دابا تزيان(بالدراجة المغربية)

30

#جنة واشرف
       اشرف تحط فموقف من داكشي الرفيع هي واقفة قدامو تاتشوف ليه فعينيه مزيان تاتسنى منو جواب على سؤالها "علاش ماخليتينيش نموت" حسام بان ليه الجو مكهرب وهو يخرج بشوي بشوي باش يخليهوم على راحتهوم اشرف رجع فعينيه شوفات المكر
اشرف:علاش كاتسوليني هاد السؤال تصحابك واش انا طايح فيك ولا شنو
جنة:لااا... لينجينييي اش بيني وبينك
اشرف(بمكر):ايوا مانعرف ليك لاتكوني زعما طحتي فيا حيت تانعتقك ولا شي لعبة هاا؟؟
جنة:سكت على زمر نتا لي بقيتي ليا منحووس وحق الله تامنحوزس وبوراقيك
اشرف:ايوا منين هاكاك سدي فمك ولبسي سبرديلتك وتبعيني
        زمطهااا البنااات زمطهااا وخلاها تاتكردد غا بوحدهااا وقجاات راسها بالفقسة
جنة:سيري يا جنة ليعطيك العز اما الدل راني فييه
       لبسات سبرديلة بيضة مع السيرڤيت الكحلة لي كانت لابسة هزات واحد الكاسكيط كحلا تاع اديداس ودارتها وخرجات بانو ليها فم الباب تايتسناوها
حسام:ايهااي نحلف عليك غا عزري وصافي
جنة:اودي تلات بينا ليام تاولينا عزارا
اشرف:تبعوني
        مشا قدامهوم بكل هيبة بلباسو لكحل حسام شاف فجنة لي كانت تاتشوف فيه دار يديه على ظهرها وتمو غادين مورا اشرف تا وصلو للوطو ركبو لقدام هوما وجنة ركبات لور وتمو غادين فجو من الصمت
جنة:وطلق لينا غا الراديو وحنا دايرين فحالا غاديين فعزاا
حسام:وباقي عندك الكانة ديال الراديو ههههههه
جنة:وضحك اصلا الدنيا ضاحكة علينا تا منين مامتش فالحمام عمرني نموت
حسام:شوفي اجنة ماحدك نتي معانا هنا وقبلتي دخلي معانا فراك غاتكوني بيخير
جنة:كيفاش قبلت نخدم معاكوم تا ماتكولنيش حاجة ماقلتهاش
حسام:كيفاش راه فااش وافقتي يعني راك وافقتي انك تدخلي معاناا
جنة:كيفااااش احبس الشريف والمعلم كيفاش دخلت معاكوم
اشرف:تالهيه وغاتفهمي مزيااان
         سمطات وكعدات تاتفكر كيفاش غاتخدم معاهوم اوييلييي اتولي قتالة قفزات من بلاصتها وهي تقج حسام من اللور هو ماعرف باش تبلا
جنة:تاا كيفاااش تانا غانقتل عباد الله تا راه مصارن الخروف فالعيد الكبير وتانحشم نقيسهوم
اشرف:عليها داك النهار كليتي راس مبخر والمخاخ
جنة:سكت نتا نتاا هي سكت تريكة الويل
اشرف:واقيلة بغيتي طلي عالاخرة تاني راه نقلب بمك هاد الطوموبيل ساهلة ماهلة
       هي سمعاتو تايهضر بنبرة تهديدية وهي تزمط ورجعات بلاصتها بقاو شحال عااد وصلو للمقر ديالهوم كان كبيييير وجا هي فلخلا وعلا برا كاينين وحدين صحااااحين بالمكحلات ديالهوم حلو ليهوم الباب ودخلو باللوطو تالداخل
جنة:مييمتي نغوت تانشبع والله لا سمعني شي حد
حسام:ماتخافيش الصديقة
         نزلو من اللوطو ونزلات جنة داروها وسطهوم وتمو داخلين منينما دازو يديرو ليهوم التحية تادخلو للداخل واحد البلاصة كبييييرة بحال شي بهو أكبر فيه الزعييم راجل كبير فالخمسينات ومعاه شي جوج رجال اوخرين كان هاز السيكار هي شاف اشرف وهو ينوض
الزعيم:اووو جيتي واخييرااا شكون هاد الدري
اشرف(جلس فوق الكاناپي):ماشي دري هاديك البنت لي تابعاها المافيا الاطالية حيدي الكاسكيط
        تنهدات جنة وحيدات الكاسكيط وقادات شعرها وشافت فاازعيم شوفة حارة تاعت اماح رانؤ ماخايفاش وهي البولة باتنزل ليها
الزعيم:كييفاااش مدخلها لهنااا ايتصحابهوم واش حنا لي محرشينها
اشرف:ومن بعد اصلا التعامل مع هاد المافيا مازينش دخلو تالڤيلا ديالي
الزعيم:هوما حالفيين تايقتلوها ونتي اش دخلك فهادشي
جنة(بصرامة):انا درت الواجب ديالي لي تانعرف
الزعيم:عليها جبدتي علينا النحل
جنة:ولي بغا العسل يصبر لقريس النحل
الزعيم:وضااسرة مع راسك هااا
جنة:كتر ماكاتصور
الزعيم:واقيلة لاماخايفاش الغزالة راه معاك الزعيم شخصيا تانقتل بدم بااارد
      بقات جنة تاتشوف فيه جنة وشافت فاشرف لي وراه مكسل فوق الكاناپي حرك راسو بلا خفيفة وتاهي فهمات انها ماخاصهاش تجاحد معاه
جنة:جيتيني كبر مني وصافي
الزعيم:اشرف فراسك بلي المافيا يقدرو يقتلو عائلتها
جنة:كيييفااااش
اشرف:وفرت ليهوم الحماية الكااملة والفلوس كذلك عطيتهوم لواليديها باش مايحسو بوالو
الزعيم:مافهمتش علاش نتا تاتعتق هاد البنت
اشرف(وقف بملل ومشا قدامهوم):ببساطة ماعزيزش عليا شي حد يقيس ليا حاجتي ودابا بلا قوة الهضرة هي غاتبقا معايا فينما غانمشي غاتمشي معايا فهمتي تانهار نفكو هاد.الحريرة مع هاد المافيا فهمتي
الزعيم:اهاااا راه بهاد.القرار ديالك غاتخرج علينا وغادمرنا
اشرف:انا عارف اش كاندير وهادشي لصالحي اصلا فنهاية المطاف هي صحفية منها مرافقاني فالمناسبات ومنها حامية راسها
الزعيم:واخا هاحناا غانشوفووو
اشرف:ودابا سمح ليا انا خارج
         جر جنة من يديها وخرج وبقا حسام تماك مع الزعيم
الزعيم:ايااااي بقا لينا غا بنت لي تلاهيه علينا
حسام:هو راه عارف اش كايدير وزيادة انا معاه فالڤيلا
       اشرف خرج على برا مع جنة ودخلها للوطو وركب وديمارا هي بقات ساكتة ولكن لي فيها مامهنيها
جنة:دابا نتا هادشي دايرو لمصلاحتك
اشرف(مركز ما الطريق):ولمصلاحتك حامي ليك واليديك وحاميك تانتي
جنة:ونتا باش انا نغطي عالجرائم ديالك و تاواحد مايحس بشي حاجة
اشرف:انا ماتانخاف من تاحد الغزالة فهمتي هي هو منين جاتني الفرصة مانفلتهاااش
      شوية سمعو باااااق باااق كانت موراهوم طوموبيل فيها وحدين تايضربو بالقرطااس
اشرف:هاحنا بدينا تاني واش عندك نتي مغناطيس المافيا
جنة:تاني تفووووو
      اشرف جبد جوج تاع الاسلحة ديالو وعمرهوم بالقرطاس
اشرف:اجي لهادجيه شدي الڤولون وصوكي بيا
جنة:اويلييي واش بغيتيني نصفيها ليك وليا
اشرف:صفيتيها ليا شحال هادا
       خرج راسو من الشرجم تايضرب بالقرطاس ديك اللوطو لي وراه بينما جنة شدات الفولون وتاتسوك بيه
اشرف:سييريي نييشااان
جنة:واخ واااخ
         بقا تايتيري فيهوم وهرس ليهوم الجاج وواحد ضرب الرصاصة فالزاج لوراني ديال لوطو تاع اشرف جنة(بصراخ):ااااا اويلييي ميمتي ليوم لخرة لينا
اشرف:جنة دوري اللوطو بزربة
جنة:راه غاتقلب بينا ونتفركعو
اشرف:جنننة دااباااا
      شدات الفولون مزيان وحيدات الكاسكيط وزيرات عالطرح السيد تايعتقها وهي خوافة
جنة:هي داباااا
      السيدة اصلا عندها الپيرمي جاب ليها الله فاش تلعب وهي تدوور بواحد السرعة جنوونية تا علاين تقلب بيهوم
اشرف:قلت ليك دوري ماشي قلبينا
جنة:سكت وخليني نفد مهمتي
اشرف:ولفتي دغياا
        شوية وهوما غاديين تم دايز واحد بالموتور وهو يتيري بالقرطاسة جات لاشرف فكرشو وهرب كسيرااا
جنة:اشرااااااااف
           هربو هادو ب الطوموبيل ولاخور مول الموطور هرب اشرف دخل من الشرجم وهو شاد فبلاصة الظربة جنة حبسات بيه اللوطو وشدات فيه كلساتو فبلاصتها وهي مخلووعة
جنة:اشراااف حل عينيك عافاااك حل عيينيييك نااري ظربووووه لالالالالا اشرف عافاك حل عينيك
اشرف:ماتخافيش انا بيخير
جنة:مابيخير ماواالو خاصني نعتقك كيفاش غاندير
        حيدات تجيكيتها وكانت لابسة تيشورت حيداتو وبقات بدو بياس وشركاتو ولواتو على بلاصة الضربة
جنة:حط هادا هنا شد فيه مزيااان صافي
       بقات هاكا وديمارات لوطووو ومشات فالطريق منين جااات ...يتبع
################################
البناااات هاهوااا باارت تاع جنة واشرف كيجاكوم الاحذاااث وداكشي هههههههه تعليقاتكووم الساطات تاتشجعني خصوصا اية وامينة ومروة