دابا تزيان(بالدراجة المغربية)

10

#فالمطار
        ثلاتة تاع الرجال بكل جاذبية وهبة ديالهوم واقفين على اعصابهوم
أشرف:الخرا تال اخرولحضة وتغير البرنامج ديالي وهاد الهمجية مازال كاعما جات
كمال(تايشوف فالساعة):غاتمشي الطيارة وهادو معطلين بلاقياس
علي:ياودي عالمساعدة ياودي تماك بقينا
     شوية لاحو عينيهوم على الباب تاتايبانو ليهوم داخلين جنة بشعرها لحمر لي لفت الانتباه تاع الناس لابسة مايو بيض فوقو قاميجة فيها لحمر ولكحل عريضة مع سروال سليم كحل وسبرديلة بيضة ومعاها عائشة لابسة تريكو بيض فيه الكتبة بالدهبي مع سروال دجين وسبرديلة ذهبية وشعرها جامعاه كعكة مهملة اما نجمة فكانت لابسة تيشورت بيض مع قاميجة غوز ومعكودة وسروال دجين شيبي وسبرديلة غوز دايرة لشعرها كوب شوفال حارين باليواتهوم
جنة:ياهلا بالغوالي
اشرف(معصب شد ليها فيديها):ماعنظيش الوقت لي نضيعو معاك فهاد الهضاضر زيدي قدامي
جنة:الشريف رخي يدك مني ياك غادين كولنااا ؟
اشرف:حنا غانمشيو لتركيااا
جنة:تركيااا كيفاش وعلاش
نجمة:ويلي ياك غادين معانا؟
كمال:نتي سكتي اش هاد التعطيلة حنا غاظين لامريكا راه بايبداو الاستعدادات للتصوير ونتي معطلاني
علي:ماشاء الله عالدكتورة يموت لي بايموت
عائشة:بلاتي حنا فين غادين ؟
علي:فرانسا يالاه تحركي
جنة:بلاتي بلاتي كيفاش انتفارقو مايمكنش هاد اللقطة
اشرف(بغضب):شوفي بلا كترة الهضرة يالاه سربي
      ناض كل واحد فيهوم جر الرفيقة ديالو كل واحد لوجهة كل واحد واش غايطرا ليه نشوفو هاد.الصدفة اش غايكون الاثر ديالها عليهوم
#جنة واشرف
      طلعو فالطيارة وجنة حالا فمها حيت عمرها طلعات فالطيارة مشات تاتجري تاتسابق على جيهة الشرجم
اشرف:الهمجية يكون فيك شوية ديال الرقي كوني بحال البنات
جنة:وايلي داخلنا عليك بالله تاسيير حيد بالاك
     كلسات حدا الشرجم هو خنزر فيها وهي ابتاسمات بنصر
المضيفة:المرجو من الركاب وضع احزمة الامان ستقلع الطائرة بعد دقائق
         بقات تاتقلب فجوانبها على السمطة شافت فاشرف كيدار ليها وهي دير بحالو وهي ترخا تاتبتاسم شوية وهي تفكر راسها فعليا انها فالطيارة وتفكرات داعش وتفكرات الطيارة تاع الجزائر لي طاحت وهي تنوض قافزة ووجها ولا صفر شافت فيه لقاتو تايلعب بتيليفونو شوية بدات الطيارة تاطلع وهي تشد فيه شدة العما فالضلمة تاخلعاتو
اشرف:طلقي مني بعدي مني
جنة(تاتغوت):الله الله اسبعة رجال شايلاه امولاي عقوووب وعتااااق ليوووم طيح بيا الطيارة ليووووم جهنم خاليدين فيها اش بيني وبييينك ميييي مصارني وودني تصمكو ووليت صمكة وعتق يا السفاااح عتق
      بقات تاتغوت وهي شانقة عليه وهو ماعرف مايدير ليها عصباتو وهو يجمعها معاها بواحد التمرميقة تاغيبات
اشرف:هووووف على همجية موصيبة ولسقات فيا
       طل عليها لقاها فاقدة الوعي وهو يدير الكيت فودنيه وغمض عينيه يترخا حيت عصباتو
#عائشة وعلي
        جرها من يديها تاطلعو للطيارة هي بقات غاغادية حالة فمها
علي:اييه الشريفة ها الطريق زيدي كلسي
دخل هو لحدا الشرجم وخلاها بقات واقفة تاتشوف فيه بتمياق
عاىشة:ياودي يالرجولة ياودي اتا نوض خليني نكلس حدا الشرجم يدخل الغريبي راه تاندوخ
علي:مشي هو سهمك كلسي وسكتيني يالاه
عائشة:شتك تاتغوت عليا لا
علي:فيك الفريع وحق رب تاغانرتاكب فيك شي جريمة
عائشة:حيد من تم وخليني نكلس ونسكت
        شاف تاعيا وهو ينوض تالحدا وجهها وهو يهضر بغضب
علي:كلسي ليكلسك فوك العافية
عائشة:وانتا معايا ههههههه
     كلسات حدا الشرجم وهي فرحانة دارت الحزام وكعدات تاتمنضر ضربات على واحد التيتيز وبدات تاتقاد شعرها علي شاف فيها بنص عين
علي:كاطيري لا تبتي للارض
عائشة:سوووقك ماتعرف هادا مكتابي
علي:مكتابك فجهنم
     ماداتهاش فيه وبقات تاتبتاسم لهاداك الشاب وتاهو كذلك علي ضرب راسو بقلة حيلة
علي:تاتسناني ايام صعيبة معاك
#كمال و نجمة
طلعو للطيارة وهو هي تاينكر عليها حلف لاسكت
كمال:قلة انضباط قلة الجد زعما راك غاتخدمي مع شخصية لي عندها وزن فالمغرب
نجمة:اووووف ضريتيني فراسي بزعطة يالاه صافي اول مرة انا ماعارفاش السيستيم ديالك واش غاتبقا هي تاتغوت عيقتي لا
كمال:سمعيني غاتفاداي الغضب ديالي حاليا حيت منين تانتعصب راه ...
نجمة: اكينكو تاتشبه ليه نيت
       دخلات كلسات حدا الشرجم وهو جلس بجنبها
كمال:خاصكي تخدمي داك المخ ديالك معايا غانمشيو غايخصنا نديرو التصوير لازياء وللماركة ظيالنا نتي غاتكوني المرافقة ديالي اي حاجة زايدة ولا ناقصة غاتقيديها وتقوليها ليا مفهوم
      بقا تايدوي وتايشرح ليها بكل جدية شوية تلفت وهو يلقاها نااعسة
كمال:من نيتها نيييت والله تانعسات نتحاسبو على هادشي من بعد
       ايوا كل وحدة ركبات فطيارة لي طيراتها لبلاد اوخرى كل واحد لمهمة خاصة بيه جنة مرافقة صحفية ديال اشهر مصارع ، عائشة مساعدة  اشهر طبيب، نجمة مساعدة رجل اعمال مشهور ....يتبع
################################
السلام البنوتات كيدوزتو الحهوي نتمنى تكونو نجحتو ياارب لمهم هاهوا بااارت بصراحة كيجاكوم وكيجاكوم التغير الحذري لي فيه وعلاقات الابطال