دابا تزيان(بالدراجة المغربية)

9

        البنات دوزو ليلة زهوانية مع راسهوم والدراري طلع ليهوم الدم من المزيان وكل واحد ولا مشا لدارو والبنات مشاو طاحو دودة ونعسو
#الصباح
       اصبحنا واصبح الملك لله البنات ناعسين تايشخرو عياو من المزيان كل وحدة مقلشة فجيه تاوقفات عليهوم جداهوم كي الزلط تاضرب فواحد الكاصرونة
فاظمة:هاااااه اتووووما فيقووو انوضو ياه راه الناس جايين
جنة:اتي خلينا نعسو ياهاد المرا
نجمة:حشومة عليك اجدة خليني ننعس
عائشة:سدي الباب ماكاين حد
فاظمة:اشوفووو اتوما والله وماتنوضو ياتا نخدم صباعي واقيلة لاتوحشتو شي قرصات بين الفخاض يالاه تهزو
      ناضو وهوما مخصرين كمامرهوم وطالع ليهوم الخرى للراس مشات نجمة و عائشة يغسلو وجاههوم اما جنة خرجات على برا تاتشوف الطبيعة وضربات ليها الشمس فوجهها كانت لابسة بيجامة كحلة رجعات شعرها لحمر لور وهي تاتشوف الدنيا
جنة:خراااا بغينا غانصبحو ناعسين تاهي مفيقاني اش بغات عندي
      شوية تايبان ليها اشرف تايجري وتايدير السپور ابتاسمات بخبث وهي تمشي تالقدامو هو هي شافها وهو يخنزر ووقف قدامها بطولتو وهيبتو
اشرف:الصباحتو لله واش ماغاسلاش وجهك ومصبحة عليا
جنة(بابتسامة):اه توحشت وجهك الكريم هههههههه
اشرف:مامساليش ليك دابا حيدي عليا
جنة:اووو فيناهوا داك الشاب الضريف لي كان
اشرف(قرب ليها):انا ماتانحملش البنات فهمتي
جنة:سوبهاااان الله تانا ماتانحملش الدراري معاك بصح ولكن دوماج عمي احمد عيني انني صحافية نكتب على السيرة الداتية ديالك لذلك نتا مظطر انك تقوليا كولشي على حياتك
اشرف:وايلي (خنزر) انا ماتانكولش حياتي لشي حد نتي غاظي غي ترافقيني وتقيدي انجازاتي لي عمرك اتحققيهوم
جنة:اه يا قلبي الصغير نتا راك مازال ماعرفتيني يا ابو عضلات متقلصة
اشرف:ابو عضلات متقلصة؟؟!
جنة:اه مالها كي جاتك؟
اشرف:همجية كي دايرة
        مشا تايجري وخلاها وهي زادت تاضحكوهي تغوت
جنة:اجري جري على كلبك نتا تجري وانا نجري تانشوفو شكون ايسبق
     دخلات للدار غسلات وجهها ولبسات الحوايج تاع البارح نيت هي والبنات وفطرو فطور ملكي هههههه الهبز والزبدة والزيت واتاي
فاظمة:عائشة نتي دي البقرة وحلبيها ونتي اجنة دي الحمارة وسيري يقي الما من البير لي حدا الفيرمة ونتي انجمة جمعي لعواد من حدا الواد يالاه سربيو دغيا وردو البال راه الحلوف بدا تايخرج لايشدكوم تماك انا راه عارضة على ناس هاد الفيرمة باش يتغداو معاناا
جنة:سبهاااان الله اجدة
نجمة:لاش عارضة عليهوم
عائشة:اه لاش
فاظمة:السيد جاو عندو ولادو وماتعرفي يجيو ويتكعد لبوكوم الزهر يالاه تهزو عليا
    ناضت كل وحدة لشغلها وهوما ساخطين عالوضعية  مشات نجمة هزات الحمار فيه الشواري فين تعمر الما وركبات عليه وتمات غادية وهازة واحد العصا
جنة:اصلا لقيت الخدمة خاصني نبداها ماشي نبقا مقابلة العروبية خاصني نيت نقولها للبنات ويلييي العياقة كاع بلاقياس انا عييت حالتي ولات بحال بنات العروبية وصلات للبير لي قدام الفيرمة ونزلات داكشي وبدات تاتعمر على قلبها وتاتنكر ماسالات غي بالكشايف اما عائشة فقساتها ديك البقرة مابغات تخليها تحلب
عائشة:اتي راه غانهبط على مك بهاد السطل هيلا مازكيتيش للارض
البقرة:مووووو
عائشة:شنااهوااا موووك نيت نتي
علي(من وراها):لا والله تاحمقة
    تلفتات عندو معصبة وهزات السطل تاتشوف فيه
عائشة:شوووف اه طااالعة عليا من المزيان فوتني عليك
علي:واقيلة لا انا هو الرئيس ديالك
عائشة:لا غلط باك هو الرئيس ديالنا بجوج وهو لي عيني معاك يعني هو لي يقدر يجري عليا فهمتي
علي(بنفاد.صبر):لسانك صليييط بزااااف لي نقوليك هو وجدي راسك حيت عندي عملية على برا والواليد بزز عليا نديك.معاياا
       غوتات عائشة بفرحة وهي تاتضحك وتحنقز
عائشة:انا غانمشي على برااااا ياااليلي ولكن جنة ونجمة؟
علي(تايخربق فتيليفونو):تاهوما غاديين على برا غانمشيو كولنا حيت كمال عندو عرض تاع الازياء وخاص سيكريتيرة ظيالو تكون معاه اما اشرف خاصو يمشي يتدرب ويبقا تحت الاشراف تاعي
       مشا وخلاها منغامسة فالاحلام ديالها ولات حلبات البقرة بكترة الفرحة مزياااان ورجعات للدار اما نجمة تاتجمع العواد وهي تاتفكر فاش غاتلبس ليوم تاوقف عليها كمال
كمال:هيه نتي وجدي راسك غانمشيو لامريكا
نجمة:علاش
كمال:واقيلة لا نتي السكريتيرة ديالي غاتمشي معايا لواحد الحفل ديال عرض الازياء
نجمة:اووماي كاااد ياااااااس
كمال:لاتبقايش طيري عليا هنا انا اهم شي عندي الجدية والانظباط وكترة الهضرة لا
نجمة:تشا كوون هاااني
     هزات عوادهاااا ورجعاات للدار تاتجري لقات البنات مجموعين وجداهوم طيبات الغدا
جنة:حلفوووو غانمشيو كولنا لامريكا تخايلو الصيييف فامرييكااا
عائشة:فرحت بزااااااف الصديقات
نجمة: واااه عمرنا كنا نحلمو بيها
     بدلو حوايحهوم وجمعو صيكانهوم خاصهوم تاينزلو بعدا لديورهوم يهزو وراقيهوم وحوايجهوم عاداباش يمشيو جاو واليدين علي و كمال وجدهوم وكذلك الدراري
احمد: ليخفضك الحاحة ماكلتك لذيذة
محسن:اه بزااااف
جنة:اه هي الكباهة ديال العائلة
الجد:ايوا الحاجة فاظمة البنات راه خدمو مع ولادنا
فاظمة:بصح
اشرف(بخبث):اه لبارح فاش سرقو الدجاج من لعرس
    تلفتات فاظمة فيهوم بصدمة البنات حدرو راسهوم ودارو الضحكة الصفرا
جنة:هيهيهي جدة اه غانمشيو ليوم
عائشة:اااه ... حيت خاصنا نسافرو
نجمة: ليخلف شبعت
محسن:شوفو نتوما بنات فاظمة بحال بناتي الدراري غايعاملوكوم بزز منهوم معاملة طيبة وتاواحد فيهوم ماعندو الخق يجري عليكوم
الجد: جنة نتي غاتبقاي مرافقة لاشرف باش تكتبي كتاب على مشبرتو المهنية وبلحقيقة بلا كذوب داير فيك الثقة ابنتي
جنة:كون هاني الشاف الله ياودي
        سالاو الماكلة والبنات ديك الساعا شدو الطريق لكازا باش يجمعو حوايجهوم حيت الصباح خاص تلقاهوم فالمطار نشوفو اش غايطرا معاهوم ......يتبع
################################
السلام عليكم كيف حالكوم يا حلوييين صحاب السيزيام بالتوفيق ليكوم يا رب راه دارليكوم يونس بني ملال ديديكاس هههههههه ايوا كيجاكوم البارت انعطيكوم اسئلة جاوبوني عليها باش نعرف واش القصة زوينة اولالا
شكون احسن كوبل ولا احسن شخصية فالبنات والدراري؟
الاحذاث واش سريعين ولا عاديين ؟
شخصية الشخصيات زوينة ولا خايبة ؟
    مازال غاتلقاو الغموض فواحد ابرز جوج شخصيات جاوبوني بلييز فالتعليقات 💓💓💞💖💏