دابا تزيان(بالدراجة المغربية)

38

       ايوا ياسيادنا سالات المصارعة وكولهوم تجمعو قدام الصحافة على برا وتايصورو فيهوم جنة مركاات بزاااف ولكن وجهها تشقق بالضحكة واشرف شاد ليها فيديها وهي حالفة لاطلقات منو حيت تاتشوف فالبنات باياكلوه بعينيهوم وعلي شاد فعائشة و نجمة شاد فيها كمال اما عفراء مارضاتش وتاتبتاسم ابتسامة صفرا
الصحافية :سي اشرف واش نتا على علاقة بهاد الانسة
اشرف:اه على علاقة
الصحافية:واش تانتا اسي علي على علاقة مع عاىشة علما انك كنتي مع عفراء
علي:صراحة الانسان تايختار الشخص لي تايرتاح معاه
الصحافية:سي كمال واش نتا جدي فعلاقتك مع الانسة لي معاك وفينها انسة جميلة؟
كمال:حاليا انا ماعنديش الوقت لي نديه فشي وحدة من غير نجمة
       كل واحد منهوم جر وحدة ومشاو ركبو فلوطو وحسام ركبات معاه عفراء ايوا ومشاو كولهوم للڤيلة وداخلين ناشطين
جنة:اووولي اولييي حنا كيماها نديرو الخير ويدورو علينااا
اشرف:جنة تهظني شوية
جنة:شتي نتا بشاااخ عليك عطيتيه كوش ضروا غيب مسكين
علي:ههههههه عائشة شوفي البنت اه عقلها بايطير
عائشة:ديرها البوسة لي عطاها دييرهااا
كمال:اش بان ليكوم نحتافلو على برا
نجمة:اه والله ونشطو شوية
عفراء:بصراحة نمشيو لشي مكان راقي
حسام:لاااش مكان راقي؟ حنا بغينا الصداع والفوضة اشرف:انمشيو لواحد.البلاصة
جنة:كيدايرة ؟
اشرف:حسن منك
جنة:هيلا لقيتي ماحسن مني هي بدلني بيه الساط
        كانت طالعة فوق الطبلة وهو يقرب وهزها بالمقلوب وهي تاتغوت
جنة:ميمتي مصااارني تقلبووو انرض عليك
اشرف:برب تانطحنك
عائشة:اححح على الرومانسية
علي(هزها):وانا اش كاندير لي نخليك محرومة
عفراء:طفرتووه
نجمة:نتي تاتقلبي على شي حاجة ماهياش الغزالة
كمال:نجمة صافي خليهوم
عفراء :واش غاديري كاااع
نجمة: داكشي ماتايتقالش تايطبق الغزالة
حسام:كمال عافاك اعشيري
       كمال عنق نجمة وجرها وخلاو عفراء بوحدها كي الكلبة هزات عفراء تيليفون ودوزات المكالمة لي هي ليغاتكون السبب فشحال من حاجة
#اشرف وجنة
      دخلها للبيت وحطها وهي تاتمايل حيت مصارنها تقلبو
جنة:مصارني قجو المعدة وقالو ليها عتقي الروح
اشرف:سبحان الله
جنة(بخجل):مبروك عليك الربح
اشرف:بلاتي واش نتي جنة تاتحشمي واو معجزة
جنة:ومالك كيجيتك
اشرف:بصراحة بلاتي نشوف كيجيتيني
       جرها لعندو من خصرها وحاوطها بيديه هي تدهشرت وهو ويبتاسم تابانو سنانو البيضين وقرب لشنينفاتها وباسها تاهي كانت طالبة عليها وبادلاتو القبلات بقاو منغامسين شحاال عاد.بعدو على بعضهوم شاف فيها وهمس
اشرف:عقلي طيرتيه ليا اش درتي تا خليتي هاد.الوحش يولي رطب ويحب ويبغيك
جنة:حق سيدي ربي ماسحرت ليك هههههه فراسك عمرني قلت انطيح بالحب معاك نتا بالخصوص
اشرف:علاه كيجيتك ؟
جنة:عسل ماشاء الله
اشرف:حيدي من حدايا لاماشي غي غانبوسك غانولي معاك فشي حاجة اوخرى
جنة:اشرف واش كاتبغيني
اشرف:كتر ماكاتصوري تاشي ولد القحبة ماغايشوف فيك نتي ديالي
جنة:وجي خطبني من دارنا
اشرف:نفكو هاد الحريرة ونجي نديك ضرووري
#علي وعائشة
      علي بقا هاز عائشة تضلوعها وبقا تايدور بيها وهي تاضحك ماعلا بالها بالعالم
علي:ونتي خفيفة كي الريشة
عائشة:اودي خطاني الدواز بالمرقة والزيتون
علي:ايهااي انا مشهي ناكلك
عائشة:احبس الحاج هيلا بغيتي داكشي جي خطبني من دارناااا
علي:علاه انا نفرط فيك ضروري انجي نخطبك من داركووم
عائشة:يالاه خرج خليني نبدل حوايجي
علي:انبدلهوم ليك
      دفعاتو تاتخرج فيه وهو ميت بالضحك وسدات الباب وتكات منوراه وهي مييتة بالفرحة مشات لبسات حوايج اوخرين باش يخرجو
#كمال ونجمة
      مشاو لواحد البيت وكمال تايكالمي فنجمة وتايضحكها
نجمة:ههههههه ضحكتيني فراسك
كمال:وانا كانموت على هاد الضحكة ناكلك انااا
نجمة:ويليي حشومة ههههه
كمال:يخليلي لي كايحشم الزين
نجمة:كمال واش باغي تزوج بيا
كمال:راه باغي نجي لداركوم انجمة مانفرطش فيك
نجمة:بصح؟
كمال اه تانبغيك بزاااف
      ايوا كل كوبل ناوي يتزوج وكل واحد.باغي يعيش قصة حب مع حب قلبو ونصفو التاني بعد.المرات اخر شخص يطيح ليك فبالك انك تبغيه هو لي غاتكون معاه فلخر هز اشرف تيليفون ودور لشي حد
اشرف:واش كولشي موجود
....:كولشي موجود كون هاني
        نزلو البنات كانت كل وحدة وأش لابسة جنة لابسة سروال تاع الكوير كحل مع سبرديلة مشعشعة فلحمر وتجيكيتة فلكحل اما عائشة ديباردو فلزرق بارد مع سروال دجين بيض اما نجمة لبسات كسيوة فلغوز مع طالون بيض
جنة:خالتي زوبيدة فين هو اشرف
زوبيدة:ماعرت ابنتي هو وصا الشيفور يديكوم للبلاصة لي متافقين عليها
عائشة:ماعرت احنا غانشوفو
نجمة:يالاه نمشيو
جنة:سبقوني هانا جاية
      سبقوها البنات وجنة دخلات عند زوبيدة لي بقات تاتشوف فيها
جنة:نتي هي الام ديال اشرف سمعت كولشي
      زوبيدة تصدمات لسانها تسرط عينيها بداو تايغرغرو
زوبيدة:عافاك ابنتي ماتقولي ليه والو غايحقد وغايدمر اي حاجة عافاك ابنتي
جنة:خالتي هادشي غايكون لصالحك لهم يعرف ويتعذب هاداك الحقير ولا تبقاي نتي محرومة
زوبيدة:راه غايقتك شاهين غايقتلك
جنة:اذن الزعيم سميتو شاهين
زوبيدة:بنتي ولدي تالقا السعادة انا راضية بهاد الوضعية
جنة(شدات ليها فيديها):وانا مابغيتش ليك هاد الوضعية كون شتي اشرف كيتايدوي على مو راه ضرك خاطرك لمهم انخليك دابا
      خرجات جنة ومشات لعند لبنات وركبو فلوطو وتمو غادين
جنة:فينها ديك الصوبيصة
عائشة:ماعرت غبرات
نجمة:البنات كمال ايتزوج بيااا
عائشة:لولولولوي تانا علي ايخطبني
جنة:اذن عرس ثلاتي ابب تانا اشرف ايتزوج بياااا
      بقاو تايزغرتو فلوطو وخالقين السعادة من والو تاوصلو لواحد البلاصة نزلو من لوطو هي شافوها تصدمو كان واحد المطعم فاخر بزاااف ديال لي بورجوا
جنة:حشمت ندخل ليه بحال الشمكار
عائشة:طاء طاء طني
نجمة:اشمس العشية
      دخلو بشوي بشوي لقاوه خاوي فيه واحد الطبلة كبيرة فيها الكراسا شوية وهو يخرج كمال بلباس رسمي انيق فالبلو مارين تايبان مفركع وتبعو علي بلباس رسمي فالبيج وتبعهوم اشرف لابس لكحل كما العادة البنات هي شافوهوم تصدمو
جنة:اولالا اولالي اش واقع هنا
عائشة:شاخظة لباس رسمي اولاد الحاج
نجمة: اححح اقلبي
       كل واحد منهوم شد يد حبيبتو وجرها ومشا لبلاصة
#اشرف
    شد اشرف يد جنة وداها لواحد البليصة تاطل عالمدينة فداك المطعم نيت
اشرف:بصراحة نتي بغيتيني واخا انا ظلام فضلام وقلبي بارد ضحيتي وصبرتي معايا وتقبليتيني كيما انا واخا طبعي خايب وقاسح وشحال والدراري تايحاولو معايا باش نلبس بحالهوم ونترومانسا ولكن الغالب الله ماتانعرفش لي تانعرف هو انني (شاف فعينيها)انني كانبغيك نتي خليتي هاد الحجرة تحب وتبغي وتعرف اش ناهي السعادة منين نشوفك جنة واش تقبلي تزوجي بيا
         جبد واحد العلبة كحلا حلها فيها خاتم تاع الالماس غزاااااال جنة هي شافتو وسمعات هضرتو عينيها غرغرو بالدموع سدات فمها بيديها وهو تايشوف فيها مبتاسم
جنة(ببكاء وفرحة):ااااااااه قااااابلة
          دار ليها اشرف الخاتم فيديها وباسها ليها هي شافت فيه بفرحة ودموع نازلين ليها من عينيها وعنقاتو وتاهوا عنقها تاكان ايطرطق ليها ضلوعها وبقا تايدور بيها ولكن هادا هو الحب انك تقبل الشخص بعيوبو ونواقصو
#علي وعائشة
        علي طلع عائشة للسطاح تاع المطعم
عائشة:واااه على منظر شحال زويين بزاااف ياك
       تلفتات عندو ولقاتو جابد واحد لبواطا فلحمر ومبتاسم ليها
علي:عائشة انا بصراحة باقي عاقل على اول نهار شفتك فيه ماكنتش حاملك كيما ماكنتيش حاملاني كتاب ووليتي المساعدة ديالي دوزنا لحظات زوينة وخايبة ضحكنا تمشخرنا بكيتي عليا ههههه ضربتي عفراء وضربت سنان لي كان تايقرب منك بشوي بشوي تاوليت مدمن عليك وليت تانبغيك وعرفت انك نتي لي غاتكوني شريكة حياتي نعيشو بجوج ونولدو وليدات عائشة واش تقبلي تزوجي بيا
      عائشة الضو ضربها شافت فيه بصدمة وعينيها غرغرو ياحليلي بغا يتزوج بيها مشات لعندو ونزلات لمستواه وشدات ليه وجهو
عائشة:قاااابلة
         شد الخاتم لي كان تاع الذهب الابيض ودارو ليها فيديها وباسها بكل حنية وعنقها وتاهي كذلك وتخشات فيه بكل فرح وحنان
#كمال ونجمة
        بقاو فالقاعة ونجمة تاتشوف الديكور كيداير عجبها بزااااااف كانت عاطية لكمال بالظهر
نجمة(تلفتات):كم...
        لقاتو هاز وردة حمرااا مع بواطة فالذهبي هي مافهمات والو
كمال:نجمة ...نتي هي لي ضويتي ليا حياتي وخليتيني فشكل ماكنتش متوقع ابدا انني نطيح فغرامك فضحتك فحيويتك فالقوة ديالك نتي صدقتي فشكل ديما كنتي تاتعاملي معايا على انني شخص عادي جدا ماشي بحال شي وحدة اوخرى طامعة ففلوسي ابدا صدقتي بنت الناس وفشكل نجمة انا بغيت نكمل حياتي معاك واش تقبلي تزوجي بيا
        نجمة تصدمااات حطات يديها على قلبها لي كان تايضرب فالتسعين وهي تمشي تاتجري تلاحت عليه عنقاتو ودموعها تايسيلو
نجمة: قااابلة قااابلة
      لبس ليها خاتم تاع الذهب مفركع وهي تاتشوف فيه بكل حب ورومانسية شوية تاتشوف البنات جايين وهازين يديهوم وتايغوتو بالفرحة وتعانقو مع بعضياتهوم والدراري كل واحد تسالم مع لاخور سلام روجولي...يتبع
################################
ايوا يالبناااات فرحي يالالة وسعدي يالالة زوجت بناتي وحيدت اللومة عليا هههههههه زوجتهوم وانا بقيت بايرة ههههههه كيجاكوم البارت هااااا رومانسي بامتياز عندي ليكوم اخبار القصة مابقا ليها والو وتساالي ههههههههه والاخذاث القادمة ناااار غاتقلب الموازين ايوا كيجاكوم البارت