دابا تزيان(بالدراجة المغربية)

26

#نجمة وكمال
          نجمة دخلات لموقع التصوير وبالهامع كمال لي خرج جاعر ماعرفاتو فين و جنة لي خرجات ماباقي رجعات داخت من المزيان
عبلة:حبيبة ماتخلعيش ا صاحبتك باتكون بيخير
نجمة: ماعرفتش والله وراه عاودت ليك على اش وقع مع كمال
عبلة:مزيانة بغيتها فيها غير هو ماعرفتش فين غايكون
     شوية ميساج وصل لنجمة من عند جنة "حبيبة انا راه مع اشرف فواحد المقطع صحفي ديزولي ماعلمتكش وتيليفوني ايبقا طافي"
نجمة:هاهي الخرية يعطيها ليعة نشاء الله
عبلة:ودابا زربي وقلبي على خب قلبك فين غابر
نجمة:بلاتي ندير GPS
      دارتو وعطاوها الموقع ديالو ووراتو لعبلة
عبلة:اه عرفتو الحبيبة زيدي انا نوصلك
نجمة:واخا زيد ادير فيا خير
              خرجو من موقع التصوير وركبو فواحد الفيراري  ديال عبلة مفركعة فلحمر
عبلة:هانتي احبيبة ركبتك فالغزالة ديالي
نجمة:واااو غزاالة بزاااف هههههه
عبلة:يالاه احبيبة حزام الامان وسير عالله
       كسيرا بيها وطلق المزيكة عالجهد وهي تاتمزك معاه وهو تاينضغ المسكة وفرحانين وشعرها طاير فالسما ايوا شكون بحالك وصلها لحداواحد البار
عبلة:هافين كاين
نجمة:اش هادا
عبلة:بااار عمرك دخلتي للبار؟
نجمة:لاا فحياتي كنت تانشوفو غا ف mbc2
عبلة: ايوا هاهوا قدامك ثلاتي الابعاد دخلي
نجمة:اناااا؟!
عبلة:ومالي انا لي مخلوعة عليه نزلي وسيري قلبي عليه ورجعي نتي وياه
نجمة:ونتا فين غاتمشي
عبلة:لخدمتي احبيبة راكي غاديريها وشوفي السيد مالو ورجعيه لوطيل ابب
نجمة:بفففف واخااا
       كسيرا عبلة ومشا وخلا نجمة بوحدها تاتقرق عينيها زعمات ودخلات للبار وياريتها مادخلات واحد العالم اخور العاهراات والفاسقات والرجال شادين شي وحدة لمهم الهضرة فراسكوم دخلات وكولشي تايشوف فيها دورات عينيها تاتقلب عليه تابان ليها جالس فواحد الكوان وحداه عرام تاع القراعي تالشراب داك الغالي الحمر تمشات عندو شوية وهو يوقف عليها واحد سكرااان ضارب البلان شد ليها فيديها
السكران(بلونكلي):الزين اححح شحال غزالة اجي نعطيك شي ليلة حمرا
     بدا تايجر فيها وهي تاتنطر وتاتغوت
نجمة:اطلق مني الشريييف والسكايري طلق مني ياهاد راس الكدم
      بقات تاتغاوت معاه وتايجر فيها وهو يشدو واحد من قرفادتو ودورو عندو ودخل فيه براس تاغيب
كمال:تفووو على ماركة تاع المكابيت اش كاظيري نتي هنا
نجمة:اووف خلعني المظسس لاخور جيت تانقلب عليك خلعتيني عليك خرجتي ماباقي بنتي ليا تشوت عليك
كمال(سكران): انا اتخلعي عليا ويتك ويتك
     شدها من حناكها وبقا تايدير ليها ويتك ويتك وتايضحك وريحة الشراب دوخاتها
نجمة:سي كمال الرجوع لله زيد يالاه نخرجو
كمال:اه زيدي خرجي نيت نتي ماشي تاع هاد البلايص يالاه قدامي
     دارت ليه خاطرو حيت السكران خاصك هي تسايسو خرجو وركبو فاللوطو
نجمة:الشريف نتا سكران وغاتصوك بيا
كمال:سكتي انا عارف اش تاندير اجي فيناهو الكسيراتور
نجمة:ربي لاما حيد ودوز لهاد جيه
      رجعاتو للكرسي لاخور ودارت ليه حزام الامان هي ديجا هي والبنات واخدين بيرمي ولكن عمرهوم صاكو صاكت بيه تالوطيل وحبسات نزلات من اللوطو وتاهوا نزل تايتمايل
نجمة:شد فيا لاتصدق مكربع
كمال:واخا عرفتك ماتقديش تهزيني حيت انا صحيح عليك
      دارت يديه فعنقها وشدات فيه وطلعاتو فالدروج تالغرفة ديالو وهي طلق منو وهو حيد القاميجة ديالو وبقا عريان من الفوق هي هي شافتو هاكاك وهي تم غادية باتخرج وهويشدها من يديها ودورها عندو كانوعينيه حمرين
كمال:عافاك ماتمشيش
نجمة:كمال نتا ماشي فوعيك
كمال:واش خفتي مني هه ماتخافيش بغيت هي علامن نشكي همي
       جرها و قاليها تقعد فوق فوق الناموسية قعدات وهو يتكا ليها فةق رجليها هي تصدمات ودهشرات ودار يديها فوق راسو وقاليها تحك ليه راسو وتاهي بدات تاتلعب ليه فراسو وفشعرو الرطب
كمال:خائنة لقيتها خائنة كيفما قالت جنة هه شحال كنت بليد كالها ليا اشرف انني نفوت عليا داك الزبل مي انا راسي قاسح تايتبعوني هي الطماعات علاش واش ماكايناش شي وحدة تبغيك بقلبها وتقبل كاع العيوب لي فيك
نجمة:كمال مزيان منين عرفتيها هاكاك باش النوبة الجاية تخدم عقلك وتشوف الانسان لي تايبغيك ولي تايخاف عليك بلا مقابل
كمال:بحال واحد البنت اول مرة تلاقيت معاها مرمداتني وعمراتني بخرا تاع البهايم و تعايرنا
نجمة:هههههههههه بصراحة كنت معصبة ونتا كنتي انسان حاس براسك و عجبني الحال واخا توسخت مي عجبني الحال
كمال:تانايا رجعت واخا تعصبت مي عجبني الحال حيت اول وحدة تعرفك فاش خدام والثروة لي عندك وماتصنعش قدامك
نجمة: لاش غانتصنع تانتا مالي على حالتي الانسان خاصو يكون بسيط والبساطة فيها السعادة يكفي انني وصلت لحلم ديالي انني نخدم فهادشي تاع الازياء فرحة كبيرة ليا وبزاااف وليك الفضل والله
كمال:فراسك صرفقت جميلة رجعت ليها التصرفيقة لي صرفقاتك
نجمة: هههههه مزيانة فيها بصراحة انا لي درت بودرة الكاكاو فالماكياج ههههههه
كمال:عرفتك نتي شفتك فاش كنتي تاديريها
نجمة: ويييليييي وماقلتي والو
كمال:كنت بغيت نحصلك فاش مانلقاوش موديليست ساعاتك خرجو بلانات تصاورك وجيتي زوينة فيهوم
نجمة:شكرا لي هههههه
كمال:ياريت عرفتك قبل كانت غاتكون زوينة بزاف والله
        قال هاد الكلمة وهو تايشوف ليها فعينيها دهشرها بزاااااف هز يديها وباسهوم ليها من القاع بورشاتها هاد اللقيطة
كمال:اخر وحدة ظنيت انها تخلع عليا وتكون فجنبي هي نتي ولكن توقع كولشي من اي شخص
نجمة:انا....انمشي ننعس
كمال:بقاي هنا انا انعس هاكا ونتي نعسي مسرحة وبدون اعتراض انا مديرك
       ضاربة فيه التبويقة الشيء لي خلاه يقول اي حاجة جات فبالو بقا هاكاك نجمة تاتحك ليه فراسو وتاتشوف فيه وهو كذلك وشاد ليها فيديها تاداهوم النعاس هاكاك....يتبع
################################
ايوا يا سيادنا لالة نجمة تاهي تحابات ووصلات لسطاج الوحش بصراحة بقات فيا جنة لي عطيتها قتلة تاع العصا ههههههههه ماعندها زهر ايوا هاني درت ليك بارت الي عزازين عليها هاد الكوبل ايوا تصبحو على خير كيجاكوم البارت