حبيبه

#حبيبه 🦋 19

كنت مع ويه في دارنا بعد خشت سلمى
ويه ،، سومه كنك شن في
نا ،، قمعزت انبحت في سلمى
سلمى ،، حي عليا حي
نا ،، تعالي هنا ، وكريتها من عند يدها تعالي قمعزي وصبيت انجيبلها في امياه لانها كانت ترجف
ويه ،، احكي كنك شن صاير معاكي
نا ،، خشيت مديتلها لمياه وقتلها سمي بالله واشربي
خدت مني الكبايه وكانن ايديها يرجفن لعند المياه اتبزع منها حطيت يدي على يدها وقربتها من فمها عشان تشرب
سلمى ،، كانت متعلقه بابا واجد هي أكثر وحده كانت اقريبه منه ولما بابا اجوز كانت هي في أولى او ثانيه ثانوي تقرأ مرضت وجتها حراره وماما تمت تعاني فيها والرجفه لي اتجيها قالو لماما من الزعل او الخوف وناس واحده اتصيرلهم ومع مرور الوقت تحسنت سومه وتمت انجيها خفيفه بعد تزعل

ماما ،، يا بنات تعالن تغدن
ويه ،، بحتت فيا ، كانت خايفه ماما اتشوف حاله سلمى
نا ، ، صبي انتغدو معهم ونقوللها سلمى قالت نبي انتغداء مع ايمان بعد اتجي
ويه ،، هيا باهي
نا ،، طلعت لبسه ل سلمى عشان اتخش للحمام وتغيير
وعديت شور ماما ومحمد وحوده
ويه ،، سومه هيا صبي
سلمى ،، خدت دبشها وعدت شور الحمام

محمد تغدا وخش لداره ،
كملنا المطبخ نا و ويه وبخرنا الحوش وكان الجو برا ايهبل خشينا على سلمى لقينها راقده

صافي ،، روح للحوش اقريب من العصر ورقى لداره طول
معتز كان في فيلتهم بعد سمع صوت سيارة صافي برا طلع عشان ايشوفه ملاقهش عدا شوره
معتز ،، وين صافي يا نجوى
نجوى ،، خش لداره طول
معتز ،، تمام نبي انشوفه
نجوى ،، خش عليه مافي حد ، بابا وماما اطلعو ايعزو
معتز ، امنوره ، عدا معتز شوره ودق ع دار صافي لي بعد ماردش فتح ملقهش، مشى شور الروشن بتاع الدار افتحه وصبا ايبحت فالجنان والجو لي كان هادي
صافي طالع من الحمام يمسح في راسه لقى معتز عندا فالدار ، امتي جيت
معتز ،، وانت اتدوش ، كنك طولت ما روحت وشن الشغل لي داسه عليا ، احكي شن صاير امعاك
صافي ،، راسي امصدع شن رايك نشربو قهوه قبل
معتز ،، تمام هيا نطلعو برا واحكيلي شن في
نزل صافي ومعتز ونجوى كانت اتفرج ع التفلزيون ابروحه
صافي ،، جيجي باللهي ديريلنا قهوه
نجوى ،، هيا انت وعزو بس
صافي، ، اها ، تلقينا برا فالجنان
معتز ،، احكي شن صاير
صافي ،، كلب حشاك وربيته
معتز ،، من يا ت🚫 لي ضربته قول
صافي ،، علي ولد عمك مسعود
معتز ،، وين تلاقيت امعه
صافي ،، بعد شلت العامل للعياده ، شفت سلمى
معتز ،، اووووو
صافي ،، ضحك وحكى كل القصه لمعتز وشن دار في علي
معتز ،، يستاهل الكلب عشان مره اخرى معش يجرا ايعودها ، اها قصدك بعد طلعت من العياده لحقته باهي وسلمى شن درت معها
صافي ،، اماله تبيني نسكتله، ياراجل كانت ترجف من الخوف ولي تقهر انسيت نا خد رقمها ص ومعرفتش كيف نصرف انفكر نمشي لحوشهم ع المغرب
معتز ،، مبش ايقوله عندي رقمها وقال نمشو مع بعضنا
صافي ،، وانت عليش ماشي معايا شن تبي
معتز ،، انامنلك الوضع
صافي ،، اهههها ، لانقني صدقتك يعني مش عشان حاجه اخرى
معتز ،، راسك هضا مليان سوس
صافي ،، راسي لي مليان سوس ولله انت لي تستغل في الفرص عشان اتشوفها
معتز ،، انشوف من ، نا موضوع البنات هضا طلعت من راسي
صافي ،، من راسك اوكي ، بس بيبا قاعده فقلبك من قبل ما يصير اي موضوع ومهربتش من هنا إلا لانها فقلبك وبعدين بيبا مش كيف اي بنت انت عرفتها