دابا تزيان(بالدراجة المغربية)

39

#اصبحنا وأصبح الملك لله
     ايوا بعدما سالات الامسية السعيدة ديال الابطال رجعو فرحاانين ماقاداهوم فرحة رجعو مدكدكين وكل واحد طلع لشومبر ونعس
#اشرف وجنة
       فاق اشرف هو اللول كان ناعس نيت لاول مرة تاينعس مرتااح حس بثقل فوق صدرو وهو يطل بانت ليه جنة ناعسة فوق صدرو ومستاراحا ابتاسم وهو يبدا يلعب ليها فشعرها تايحس بشعور زوين هو تايبغيها تايحبها تايعشقها بجنون بضحكتها وعفويتها واخا مابغاش يبين ولكن القرب ديالها منو خلاه يفهم ويستغل الفرصة قبل ماتولي تبغي شي حد اخور
اشرف:جنة فيقيي
جنة:اممم خليني نعس
اشرف:نوضي النعاسة باراكاا عليك
جنة:حك حك ليا شعري باش ننعس
اشرف:هههه نوضي كالاك حك حك ليا شعري يالاه باش نمشيو للبحر
      جنة هي سمعاتو قال لبحر وهي تنوض قافزة تاتشوف فيه بشعرها لحمر لي طالع
جنة:حب بالله تاغاتديني للبحر
اشرف:هيلا فقتي اما ماكاينش الموشكيل نرجعو نعسو
جنة:تانوووض كالاك نعسوو
      جات باتنوض وهو يجرها تا تكات على سدرو وشاف ليها فعينيها بخبث
اشرف:وشنو زعما ماناخدش بوستي
جنة(بخجل):سير سير حيد خليني نوض
         زاد تايضحك عليها هو يقلبها وولات تحتو وهو فوقها مكاليها بيديه وهو ينزل بشوي بشوي وبدا تايبوس فيها فراسها وعينيها ونيفها وهي تاضحك تالخر وهو يبوسها ففمها دخل معاها فواحد القبلة عميقة تادخلات عليهوم الخدامة هي شافتهوم هاكاك وهي ترجع دغيا
جنة:وييليي حشوومة
اشرف:علاش حشومة ياك نتي اتولي حلالي
جنة:واخا ولكن حشومة الدرية اتكون فقيرة عاطفيا
اشرف:وحنا مالنا
        باسها فعنقها وهو ينوض وهي مييتة بالفرحة
اشرف:نوض قبل مانولي انا وياك فشي حاجة ماهياش
جنة:اشرف قداش كاتبغيني
اشرف:قد مالا نهاية اصلا ماكانبغيكش انا راه كانعشقك فراسك
جنة:تانا والله تاكانبغيك بزااااف احح عليك احبي
اشرف:جنة تايبان ليا غانصبقو لعرس حنا
        زادو تايضحكو وهي مشات لعند البنات تفيقهوم مشات لغرفة عائشة هي لولة
#عائشة وعلي
        عائشة كانت فايقة وتاتشوف فوجه علي وتاتقيش ليه شعرو شوية نزلات لعينيه شوية لنيفو شوية قربات لشواربو
عائشة:بشااخ هادو هوما الشوارب لي تايسخفوني
علي:وتجربي تاني
       هو كان فايق ومخليها تحسس فيه هي هي منين سمعاتو هضر قفزات من بلاصتها
علي:تي مالكي الزين
عائشة:كنتي فايق
علي:علاه لي حداه هاد الزين كولو اينعس
عائشة:نوض نوض
       جات باتنوض وهو يقلبها ودارها تحتو هي تصدمات ماعرفات اش دير
علي:بلاتي نحيد ليك شي حاجة من فمك
      نزل على شواربها بواحد البوسة فريدة من نوعها هي تصدمات ولكن كانت محرومة وهي تلوي يديها على عنقو ونساجمات معاه الشيء لي شجعو وخلاه يدخل معاها فقبلات عميقة ايوا ياسيادنا هوما فشغلهوم تادخلات عليهوم جنة حلات الباب بزربة وهي تلقاهوم هاكاك تصحابكوم خرجات اتوما دارت ليهوم شوها بوان كوم
جنة:اويييليي بيتي تغتاصب ليا ختي عويشة اش هاد المنكر
     عائشة دفعات علي بزربة ووقفات وولا وجهها حمر
جنة:ليمسخك الماسخة انا وماعمرني بستو ولا ظرت شي حاجة
علي:لا نتي بستيه وسط الحلبة وقدام كولشي واصلا هي اتولي مراتي
عائشة:يالاااه
جنة:ياااه على تريكة وجدي راسك انمشيو للبحر
      خرجات جنة وخلاتهوم تماك تاتناكرو ومشات لعند نجمة وكمال
#نجمة وكمال
         كانت نجمة فغروقة النعاس تاتاحس بشي حاجة عليها حلات عينيها وهي تلقا كمال تايبوس فيها بحنية
نجمة:اممم كمال خليني نعس
كمال:نااري كيتاتصبحي حلوة بزااااف
نجمة:كمال ههههههه اتاتهرني
كمال:اححح على الضحيكة
     بقا تايبوس ليها فوجهها وكنيكاتها وشواربها وهوما فرحانين تاحلات عليهوم جنة الباب
جنة:اعوذ بالله ان هاذا لمنكر تانتي انجمة
نجمة:ءءء جنة اش كاديري
جنة:تانشوف لمعسل مع الصباح
كمال:جنة خرجي خليني نكمل خدمتي
جنة:وتا نوووض اتصدق مغتاصبها نوضي راه انمشيو للبحر
نجمة: لبحر يااااااس
     خرجات جنة وخلات نجمة ناضت بلا هواها وحرماتها على كمال وناضت تاتوجد راسها وكل وحدة من البنات وجدات راسها باش تعوم فلبحر نزلو للفطور كانت زوبيدة وجدات كولشي وجنة تاتهضر معاها عادي فحالا الموضوع مامجبودش كاع ونزلو كولهوم تجمعو
جنة:احح فطور بنين
عائشة:نتي واحد.الدحشة
جنة:تبارك الله عالبكرات
       بقاو تماك تايتعايرو والدراري تايتفرجو فيهوم ايوا ياسيادنا تمات جايا عفراء ومعاها بنت اوخرى عرفتو شكون
نجمة:جمييلة !!!
جميلة :اه احبيبة هادي انا كيجيتك؟
عائشة:واش هادي هي ؟
جنة:على مابان ليا هادي هي ديك المجعوفة والطماعة
جميلة:هههههههه غلطي احبيبة ومازال ليا نقاش طويل معاك
كمال:اش جيتي ديري هناااا
جميلة:عرضات عليا عفراء حبيبتي
كمال:واو مزيان ايوا نبغي نعرفك على مراتي ان شاء الله نجمة
جميلة:اممم مبروك
علي:عفراء اش هاد التصرف
عفراء:مادرت والو اصلا بغيت شي وحدة لي نفس النيفو ديالي باش نتوانس معاها
اشرف:هيلا ماكانوش مشاكل مرحبا اما هيلا شفت شي حاجة ماعحباتنيش يعني راه الهضرة فراسكوم
جنة(دارت حركة تاع السلاح على راسها):بوووم
علي:صافي نوضو نمشيو
عفراء :تاحنا انمشيو
جميلة:ضروري تاحنا اصلا موجدين
      البنات حسو بخطر على راسهوم في النهاية هادو راه الحبيبات ديالهوم نجمة الوضع ماعجبهاش بتاتا خصوصا الحركات ديالهوم وعائشة سنانها مغززين اما جنة عارفة بلي اتجي كارثة مورا هادشي وبنات عمها ماشي ساهلات
##في مكان آخر
....:اه فراسها كولشي وسمعت هضرتها
الزعيم:اذن هاد البنت غاتحرما من البوص واتخرج عليا اذن انا غانخليها تمشي وراسها اتشوفي اجنة معامن لعبتي ولي لعب بالعافية تايتحرق ......يتبع
################################
سلام عليكم شلونكوم يا بنات انا وايد وايد مبسوطة ههههههههه هاهوا بارت اخور منوراه ايكونو احذاث ناار وحزينة بصراحة بغيت نفقسكوم شوية ههههههه كيجاكوم البارت