دابا تزيان(بالدراجة المغربية)

14

#جنة واشرف
           بعدما جنة تحطات فموقف صعيب بين مهنتها وشرفها بكل خطورة بقات تاتشوف فاشرف لي داير رجل على رجل وتايشوف بسخرية فيها وحسام لي واقف قدامها كي الصنم ولوخرين لي تايضحكو شافت فحسام مزيان وركزات ليه فعينيه من بعد دارت راسها فحالا تصدمات وهو تردد ورخا عينيه يشوف اش واقع وهي تعطيه واحد البونية من تحت سنييه تاعض لسانو وخرج ليه الدم وهو يشد ففمو بالم وهي تزيد تاضحك وتحنقز بفرحة
جنة:ههههههه والزمييييت اولد العبد راك مازال ماعرفتيني
    زادو الدراري تايضحكو عليه فاش شافوه دفل الدم واشرف دار شبح ابتسامة وهي بدات تاتنفخ فريشها كي الطاوس
حسام:نتي واحد الطولانطية منك ماكاين
     جلسات معاهوم فالطبلة وظارت رجليها فوق الطبلة مسرحاهوم
جنة:هههههه ساهلة القضية يكفي انني نشتت ليك الانتباه ديالك باش نتا ترخا وتسخن فيك الدقة
قصي:ادن نتتي تاتبعي المصارعة؟
جنة:وييي تاتعجبني المصارعة بزاااف لذلك انا هنا باش نقيد.السيرة الداتية ديال سي اشرف
عصام:مزيان وشحال اتكعدي هنا
اشرف:تلت ايام
جنة:كيفاش تلتيام ؟؟
اشرف:كيفما سمعتي ليوم هانتي جيتي لمقر التدريب عندنا وغدا انكعد معاك وتسوليني على داكشي لي بغيتيه وبعد غدا غانزلو انا وياك لامريكا لحفل تاع كمال تاع الافتتاح ونخليك تم
جنة:تشا كي درتي ليها لا انا بغيت نبقا هنا
اشرف:سوقك هاداك ولكن انا عندي اعمالي ماغانبقاش مقابلك غي نتي انا هي درت الصواب وصافي
       هضر معاها باكتر نبرة باردة وخنزر فيها هي بطبعها مارضاتش وخصوصا انو هانها قدامهوم ولكن لسانها لي ماضي نفعها
جنة:انا ماتاهمني لانتا لا اعمالك لي تايهمني انني نقدم البروجي ديالي وهاد المعلومات لشي شركة لي نخدم معاها اما مايشرفنيش نتبع واحد بحالك هه
اشرف:شنو زعما تاتستافزيني ؟؟
جنة:حسبها كيما بغيتي انا لي عندي قلتو
اشرف(بتهديد):فراسك بلي عمر شي انسان ما طلق لسانو عليا لانو ماتاتبقاش فيه النفس باش يهضر
جنة:شنو زتما تاتهددني؟؟
اشرف:انا هي تانحذرك وصافي
جنة:انا ماشي كي بحال البنات لي تاتعرفهوم ليكن في علمك انا جنة بنت الحداد لحمي ودمي من حديد
    الحو توتر بيناتهوم جنة ولات شاعلة على اشرف بينما هو تايهضر باكتر نبرة باردة مستفزة تانطق حسام
حسام:صافي الدراري خليو وجهوم نقي ليام تاتلاقي
جنة:هيلا كان هي هادا لهلا يلاقيني بيه
حسام:جنة واش نتي دايرة شي وشام؟؟
جنة:فين شفتيه ؟؟
         ناض وقرب لحدا كتفها وهي بعدات عليه تاتخبي لوشام لي دايراه
جنة:وشام وصافي عادي اي واحد تايدير وشام
اشرف:اوووو الصحافية دايرا لوشام
جنة:اه واش فيها من حقي
حسام: ديالاش داك لوشام
جنة:ديال العافية واشمة العافية شاعلة
اشرف:واو الشعر حمر والعافية و همجية شي حاجة اوخرى ؟؟
جنة:نتا لاش بغيتي توصل بهاد الهضر ديالك ااشرف لاش ؟
اشرف:بفف والو (بسخرية) تانشوف هي اغرب صحفية قدامي وصافي
جنة:غاصك تتعود.عالغرابة لانها هي لي كاينة فينما مشيتي اسي المصارع
اشرف:طولتي فالهضرة بزاف نوضي نمشيو نرجعك لوطيل
جنة:ماخاصنيش لي يوصلني جيت جيت لتركيا غانتفجج فشوارع اسطمبول
حسام:ولكن الظلام عليك
جنة:ماتخافش احسام ارا بعدا فلوس المحاطة نتفركس بيهوم ونفجج راسي
حسام:ههههه هاكيهوم
  جبد الفلوس وعطاهوم ليها شداتهوم بكل فخر ودارتهوم فصاكادوها
جنة:لمهم تشرفت بالمعرفة ديالكوم الشباب وخليت ليكوم الراحة كانتمنى نتفرج فشي مصارعة ديالكوم
حسام:مرحبا بيك فاي وقت نجيبوك من المغرب تالهنا
قصي:اه مرحبا بيك
اشرف:صافي سيري دابا
جنة:لي قليل الادب ماعندك مادير بيه تانتمنى تسالي هاد تلتيام ونرجع فحالي ومانباقيش نشوف وجهك
      قالتها ليه بكل كره وابتسامة وخلاتو تايخنزر فيها وخرجات وهو ينوض وزف بواحد الكرسي
اشرف:هاد الزمرة الهمجية امتا غاترجع فحالها للمغرب قبل مانتهور ونصدق قاتلها
حسام:خويا برد صافي مابقا قدما فات
        خرجات من عندهوم جنة وخدات طاكسي ومشات لوسط اسطمبول لي كانت تاتشوفها هي فالمسلسلات تمشات حضات التيتيز وتاضحك هي بوحدها شرات ايس كريم من عند هاداك لي ماتايعطيه ليك تاتايشحفك ضحكات معاه وتصورات نسات اشرف ونسات كوولشي تاعيات وهي تمشا جيهة الميناء حدا البحر فليل تسرح رجليها وتشم هواء بحر اسطمبول بقات غادية تاسمعات شي هضرة غريبة فواحد الكاراج تماك وواحد الصوت بحال شي تفركيعة اصلا تماك تايخوا بليل مشات لحدا داك الكاراج مخبية تاطل منو وهي تشوف شي رجال لابسين هي الكحل وواحد الراجل تايهضر فالتيلي
الراجل:واخا اسيدي ماتخافش ءءء سمحلي اسيدي لقينا هادا لي خصر لينا الخطة
     بقات تاتسمع ليهوم وهي تهز تيليفونها تاتسجل فيديو ليهوم شوية هاداك الراجل هز سلاح كحل وهو يتيري فواحد الراجل تاسال دمو هي تخلعات وولات كولها تاترعد
الراجل:هادا هو حزاء لي تايفشل مخططنا يالاه سربيو هاد الشحنة تاع السلاح خاصها توصل باقرب وقت ولا راكوم عارفين الزعيم ايصفيها لينا
     هادشي صوراتو وهي تبقا تاتسلت تاهربات وهي سادة فمها بخوف دورات للشرطة ديال تركيا وهضرات معاهوم بالانجليزية وعطاتهوم المكان وكولشي بقات تماك تاتاسمع صوت البوليس هادوك الرجال لي قتلو هاداك الراجل هربو وتفركتو من تم وواحد فيهوم شاف شعرها لحمر حيت كانت غاظية عند.البوليس وهرب
جنة(بالانجليزية): ها الفيديو انصيفطو ليكوم عافاكوم مابغيتش نبان بلي انا لي قلتها ليكوم خفت على راسي
البوليسي:ماتخافيش الالة وشكرا ليك هادي مافيا خطيرة تاتهرب السلاح ردي البال لراسك
      شكراتهوم ودارت قبها وتمات غادية وتاتهضر هي مع راسها
جنة:اصلا بقات ليا غا يوماين وغانرجع فحالي ناري ياربي كي قتلوووه عمرني باقي نجي لتركيا اش بيني وبينها
      شيرات للطاكسي وعطاتو عنوان لوطيل وكي وصلات مشات لغرفتها ودوموندات على الماكلة حيت الخلعة تاتجيب ليها الجوع كلات وهي تصيفط ميساج للبنات ونعسات
#فمكان اخور
الزعيم:كيفاش فشلات الخطة سمعوني مزيان مول هاد الفعلة غاتقتلووه فهمتو
الراجل:واخا الزعيم غانتبعوها ونقتلوها
الزعيم(قطع):جنيتي على روحك امولات الفعلة غاتخلصيها غاليا ....يتبع
################################
هااااي بنااات كي جاكوم البارت زوين خايب اش لي عجبكوم واش لي صدمكوم كومونت بليييز وڤوت