دابا تزيان(بالدراجة المغربية)

20

#فأمريكا
           فاكبر مطار فامريكا كانو الابطال ديالنا يالاه نزلو من الطيارة ودايرين باش يتلاقاو مع بعضياتهوم نجمة جات بالسائق فاللوطو باش تدي معاها البنات وكمال تاهوا معاها دخلو للمطار باش يتلقاو ليهوم
نجمة:ايكونو وصلو هادي الخمسة تالعشيا
كمال:اه ايكونو يالاه وصلو
       فالجهة لوخرى نازلين واحد الجوج مناكرين كي الحلاقم علي وعائشة
عائشة:سكت وخليني نشوف هيلا بان ليا شعر حمر
علي:شعر حمر ؟؟
عائشة:اييه جنة شعرها حمر هيلا تلفات لينا تانعرفوها هي بشعرها
علي:ماشاء الله على ذكائك تانحييك
عائشة:نقس شوية من الهضرة وخدم عينيك
علي:بلاتي واش جنة هي هاديك لي طالعة فوق الباليزة وتاتشير وتاتغوت
       تلفتو عند جنة لقاوها رااهي فين دايرة باليزتها وطالعة فوقها وتاتشير ليهوم وهي ضاااحكة
جنة:عاااائشة هااااني شوفينييي
اشرف(ضرو راسو):مالكي لي ماتمشي عندها
جنة:هاهي شافتني هاهي جايااااااا
اشرف(ببرود):ليدومها محبة
        مشات تاتجري لعند عائشة وعائشة تاهي جات تاتجري وتعانقووو تاطاحو فالارض
عائشة (تاتبوس فيها):حبيييبة ديااالي توحشتك بزااااف بزااااف
جنة:تاناااااا والله توحشتك اش خبارك
عاىشة:بيخييير وزدت وليت بيخير منين شفتك بقا عقلي مشطون معاك
جنة:ماتخافيش الصديقة انا راني قوية كيف ديما
      جا علي وتسالم مع جنة واشرف جاي بكل نخوة وتسالم سلام رجالي مع علي بينما كتافا بالاماءة لعائشة
عاىشة(بشوية): السيد سوني
جنة:اودي لهلا يقرب الشوكة لترمة العريان
       شوية سمعو صوت واحد الغوتة وشي حاجة تلاحت عليهوم تاطاحو فالارض
نجمة:الحقييرااااات توحشتكووووم بزاااااااف
      عنقو بعضياتهوك كي الكرداس بينما جا كمال وتسالم مع الدراري
اشرف:نوضي باراكا من الشوهة باراكا غاشعرك لي جايب لينا التابعة
جنة:ايوا ليعطيك العما
اشرف:كنت قبل قلت ليك لسانك غانكرضو ليك ايوا سدي عليه
عائشة:هادا مالو
جنة:هارب ليه فيزيبل فمخو السيد مخاصم مع وجهو ماتايضحكش
نجمة:اودي انا لي فرحانة حيتاش اتكوني خدامة معايا
جنة:اه نيت خويا كمال شكرا ليك بزااف حيت مارفضتيش الطلب ديالي
كمال:ماكاينش اشكال انا بغيت غي الخدمة تكون ناضية
عائشة:ماتخافش اخويا كمال جنة ناضية
اشرف(بسخرية):مبروك عليك المصيبة لي لبستي
        خرجو من المطار وركبو البنات فاللوطو الكحلة والدراري ركبو فاللوطو لوخرى لي جا بيها كمال داتهوم نيشان لوطيل لي حدا الشركة لي هو ديال عائلة الادريسي ديالهوم نيت وتماك فين اتكون الحغلة فحدا المسبح بحال داكشي الراقي داتهوم نجمة للغرفة ديالها وكل وحدة تلاحت لجهة
نجمة:ايوا البنااات اش خباركووم
عائشة:اححح ماتصوروش واحد اللفعة تسلطات عليا من الطراز الرفيع ولكن ختكوم عاطياها العصير وواحد التيتيز سميتو سنان تاتانخلق معاه السعادة وتايجي علي تايحرمها عليا
جنة:ايهااي على بنت عمي الخلاطة
نجمة: لالا ضسرااات السلكوطة
عائشة:لالا ماتخافوش تحت شعار لي طاح فالمقلة يتقلا
جنة:البنات بغيت نقوليكوم واحد الحاجة
نجمة:اويليي ياكما حاملة
عائشة:ياك فركعها لييك ماحشمتيش
جنة:الملاوي لاااا واش من نيتكوووم الخراوات هاداك مانديها فيه فسبيل الله مريض نفسي هي مغوبش وهي لابس عليا الكحل فحالا العزا كاين
عائشة:واش واقع؟
جنة:شفت واحد الجريمة (عاودات ليهوم كولشي)
        عائشة تصدمات  وتا نجمة تلفو منين سمعو هادشي
عائشة:مزيان نيت منين خويتي تركيا مايسيقوش ليك الخبار فينك نتي
نجمة:اه حمدي الله وشكريه والله
جنة:اه مزيان نيت واصلا تركيا بلا بيكوم والو
عائشة: صراااحة منين تانكونو مجموعين عاد تاتحلا الخرجة
        جنة حلات شكارتها وجبدات واحد الباكيت حمرا حلاتها وجبدات دوك السنيسلات
جنة:شوفو هانتوما لاتقولو ماتفكرتكومش هادو كل وحدة اتشد طرف ديرو فعنقها ومنين تانقربو لبعضنا تايتجمعو
نجمة:وييينووو غزالييين بزااااف
عائشة: اجي نبوسك
جنة:بعدي مني ناقصك حنان سيري عند سنان
       عنقو بعضهوم وهوما فرحانين بزاااف
نجمة:اخر الاخبار انا هي الوجه الاعلاني (عاودات ليهوم كولشي) هههههه
جنة:لعز حنا دم عائلة القاسمي تايجري فينااا
عائشة: اه والله امتا الحفلة اتبدا ؟؟
نجمة: مابقاش ليها بزاااف المهم الناس مكلفين بالتنظيم لتحت وانا لي غادي نفركسكوم زيدو معايا
         مشاو معاها فلوطيل لي كان راائع وهائل بزاااف داتهوم لواحد البلاصة فيه فيها الحوايج تاع السهرات والكوافورات تايقادو لدوك لي مانكان البنات بقاو حالين فامهوم فيها
نجمة:ونعرفكوم على عبلة
عبلة:سالام البنااات مرحبا بيكوم
          جنة هي شافتو وهي تموت بالضحك عليه حيت مخنث اما عائشة تصدمات فيه
جنة:واش نكوليك ختي ولا خويا
عبلة:لا احبيبة ختي ماشفتيش شعري انا الف واحد يتمناني
عائشة:اللهم اني اعوذ بك من الخبث والخبائث
نجمة:ههههههههه لا البنات عبلة فشكل هو لي عاوني تا وليت انا هي الوجه الاعلاني وراه غايتهلا فيكوم
جنة:واخا حيت ليوم الشرف شرفك انجمة غاندير داكشي لي بغيتي
عائشة:اه متافقة معاك ههههههه
          جلسو بثلاتهوم فوق الكرسي و عبلة جاب جوج بنات لي تهلاو فالبطلات جنة قادو ليها شعرها وزادو حمروه ليها كيف بغات وقادو ليها وجهها مع شعرها طويل داروه ليها من لتحت بوكلي جاها فن ولات غزاالة اما عائشة داروليها مشطة بجنب مبوكليا ونجمة قادو ليها بحال مشطة تاع العرايسات لانها هي محور الحفل
عبلة:حبيبة جنة وصلات هاد الكسوة ليك نتي باش تلبسيها
           شافتها لقاتها فلكحل وعامرة حجيرات وهي كم وطويلة وايفازي  مفركعة بجهد
جنة:ماعرت شكون صيفطها لمهم زوينة
نجمة:فنة بزاااف
عاىشة:يالاه نلبسو راه ساعتاين وحنا فالماكياج
           لبسات كل وحدة كسوة ديالها جنة لبسات هاديك الكسوة الكحلة وجاتها فنة ومع الظلال لي دارو ليها فعينيها برزو اللون لي فيهوم داير كي العسل الحر وعائشة لبسات الكسوة لي ختار ليها علي فلبيض فيها سميطات من لفوق وطويلة جاتها غزالة اما نجمة لبسوها كسوة فالغوز عندها فواحد الكتف وردة كبيرة وكتف لا جات ايفازي من لفوق تال حد الركبة وهي تولي مسرحة جاتها فنة ولاو تايبانو غزالات بزاااف
عبلة(بدراما):ماشاء الله كيتاتبانو اححح اقلبي ليحجبكوم
جنة:هادا لي جاب ليا الكسوة ليعطيه الرضا عندو الذوق
عاىشة:علي صدق عندو الذوق عليا هههههه جاك لون شعرك زوين اجنة
نجمة:اه ولات لماعة كتر هههههه
جنة:ونتي انجمة نتي هي النجيمة لي غاضوي الحفة عائشة:اه جيتي تاتحمقي
نجمة:حشمتوني
جنة:باراكا علينا من الدرامااا وزيدو نخرجو راه كتر من ربعة تالسوايع وحنا هنا
       خرجو البنات من تماك وهوما لابسين الطالون تايبانو غزالات بزااااف هي خرجو لجردة تاع لوطيل وهوما يشوفو الصحافة والناس والضياف هي الهاي كلاس وداكشي شوية تايلمحو كمال واقف كدام علي لي تايقاد ليه البابيون كان كمال لابس لباس رسمي فلازرق وقاميجة بيضة جا فن وتيتيز وعلي لبس قاميجة بيضة مع لباس رسمي فالقهوي مغلوق جا معاه بزاااف اما سي اشرف فكان لابس سروال حكل مع تريكو كحل وفوق منهوم تجاكيط كحلا كيف العادة ملك الظلام
علي:خرا هاد الكرافاط انعض مها
كمال:حيدها وحل القاميجة وتهنا
اشرف:لبس قدك يواتيك
علي:نتا ماعندكش اشكال مع الكحل
اشرف:تاتسناني نلبس الالوان زعما
        شوية تاوقفو عليهوم البنات بعجاجتهوم
عائشة:ايهااي جاك هادشي زين زين مايخالف
علي:ماغانساهاش ليك دوزي قادي هاد الكرافاط هيلا عرفتي ليها
عائشة:غادي هي نقجك بيها ونتهنا
        جنة بقات هي تاضحك عليهوم هي ونجمة ولكن هي حسات بشي حد تايشوف فيها تلفتات لقاتو اشرف تايشوف فيها ميل راسو بجنب تايطلعها وتايهبطها
جنة:مالك تاتحنزز فيا
اشرف:الكسوة جا معاك اللون لي ختاريت ليك
جنة:اذن نتا هو مول الكسوة كون تصحابني منك مانلبسهاش كااع
اشرف:اعتابريها هدية وداع بيني وبينك
جنة:احسن هدية اتكون بالنسبة ليا هي مانباقيش نشوف وجهك قدامي
كمال:صافي جنة عاودتي سبغتي شعرك
جنة:اه زدت حمرتو
اشرف:ضروني عينيا بهاد اللون
جنة:ايوا جمعهوم عندك
       شوية كمال جر نجمة وطلعو فالمنصة باش يلقيو الكلمة ديالهوم
كمال:انا فرحان بزاااف حيت شرفتو الافتتاح ديالي وتانبغي نوريكوم الوجه الاعلاني للمجلة ديالنا وللماركة ديالنا لي سميتها thé start
نجمة:شكرا ليكوم ولقبولكوم الدعوة كان شرف لينا وتانتمنا ليكوم امسية سعيدة
         نزلو من المنصة ورجعو عند صحابهوم
جنة:صاحا الصديقة هيبتي علينا
نجمة:شوفوني تانترعد
علي:علاه فينها جميلة؟
كمال:جاتها حساسية وراها فالمستشفى
عائشة:وانا نفهم
جنة:بغيت ليها المرارة
        بقاو فالحفل تايضحكو وتاينشطو واشرف مرة مرة تايلوح تعليقات ساخرة باش يستافز جنة سالا الحفل بقاو ناس قلالين شوية وصل ميساج لاشرف
.....:لقينا الهدف
اشرف (جاوب فميساج):قتلو الهدف
            دار تيليفونو فجيبو
اشرف:المهم الدراري انا خاصني نرجع لتركيا
علي:تهلا العشير
كمال:تهلا فراسك
     شوية وهو يشوف فجنة ووقف قدامها مباشرة
اشرف:تانتمنى هاد المرة مانشوفكش قدامي
جنة:واتانا تانتمنى عمرني باقي نتلاقا بيك
         شاف فيها بابتسامة سخرية وتاهي كذلك وهي تعطيه بضهرها وتمات غاظية قدامو تاشوية وهو يتسمع صوت بااااااق
عائشة:جنننننننننة
        كانت الرصاصة لي تطلقات على جنة ضرباتها فوسط كرشها سعرها الحمر طار فالسما والدمعة طارت من عينيها وطاحت فالارض كولشي داز قدام اشرف لي وسع عينيه بالصدمة بانو ليه مشاو عندها تايجريو عندها وهو لفت عينيه وبان ليه الشخص لي ضربها بالرصاص ومشا تايجري عندها لقاها تاتنزف
اشرف(تايضربها لوجهها):حلي عينيك فيقييي يالاااه فيقي
عائشة:تاتنزف بزااااف عيطو للاسعاااف جنة عافاك حلي عينيييك
نجمة(تاتبكي): لاااا ماتمشيش اجنة فيقييي
          حلات عينيها بالم والدم سخون تاينزل من الضربة ومن فمها شافت فيهوم كولهوم وشافت فاشرف
جنة(بالم كبير):تحققات امنيتك وامنيتي اننا مانتشاوفوش ....
       وفقدات الوعي خلات كولشي مصدووووم تضربات بالرصاصة فوسط الحفل ليكان فرح وولا قرح ....يتبع
################################
هاهوا البااارت كيجاكوم ههههههه عرفتو تانكتب فهاد المشهد وعينيا دمعو والله انا شريرة ليوم ايكون هي بارت واحد مي راه طويل بزاااف نتمنى يعجبكووم وعلقوو عليه تايعحبوني تعليقاتكوم خصوصا فاش تاتناقشو معايا احذاث القصة تانفرح يالاه تانتسناكوم هههههههه