حبيبه

#حبيبه 🦋 35

عمي صالح ،، رن على بابا قالها له وصكر
ورن على وليد
عمي ،، ها وليد انت وين
وليد ،، فالبلاد قاعد
عمي ،، اين بلاد حتى نتيجة اختك وبنت عمك طلعت وانت ما تندري عليهن
وليد ،، هيا تو ا نشوفها لهن
عمي ،، لا حوله ولا قوة إلا بالله
البنات نجحن يااخ وافطن لروحك
وليد ،، ازلط من كلمة باته ، هيا اني جايكم
عمي ،، نحن في حوش عمك ، وانت خليك عند خالتلك
كان عمي يحكي ويمسح في وجه
وكل لي قاعدين ايبحتو فيه
ويه ،، عرفت ان وليد عند نسمه ومبتش اتبين انها مضايقه عشان خاطر عمي ومراته والبنات
اعميمه فايزه ،، شن قالك يا حاج
عمي ،، تو ايجي
اعميمه ،، يا وصال صبي امياه لباتك
صافي ،، نا ماشي ماتبو شي
اعميمه سليمه ،، أسأل سلمى بلكي ناقصها حاجه
سلمى ،، تسلمي يااعميمه سلامتكم بس
طلع صافي وهو مبتسم لانه عجباته سلمى وهدوئها
عمي كان قاعد فالصاله هو وصافي ومعتز وحوده
اول ما صافي طلع معتز طلع امعه
وجاء من عند باب المطبخ لي فالصور وتما ايدق بشويش
نا ،، فتحت وهو كرني لصور معه ويمشي بيا وجينا وراء الحوش
من دون ما يتكلم حضني
معتز ،، رايفت عليكي يا بشتي
نا ،، ونا أكثر ياعمري
معتز ،، اسبوع لي ماشفتكش فيه مكنتش عايش
نا ،، نجك لي حبيبي
معتز ،، مبروك حبيبتي فرحتلك وفخور بيكي
نا ،، فرحتي متكملش إلا بيك وبقربك مني
معتز ،، #حبيبه
نا ،، نعم
معتز ،، نحبك
بكره نبي نطلع مع سلمى مني
معتز ،، وين
نا ،، تبي تشوف البيوتي سنتر لي حجزلها في صافي وتقريبآ تبي تنسق معاهم موعد جلسات او حاجه كيف هك
معتز ،، ردي بالك اتديري حاجه لبشرتك نبيها هك صافيه
وحط يدا على خدي وقعد ايحرك في صبعه عليه وناعمه كيف البيبي
نا ،، كنت منحرجه نبحت فيه من هدوئه ونبرت صوت لي تقتل
نا ،، رفعت يدي ومسكت يدا
معتز ،، تعرفي حتى ايديكي جذابات
نا ،، نعرف أكثر شي نحبه فيا ايديا
معتز ،، ياواثق انت
نا ،، والله جد
معتز ،، انقولك نا شن أكثر شي انحبه فيكي
نا ،، قول
معتز ،، اعيونك وشفايفك وعض على فمه ونعومتك اشعرك وايديكي واناقتك السمبل بس تطلع عليكي واو ، حاليآ الحاجات هذين
نا ،، ليش بعدين حيتغيرن
معتز ،، اكيد لانه في حاجات 🔥 لاقدام
نا ،، سخيف
معتز ، ههههههه تعالي يا عصبيه
نا ،، منبش
معتز ،، باهي
نا ،، رفعت يدي بمعني خطاني ( اكيد انت عارفتها الحركه هذي)
معتز ،، تو انوريك عليها الحركه هذي
نا ،، هههههه وخشيت للمطبخ لقيت البنات فيه
كنك شن في
وصال ،، وين كنتي
نا بصوت واطي ،، مع معتز
كنكن قاعدات هنا
ويه ،، ماما تبي لعداله
نا ،، اها باهي
سلمى ،، كنك يا بيبا
نا ،، شي
خششن لعداله لماما
ومني حطت العشاء ع النار
دارت كسكسو عشان عمي صالح ايحبه
نا ،، بالتقليه يامني
مني ،، اها
نا ،، مزلتي مذكره
مني ،، حتى بابا ايحبه هك غير بابا للازم من عصبان امعه
سبحان الله يوسف كل ما ايجيبلي كسكسو ايجيب معه مصارين ولا دواره
نا ،، سبحان الله اسم اب على البطاقه الشخصيه
المفروض هو لي قاعد معايا توا فنجاحي وفرحانلي
مفروض خو لي ايجيبلي الحلو ويوزعه ع الشارع كله كيف البنات قعدت نبكي
حضنتني مني وبكت معايا
اعميمه نجاة ،، نعلي كنكن بسم لله
وفكتني من مني لاني نا لي كنت نبكي بصوت وفقداته لاني نا لي معشتش امعه ومفرحليش ولا مره
مني ،، كنا نحكو على بابا وشن ايحب
اعميمه ،، باتكن ايحبكن وعمره ما نساكم هو صاح اجوز لكن والله عقله ديما عندكن
خلاص سلم بنتي اسكتي ومتخربيش فرحتك
ويه ،، كنك يا بيبا
اعميمه ،، شكله كنتي دلوعه واجد
ولا مش سادين نحن لي جيناكي
نا ،، لا والله مش هك
اعميمه ،، باهي شن لي بكاكي
نا ،، مني كانت تحكيلي عليه ونا تمنيته يكون معايا
اعميمه ،، هو حتى كان مش هنا لكن اكيد افرحلك
نا ،، هزيت براسي
اعميمه ،، ردت احضنتني اخرى
مني ،، هيا يا ويه قشري البطاطا مفرومها جاهز
ويه ،، نجوى سريعه فيها تو انكلمها هي اتقصص
اعميمه ،، في حاجه نساعدكن فيها
مني ،، لا متعبيش روحك انتي قريب انكملو
اعميمه ،، وكان متعبت لكنتي وبنت خوي لمن نتعب
مني ،، انعنك ما تغيبي يااعميمه
اعميمه ،، طلعت افلوس من تزدنها ومدتهن لي هذين حاجه بسيطه لنجاحك
نا ،، ابتسمت وانحرجت فنفس الوقت خير واجد لي جبتوهن
اعميمه ،، هذين مش قدرك لكن جت ع السريع
ونعوضك بهديه اسمح ان شاء الله
نا فعقلي ،،( خير واجد جبتيلي معتز يكفيني عن كل الهدايا )
اعميمه ،، امسكي عاد
نا ،، مديت يدي خديتهن وبستها ربي يخليكي لي
اعميمه ،، سلمك
طلعت اعميمه
وصال ،، كم عطتك
نا ،، هاكي احسبيهن
وصال ،، 200
مني ،، ربي يخليها لنا
خشت دانه علينا
كم عطتك اعميمه نجاة
وصال ،، قولي انتي قبل
دانه ،، 200
نا ،، كيفك
ايمان ،، قلتها لها مصدقتش
نجوى ،، احسن حاجه دارتها اعميمه جو اعدلو عشان محد يزعل
ايمان ،، ماما تحبكن كلكن
مني ،، وكنتها تو تقعد بالزايد
كملت نجوى البطاطا
وصال كانت تقلي
وجهزت ويه سلطة جزر 😘وسلطه خص
نا ،، كملي جميلك يا ويه وديريلنا امصير
ويه ،، باهي وج.....
ماكملتش ويه كلمتها وكلنا سكتنا لن اسمعن صوت
ورانا