دابا تزيان(بالدراجة المغربية)

42 البارت الأخييير

#بعد أسبوع
       فالحي الشعبي المعروف ديالنا تاتبان ليك واحد البنت لابسة صندارة الصبع تاع باها وسروال تاع بيجامة فشكل وتيشوورت عريييييض ومدلدل وعاقدة شعرها لحمر  بزيف حياتي وهازة واحد كوجاكة ديال عشرة دريال نعم يا سادة إنها جنة كانت لابسة تيشورت تاع اشرف فاش كانت باتمشي هزات ليه تيشورتو وريحتو باش تبقا مفكراه وخلات ريحتها تماك باش تبقا فبالو مشات لدار نجمة وبدات تاتفرشخ فالباب باااق باااق باااق
نجمة:عالسلامة الزين
جنة:ليسلمك هههه كاينة عائشة؟
عائشة:هاني جييت تفوووو
      دخلو للدار وكلسو فالصالون ايوا اش نقول ليكوم كااينة الروينة المرونة والبنات موجدين حوايجهوم باش يمشيو للحمام ايوا اش نقوليكوم الخطاااب جايين فنجمة وعائشة أما جنة تالصيمانا جاية
نعيمة:يالاه هالصابون بلدي وشامبان
عزيزة:يالاه هزو السطولة ودردبو
كريمة:نلقاكوم دايرين داك حكان القحيبات نشوييكوووم
نجمة:هووووف خرااا تفوو هزي السطولة اجنة
جنة:عائشة هزي الصيكان
عائشة:تحركو قدامي قبل مانبدا نقبقب هنا
     خرجو من الدرب وتمو غاديين كيدوك الحمقات كارهين الوضعية حسو براسهوم فحالا كانو هي فشي حلم جمييل وغزااال وفلخر فاقو منو وصلو للحمام وكاع العيالات تايشوفو فيهوم وهوما ماداينيهاش فيهوم سلتو حوايجهوم ودخلو للحمام كان عامر
جنة:هههههه رجعنا البنات لحياتنا الروتينية
نجمة:نهار على نهار تانزيد نتأكد بلي حنا كلبات هههه
عائشة:اودي هي سكتي اكبر شمس العشية
     فرشو الجلدات تاع الحمام وناضت جنة تعمر السطولة شوية تاتشوف بنات الدرب لاخور شادين فيها النميمة وتايحشيو فيها الهضرة
البنت1: ايوا ياختي كاع داكشي لي حنقزاتو المعزة فقرون الجبل تاتخلصو فدار الدبااغ
البنت2:واييه طارو تاطارو وفلخر غايتزوجو بوحدين مكجفين
البنت1:باينة البكرة مشاات هههههههه
جنة:هاايهاايهاااي على البايرات تحل ليهوم الفم ادوي ابنت المسيح ياكما نسيتي يامات الخنونة نازلة ليك ونتي اديك وجه القلوة ياكما نسيتي شحال لعب بيك ولد سي علي ودرتي كورطاج وراه كل شاة تاتعلق من كراعها
البنت1:ايهاااي على بنت الحداد ضسرات
جنة:تاتقلبي عليا نتي
عائشة:هيه مالنا نتي اش بيتي
البنت2:نتي اش دخلك طفرتييه
نجمة:البايرات تحل ليكوم الفم
    ايوا يالبنات ناضت الدبزة فالحمام جنة شدات ديك البنت من شعرها وهي تعطيها بواحد الراس تادتر ليها منخرها تشخ بالدم وطاحت فالارض وعائشة هزات السطل وهي تهبط على لوخرى للراس تاجابت الكاو اما نجمة مشات تاتعمر السطولة ماحد تاواحد ماتايعمر
جنة:نورييك تجي تحلي عليااا فمك يالخانزة
عائشة:هاكيني هاكاوا ولي ماعندو سيدو عندو لالاه
نجمة:زيدو نغسلو علينا وسخنا تلات لينا الايام تاولينا تانزلو لهاد النيڤو
       العيالات بداو تايفيقو فدوك البنات لي طاحو اما البطلات بداو تايغسلو وتايحيدو عليهوم وسخهوم
جنة:توحشتو البنااات بزاااف فراسكوووم
عائشة:هي خلي داك الجمل راكد انا لي درتها يديا عرفتو منين وصلني داك الفيديو حسيت براسي شحاال حمارة
نجمة:تانااااا تمنيت الارض تشق وتسرطني
        ايوا البنات بعدما رجعو للمغرب وصلهوم فيديو من الشومبر فاش كانو فيه الدراري كمال وعلي وعفراء وجميلة بلي هوما كانو تايحاولو يبعدوهوم وهوما لي ترماو عليهوم عفراء وجميلة لي ترماو على علي وكمال هي هاديك فاش تشدات اللقطة تاع البوسة ومن بعد كمال صفرق جميلة وحتى علي دفع عفراء وهددها
جنة:نتوما تشرعتو وضلمو نسابي ههههه
عائشة: طفرتييه نتي
نجمة:اودي تاوحدة فينا مادارتها زيينة هي نوضو الليلة ليلة الخطبة هههههه
عائشة:يالاه البنات نهربو
جنة:تي تبتي للارض فين نهربو
نجمة:ماكاينش كيفاش والفلوس ماكاينينش
         سالاو غسيلهوم وخرجو لبسو حوايجهوم وتاجهو للدار هي دخلو تاتشمي ريحة اللحم بالبرقوق والدجاج محمر والحلاوي
جنة:صراحة انشبع قس معاكووم
عائشة:بيتليك السهاال
نجمة:دابا نضحكو علييك الزييين
نعيمة:البنات  طلعووو يالاه ولبسو طلعي معاهوم اجنة هاونيهوم
جنة:واخا
       طلعو البنات للبيت ولقاو تلاتا تاع القفيطنات غزااالين مفركعييين
جنة:انا انلبس دااك الكحل لي فيه الجواهر
عائشة:عطيني داك التركوااز غزااال
نجمة:وانا الغووز بطبيعة الحااال
      لبسو وتقادو وتصاوبو وقادو شعرهوم خلاوه سامبل وماكياج خفيف شافو راسهوم فالمرايا
جنة:اححح تزعط فراسي
عائشة:ربي هاد الزين بايديه عروبي جغاوي
نجمة:ضاااعت الاحلام
     شوية بداو تايسمتو صلاااا وسلااام على رسول الله صافي الرعدة شداتهوم اما جنة دموعها سالو بكثرة الضحك
نعيمة:البنات نزلوو
       كل وحدة فيهوم بدات تاتسبق لوخرى مازعمووش ينزلوو صافي حسو براسهوم تحطو امام الامر الواقع
نجمة:اشهد.ان لاأله الا الله
عائشة:حي الفلاح حي عالصلاة
جنة:توما غنيو طلع البدر عليناا هههههههه زيدو نزلو
       تمو نازلين فالدروج وكل وحدة رجليها تاتفافا دخلو للصالون وهوما حادرين عينيهوم ماقدوش يهزوهوم
الاب تاع نجمة:مرحبا والف مرحبا بيكوم
بابات تاع عائشة:سي علي وسي كمال نورتونا
      البنات هي سمعو السمايات وهوما يهزو راسهوم بصدمة والصدمة الاكبر هي منين لقاو كمال بلباس رسمي وهاز معاه بوكي دو فلوغ وعلي كذلك بديك الهبة والطلة ديالو وديك الابتسامة الساحرة الدراري غمزو للبنات لي كانو بايطيرو بالفرحة باش يتبتو
علي:بصراحة اسيدي حنا جينا طالبين راغبين فيد بنتكوم لالة عائشة للزواج على سنة الله ورسوله
بابات عائشة:بصراحة حناا...
عائشة: اشمن حناااا انااا قابلة
نعيمة:اوييليي على شوهتي تي تبتي
عائشة:انااا قاابلة هيلا بغيتي من غدا الزواااج
علي:لا هاهوا العقد جبتو معايا غانسنيوه والعرس موجد خاصاني هي العروسة
بابات عائشة:ايوا منين البنت بغات مانزيدوكوم هي الرضا
كمال:نجمة تبغي تسيني تانتي العقد ولا بلاش
نجمة:تا ارااا نسينيه بفيتر كحل تاناا قاابلة
بابات نجمة:ايوا اسيادنا ليجعل كولشي مبارك ومسعوود
      ناضو بزربة وكان العدول تاهوا وهوا يدير الطقوس ديالو وسيناو كولهوم علي وكمال وعائشة ونجمة
العدول:ايوا ليجعل كولشي مبارك ومسعود
      علي وكمال بالفرحة لي كانو مخبينها ماشعروش براسهوم تاناضو وباسو البنات ففمهوم قدام كوولشي جنة:واااااو صاحااااا ههههههه واخيرا تجمعتو
علي:ختي جنة لعقبة ليك
كمال:اه تستاهلي كل خير
جنة:هي سكت حريرتي حريرة
عائشة:ناااري ماكنتش متوقعاهاااا
علي:علاه انا نفرط فيييك احياتي
كمال:نجمتي توحشتك
نجمة:كون شتي انااا
جنة:بلاتي نجيب قجقالي من الدار نتصورو لولولولولولوي
      خرجات جنة من الدار تاع عمها ومشات لدارهوم لي كانت خاوية دخلات وسدات الباب وطلعات لبيتها هي حلاتو ودخلات وهو يتسد منوراها تلفتات بزربة لقات تلاتا تاع الرجال كحلين هازين السلاح هي بردات فيها الخرية
الرجل:جنيتي على راسك منين بيعتي بالزعيم غاتموتي
جنة(برعب):تااا كيفاااش زعما
الرجل:جينا نقولو ليك بلي اشرف مات قتلو الزعييم وجينا نصيفطوك ليه
جنة(بصدمة): كيفاااااااش مااااااات ااااه ناااري اش درت ناااري مايمكنش لالالالا غانحماااق انا غانتسطى كيفاااش لااااا اشرف اهى اهى اهى
الرجل:سكتيييي سدي فمك اول حاجة غاديري هي غاتسيني هنااااا يالاااه
     هددها وحط ليها السلاح على راسها هي صافي تخلطات ليها الصدمة مع الخلعة مع كولشي وعينيها ولاو حمريييين هوات الستيلو وسينات علاياش لوعلم
الرجل:دابااا غمضي عينيك وتسناي نصيفطوك للاخرة عندووو
        بقات تاتبكي بحرقة ماتصوراتش هادشي يوقع غمضات عينيها تاتسنا تموت هيلا ماتلاقاوش فالدنيا يتلاقاو فلاخرة شوية تاحسات بشي حاجة قاست وجهها حلات عينيها لقاتو اشرف ايييه اشرف
جنة:نااري واش انا مت يااك مت
اشرف:لا باقا حية الغزالة وهانا جيت
        السيدة تفلاشات ماعرفات باقي اش دير الحاجة الوحيدة لي دارت هي غوتات وتلاحت عليه تاتعنقو وتاتبكي
جنة(ببكاء):اهى اهى اشرف توحشتك بزاااااف ماتصورش قداااش
اشرف(معنقاها):ماصورييش انا قداش توحشتك حياتي ولات كحلا كيف كانت بلا بيك
جنة:نتا بيخير ياااك
اشرف:بيخييير قتلت شاهين وتهنينا من الكابوس
ديالو
جنة:انا المهم عندي هي تكوون بيخييير
اشرف:انكون بيخير حيت دابا وليتي مراتي الورقة لي سينيتي عليها هي العقد.ديالنااا
جنة:بلاتي بلاتي دابا انا مرااتك
اشرف:قدام كولشي نتي مرااتي يالاه نمشيو نفرحو معاهوم
       جنة ولات هي تاضحك بالفرحة نزلو ومشاو لدار عمها وتمو داخلييين عائشة ونجمة هي شافوها وهوما يغوتو بالفرحة
جنة:هاداااا رااحلي على سنة الله ورسوله
باباها:كيفاش راجلك ؟؟ هو راه ماغايجي تال بعد غدااا
اشرف:بصراحة اعمي ماقديتش نصبر
جنة:علاه نتا لي كنتي اتجي؟
اشرف:وعلاه يقدر شي واحد يجي يتزوج بيك راه نقتلو انا
كريمة:ايوا ليجعل كولشي مبارك ومسعووود لولولولوللوي
       كل واحد تزوج بالبنت لي كايبغي وفرحانين والزغاريت وكولشي اما النهار تاع العرس كان اسطوووري شي حاجة طوووب بالعمارية والدقايقية العرس لي تاتحلم بيه اي بنت بالكسوة البيضة ومرصعة بالجواهر ولاول مرة اشفر يلبس قاميجة بيضة مع لباس رسمي كحل حيت جنة دخلات البياض لحياتو والشوفات الرومانسية لي بيناتهوم اما علي مازكااش من المغازلات لعائشة وكمال بالهبة ديالو تحس بيه سلطان داي سلطااانة كانت ليلة اسطورية تشهرو فيها والصحافة شي حاجة كانت غزااالة
##بعد مرور عاام
        فالحلبة كان اشرف تايتصاارع مع واحد المصارع وكاينة جنة حااملة وعائشة ونجمة تاهوماا حاملات والدراري معاهوم
جنة:ااالي صاحااا عطي لمووو هاكاااك
عائشة: صااحااا نسيبي العزيز
نجمة:اححح اختي كيتايعطيه ضراتني خاطري
    اشرف عطا لداك المصارع الضربة القاضية كالعادة وجابو كاااو بدماياتو
جنة:اوووووو حب قلبييي وزماني ربححححح
عائشة:مبرووك عليييك
كمال:البنات تبتو شوية راكوم حاملات
نجمة:خلينا نشطووو الزمر
علي:هي بشوية
        زادو تايصفقو بحرارة على اشرف لي ربح وجنة كلعات للحلبة بكريشتها لي سابقاها وعنقاتو وهو عنقها وتايبوش فيها
اشرف:حياتي مال سروالك فازك
جنة:اه هاديك غالتسكية طرطقات حيت فيا لوجع
اشرف:جنة!!غاتولدي
جنة:كيفاش غانولد ناااري اشرف شي حاحة سخونة نازلة تحتي
عائشة: جنة الولد بايخرج
       جنة شدها واحد لوجع دايزو الكلام وكااع الناس لي فالحلبة تايغوتو كلسات وهي تاتزفر وتاتغوت
جنة:اااااااااي ناري بااايخرج عتتتتق
اشرف:بلاتي اش غاندير واش غاتولدي بصح
جنة(شنقات عليه):لااا بيت نخرااا عتاااااق ميييي صافي هادي لخرة لياااا
عائشة(جاية بكرشها):حيد لهيه انسيبي لعزيز انا انولدهااا فرقي رجليييك
نجمة(كرشها سابقاها):هاكي هاد الما دافي راه جابوه اتولدي فوسط الحلبة
جنة(تاتعصر):اااااااااه مييي كرشيييي ليووووم نقتلك ااشرف طلقنيييييييي
اشرف:نااري ياكما اتموووت عتقووها ينعل دينمكوووم عيطو للاسعاااف
عائشة:تعصرييييي تعصرييييي
نجمة:هاكاك الراس تايخرج
       بقات جنة تاتعصر وراس الولد خرج علي عيط للاومبيلونس وجات طيارة شوية تايتسمع صوت بيبي صغيير وجنة تنهداات بالم
اشرف:جنة ولدنااااا هاهوااا
عائشة: هاك انسيبي العزيز ولييد كي الفرماجة
    هزو اشرف فيديه وهو ماقاداه فرحة الجمهور كولو تايصفق بفرحة حيت تزاد ونجمة تاتبكي الالم مع الفرحة شوية عائشة ناضت وهي تلقا المااا ونجمة تاهي لقاتو
عائشة:علييي عتتتق غانووولد عتق اولد لحرااام
علي(دهشر):كيفاش غاتولدو جملة
نجمة:كماااال لوووجع ااااااي امي كرشيييي
كمال:وعتقوووو احيو هزوهوم
جنة: هيهيهي عبر على مكوم الله ااااااااااه تحتييي
      هزوهوم فلابيلانص وداوهوم للكلينيك دخلو جنة للعناية واهتمو بولدها والبنات دخلو تايولدو نجمة ولدات بنيتا وعائشة ولدات وليد وجمعوهوم فغرفة وحدة
اشرف:واخييرا ولييت اب(باسراس جنة)حياتي كيوليتي
جنة:تباقي تكوليا نخدمو على شي وليد نقتلك
اشرف:باراكا علينا هي هادا انقولها للواليدة زوبيدة بالها ايبقا مشطون
نجمة:تاتشبه لييك احياتي
كمال:ولكن دات زين مها
علي:ايهااي على البطل
عائشة:بحال باباه
كمال:يالاه ابتاسمو شي سيلفي (تشيييز)
       ايوا قصتي سالات ومشاااات مع ولاد الجوااد كانت قصة تشاركت فيها ضحكي وفرحي وحبي ليكوم الكوبل تاع اشرف وجنة المافيوزي الكوميدي وكوبل علي وعائشة الطبي والكوميدي وكوبل كمال ونجمة تاع الاعمال الكوميدي خديت من كل فن طرب وخلطتهوم فقصة وحدة شاركو معانا افراحهوم واحزانهوم ومصائبهوم بصراحة مكانة هاد القصة عندي كبييرة بزاااااف شكرااا لاي بنت شجعااتني وحفزاتني باش نكمل القصة بلا بيكوم ماكان غايطرا والو حسام ولا هو مشهور فالمصارعة ولكن اشرف كتر منو بقاو صحاااب والمافيا تدمرات بعدما اشرف قتل الزعيم واهتم بزوبيدة لي هي الام ديالو عفراء وجميلة كب وحدة غطسات فالقذارة ديالها والابطال ديالنا عاشو قصة حب مليئة بالتشويق والاثارة والحب والتضحية والاهتمام يعني ماشي اي واحد كحل راه كحل اي واحد فيها فيه جانب زوين وجانب خااايب خاص غي الحب والاهتمام تانتمنى ان القصة تكون عجباتكوووم وتكون وصلات لقلوبكوم وتانتمنى من كل وحدة فيكوم انها تكون عحباتها وبغيت ليكوم السعااادة والنجاح والتألق 💖💖