دابا تزيان(بالدراجة المغربية)

18

yaya_is_me ها الحيبان دياولك هههههه
       # عائشة وعلي
           بعدما سالات عائشة المكالمة ديالها كانت فالمستشفى لابسة طابليتها كانت طالقة شعرها ولابسة قويميجة نص كم فالغوز مع سروال بيض وسبرديلة بيضة ودايرا كلوس دارت تيليفونها فجيبها وهي تلفت منين سمعات سميتها ابتاسمات بجاذبية
عائشة(فخاطرها): يالاه نخدمو مود تقحبين وترعوين
       كان سنان هو لي جا عندها باس ليها على يديها بكل لباقة وهي ابتاسمات بخجل (احياني عليها)
سنان:اش خبارك ؟
عائشة:لاباس الحمد لله ونتا ؟
سنان: وليت بيخير منين شفتك تاتباني زوينة بزااف ليوم
عائشة:شكرا ليك هههههه
سنان:اش باليك نمشيو نتغداو فالمطعم تاع المستشفى ماتخافيش فيه ماكلة زوينة
عائشة:ايوا منين نتا تاتعرض عليا وعارف ذوقي ماغانرفضش هههه
       ضحكات معاه وهوما يتمو عادين تايضحكو للمطعم تاع المستشفى مع دخلو مع شافوهوم شي عينين تمو داخلين ضاحكين جات باتكلس وهو يجر ليها الكرسي بلباقة تاكلسات وهو يجلس قدامها وزادت تاضحك
سنان:ضحكتك زوينة بزاااف
عائشة:بصح هههههه شكرا ليك نتا لي خليتيني ضاحكة بصراحة نادرا مانلقاو انسان تاينشر السعادة
        علي كان كالس فالطبلة لي بجنبهوم مع عفراء هي شاف عائشة مع هاداك تاضحك معاه وهو يعقد غوباشتو
عفراء:اهااا شوف شنيولة كي ضبرات على همزتها مع الدكتور سنان
علي:هاد الزمر دكتور هنا هو لي بقا
عفراء:علاش نتا مهتم بيها تال هاد الدرجة
علي:حيت جداها وصاتني عليها وكذلك الواليد هي راها امانة ماشي منين تجيب شي كرش اش غاندير؟
عفراء:هي ذكية ماشي تبقا تابعها بحال باها خليها تحمل مسؤولية اخطائها
علي:عفراء هي راها فبلاد الغربة فهمتي
عفراء:واخا انا ماغانقول والو خليني منها قوليا امتا غاتخطبني رسميا
      علي كاعما معاها فالهضرة حاضي غا عائشة وسنان شوية وهو يشوفو مد يديه وشد ليها فيديها وهي تاضحك مع راسها هو ضرب مع الطبلة وناض بانفعال للطبلة ديالهوم وهو يجر عائشة من يديها قدام سنان وعفراء وتم غاظي بيها وهي تاتغوت وتاضرب فيه وهو ولا على بالو ماوقف بيها تال واحد المكتب وهو يردخها مع الحيط
عائشة:الخرااااا واش جعرتييي ولا مالك بعد مني عطيني التيساااع
علي(بغضب):سكتيييي سكتييي ونتي ستحليتيها مع داك الزاامل مخلياااه تايقيس ليك فيديك واش بعقلك ولا اشنووو اش هاد الخرااا
عائشة:دهل سوق راسك حيااتي هادي ندير لي بغييييت ياك نتا عندك حبيبتك لي غاتخطبها ايوا فوتني عليك ها حجر العافية لاما عطيني التيساع
علي:سمعيني مزيان نتي هنا بالوصاية عليك وانا ماشي حمار ولا خائن تامانحافضش عالامانة لي هي نتي ياغاتخدمي وتصوري مصروفك وتهزي بعائلتك ولا رجعي للمغرب حسن ليك
عائشة:سمعني مزيان اش غانكوليك انا عارفة اش تاندير ومامحتاجاكش تحضيني مالك حضيتيني هاد السنوات كولها كل يدخل فسوق راسو
علي:واخا ادكتورة قولي لي بغيتي ولكن نحصل عليك غلط واحدواااحد فقط نشوفك فشي وضع ماهواش مع داك خونا غاترجعي فحالك فهمتي
عائشة:ماغانرجعش فهمتي حيت سنيت على كونطرا هنا تاعت عاماين هههه يالاه دابا دير لي فجهدك وسير قابل لفعاء ديالك
     ضربات فيه وخرجات من الغرفة وخلاتو غير هو تماك معصب ضرب يدو مع الحيط بعصب وخرج تاهوا رجعو للمطعم فين كانو لقات سنان تماك تايتسناها هي شافها وهو يوقف جا عندها
سنان:مالكي اش واقع شكون هادااك ؟؟
عائشة:غير الطبيب لي انا مساعدة ديالو عيط ليا على قبل شي عملية سمح ليا
سنان:ماشي موشكيل بحرا عيطو ليا على قبل عملية نخليك نتلاقاو منورا مانساليو واخا؟
عائشة: واخااا ههههه
       ودعها ومشا سنان دورات عينيها بانت ليها عفراء كالسة بوحدها تاتفرج فواحد المجلة
عائشة:ايوا نتي بوحدك حشومة ينكدها عليا حبيبك ومانكدهاش عليك
     ابتاسمات بشر وتمات غادية جيهتها جرات كرسي وجلسات هي شافتها عفراء وهي تكحل بالعما
عفراء:مالكي ولا مشا سنان وخلاك
عائشة:دكتور سنان ليخليك انا الوحيدة لي عندي الحق نعيط ليه سنان هو عندو عملية ومشا ليها ماشي حيت متي خلاك علي يعني تانا ايخليني سنان
عفراء:اش تاتحاولي توصلي بهضرتك شتك عيقتي وبزااف
عائشة: انا ههههه والو غي بغيت نونسك بينما مشا حبيبك هههههه امتا الخطبة اه ولا تانتي هي مجرد علاقة عابرة
عفراء:حاشااك تصحابك انا موسخة بحالك
عائشة:نونونو اش باليك نمشي ندير سيرتيفيكة انا وياك ونشوفو شكون لي موسخة فينا
عفراء:ماغانتناقشش مع جاهلة بحالك وزيادة غانتخطبو عما قريب
عائشة:هو راه غايخطب هاجلا ام اجلا شوفي هي نتي لا ضيعي
عفراء:كيفاش زعما ؟
عائشة:كيفما تاتعرفي المستشفى عامر بالتيتيزات صراحة كون كنت بلاصتو مانضيعش هاد الفرصة وحدة بحالك مامقنعانيش يعني معاك ومع غيرك تحت شعار تاحد مايضيع
        عفرااء مارضاااتش بهاد الهضرة وهي تنوض بتنطار وهزات مجلتها وتمات غادية بداك الطالون قب قب قب كي السلطعون اما عائشة ابتاسمات برااااحة
عائشة: الله درت ليه فاش يتلهااا باش يفوتني عليه اووووف اش غاندير داباااا جاني الملل اه خاصاني لبسة للحفل منين غانضبر عليها نمشي نشريها اه هي دابا نيت
    ناضت تاضحك مع راسها مشات لبلاصة تبدال الحوايج مع دخلات بان ليها علي تماك
عائشة: الله اكبر
علي:مافراسيش وليتي مؤدنة
عائشة:بعد مني ماعنديش ليك وقت انمشي نشري مانلبس للحفل
علي:دوزي انا غانوصلك معايا تانا غادي نشري لباس رسمي
عائشة:زيد يالاه بديتي الاجر لهم كملو
     حيدو طابلياتهوم وخرجو بجوجهوم وركبو فلوطوو ومشاو يتقداو مايلبسو دخلو لواحد المكازة فيها هي حوايج الفريع
البنت:سالام لالة اش خاصك(الحوار بالفرنسية)
عائشة:خاصاني لبسة لواحد السهرة
     جبدات ليها واحد السانتر فيه الكساوي تختارهوم اما علي كلس فوق واحد الكاناپي قدامهوم
عائشة:اري هادا وهادا ندخل نقيسهوم
    دخلات حيدات حوايجها ولبسات وحدة فالغور تالركبة ومعرية الضهر خرجات عندهوم وشافها علي
علي:خايبة
عائشة:بصح؟؟
علي:قصيرة ومعرية وماعندك ماتعري اصلا
عائشة:ليعطيك العما
      ناض وهو يختار واحد الكسوة على ذوقو ودارها فواحد.الساشي
علي:هادي غاتجيك زوينة سربي راه خاصنا نسافرو بليل
عائشة:والله وماتجيني زوينة تانشرحك بالله
       وهي تمشي هي واختارت لباس رسمي من ذوقها وحطاتو
عائشة:وتانتا غاتلبس على ذوقي
علي:طلقي خرا كيدايرة
      جمعو داكشي وشرات طالون واكسيسوارات وخرجو ومشاو للوطيل
عائشة:انا هنا فاش توصل لوقيتة دق عليا
علي:تلاحي فحالك ....يتبع
################################
هاهوااا بارت اخوور ديال علي وعائشة كيجاكوم زوين خايب والاحذااث يالاه ابنوتات فجرو ليا ليكومونت شكون تفرجات فالحلقة الاخيرة ديال فرحات عرفتو بكااتني وبكييت فيها والله اححح الحب شحال زوين مي هي فالمسلسلات اما فالحقيقة بفففف بلا مانهضر طحت ففرحات طيحة تاع الغدايد اما هاد المسلسل الجديد لي دايرينو البطل راسو داير كي البصلة ضعنا والله المهم بارت اخور غايكون مع ديك المغرب تاع نجمة وكمال تسناوني ههههههههه وعلقو ارباعتي الحبيبة راه تاندير ليكوم خاطركوم ديرو ليا خاطري ههههههه