكملن دراسه ومستحيل اخليجن تزوجن بهيج عمر كافي ترى كطعتي كلبي!!!
