صراخ شديد بالغرفه تهرع نجلا للداخل تجدة يصرخ وينادى عليها
كريم: نجلا نجلا متسبنيش متسبنيش
تهرع له وتدفنه بحضنها وهى تربط على ظهرة محاوله تهدئته
نجلا: ششش انا معاك ياحبيبى مش هسيبك انا جنبك
يرفع وجهه من حضنها ينظر لها وعيونه يغلبها النعاس وهو يردد
كريم: متسبنيش متسبنيش
يغمض عينيه تعدل من وضع نومه تقبل جبينه والدموع تنهال كشلال من عيونها الخضراء شهقات وتنهدات يفتح باب الغرفه لتسمع همس
امجد: نام يا نجلا
تنظر له نجلا نظرة ضائعه لتومئ براسها
امجد: انا هروح اجيب شويه حاجات وهديل برة
نجلا وهى ممسكه بيد كريم
نجلا: اوكى
يتركها غارقه بافكارها لتعود لما حدث صباحا
كانا مازلا بالفيلا بعد ان قضيا ليله عصيبه
بعد ان تجهزا وقف امامها
كريم: جاهزة
بعيون زائغه وقلب متألم
نجلا: جاهزة بس احنا رايحين فين
بحزم وحدة
كريم: لما نوصل هتعرفى يلا
يخرجا من الفيلا وكان الجميع نائما ما عدا امجد الذى ذهب الى خطيبته ركبا السيارة وبداء يقود فى صمت تام مدة كبيرة حتى انتبهت لوقوفهم امام فيلا فى منطقه اخرى ليبداء فى اطلاق بوق السياره ليهرع رجل متوسط العمر
هبد الكريم: يا اهلا وسهلا يا بشمهندس نورت فيلتك
يبتسم كريم قليلا
كريم: الله يخليك يا عم عبدالكريم عامل ايه والولاد كويسين
عبد الكريم: كويسين بحسك
كريم: ربنا يخليهم لك يا راجل يا طيب
عبدالكريم: ثوانى وهفتح الباب
ثوانى وتم فتح البوابه تحت دهشه نجلا ليدخل بالسيارة ويقف امام فيلا جميله التصميم تترجل من السياره وهى تنظر بدهشه وصدمه عقدت لسانها والجمت تفكيرها تنظر لكريم الذى يفهم ما يدور برأسها يومئ لها للدخول يفتح الباب ويدخل وتدخل ورائه تتأمل المكان وعينيها مفتوحه وفمها منفرج قليلا وعينيها تدرس المكان بدهشه ليقطع دهشتها صوت كريم
كريم: طبعا انتى عرفتى انتى فين
نجلا: مش دى
وتجلس على المقعد ليجلس كريم امامها
كريم: هى دى
تعيد رأسها الى الوراء وتغمض عينيها لتتلألأ صورة من الماضى امامها
فلاش باك
كانت تجلس بمكانهما وكانت انتهت من ثانيه ثانوى وتنتظر الدخول الى الصف الثالث بيدها مجله تنظر لها بتمعن واعجاب شديد كانت غائبه شاردة بما فى يدها حتى وجدت من يقبلها على وجنتيها تنتفض لتجدة امامها بابتسامته الواسعه
كريم: نوجتى انا بنادى عليكى سرحانه فى ايه يا قلبي
نجلا: كريم جيت امتى
كريم وهو يمسك يدها
كريم: لسه واصل وحشتينى
نجلا بابتسامتها الصافيه
نجلا: وانت كمان
كريم: مش باين
نجلا: ليه بتقول كدة
كريم: علشان لما دخلت لقيتك سرحانه كنتى سرحانه فى ايه يا حبى
تمسك نجلا المجله بيدها وتفتحها لتريها للجالس بجانبها
نجلا: بص يا كريم شايف الفيلا دى
ينظر كريم
كريم: ورينى كدة الله حلوة قوى يا نوجتى
نجلا: عجبتك
كريم: قوى وخصوصا الحيطه الازاز الى على الجنينه والبسين حلو قوى
نجلا: وانا كمان عجبتنى قوى
كريم: وده اللي خلاكي سرحانه
نجلاء: لا يا كريم انا كنت سرحانه في حاجه تانيه
ليهمس بحب شديد
كريم: حاجه ايه
نجلا: كنت سرحانه فيك
كريم: مش فاهم
نجلا: كنت سرحانه يا حبيبي وانا بتخيل واحنا مع بعض في الفيلا شايف المطبخ ده كنت بتخيل وانا واقفه و بعمل لك الاكل بأيدي ولا البسين ده واحنا بنعوم فيه والليفنج روم دي واحنا قاعدين بنتفرج مع بعض على التليفزيون
كريم: متخيلتيش يا حبيبتي و احنا في اوضه النوم مع بعض
نجلا: كريم عيب
كريم: عيب ايه بس يا حبيبتي نجلا انا باحلم باليوم ده يوم ما تبقى مراتي
نجلا: وبعدين معاك يا كريم مش قلتلك تبطل الكلام دى
كريم: ابطل ليه يا حبيبتي انت خلاص كبرتى و كلها سنه واحده بس و تبقى مراتي
نجلا: لما ابقى مراتك ابقي قول لي الكلام ده وبعدين انا بتكسف يا كريم
كريم: حد يتكسف من روحه من نفسه انتى يا نجلا روحي ونفسي
نجلا: بتحبيني يا كريم
كريم: ياه يا نجلا كلمه حب دي ما توصفش اللي جوايا انتى يا نجلا بقيتي روحي اللي ما اقدرش اعيش من غيرها
نجلا: بس يا كريم انا لسه صغيره ده انا لسه هاكمل ١٦ سنه استنى شويه اكون كبرت اكتر
كريم: لو قلت لك ان عمري هما ال ١٦ سنه دول بس و السبع سنين اللي قبلك مالهمش وجود في حياتي انا عمري ابتدا يوم ما اتولدتى وشلتك بايدي وشافتك عيني
نجلا: ياه يا كريم كل ده انا بحبك قوي
كريم: قد ايه
نجلا:قد الحروف اللى فى اسامى العاشقين بحبك قد الثوانى والدقايق والسنين بحبك
يقترب ليطبع قبلات رقيقه على وجنتيها عكس النيران التى بداخله وهو يهمس لها
كريم: وانا بعشقك
باك
تفتح عينيها ببطء والدموع تلمع فيها يتنهد بحرقه ويقول
كريم: اخذت المجله ولما رجعت القاهره بدات ادور على ارض تنفع ابني عليها الفيلا ولقيتها بدأت ابنيها وخليت امجد يكمل الديكور بتاعها علشان تكون زي ماتمنيتي
يأخذ نفسه بصعوبه
كريم: وبعد الى حصل بقى كل ما يغلبنى شوقى ليكى اجى هنا افتكر كل كلمه قولتيها واتخيلك وانتى معايا
كانت نظرات العشق تفضح عينيه اكثر من كلماته ينهض ويمسك يدها ينهضها ويقربها منه ويلعب بخصلات شعرها
كريم: اوعى تفتكرى من يوم الى حصل وانا سبتك بجد انتى كنتى قدام عينى طول الوقت فى الجامعه فى البلد حتى فى لندن تعالى
يمسك يدها ويأخذها الى غرفه مغلقه تدخلها تجد صورها تملاء حوائط الغرفه
نجلا: ايه دى
كريم: صورك فى كل لحظه قضتيها بعيد عنى
يقترب ويقف خلفها يهمس فى اذنها
كريم: مجنون ايوة يا نجلا مجنون بس بيكى انتى انتى لعنتى ونعمتى فى نفس الوقت مقدرتش اتخلص من حبك مقدرتش ابعد عنك بعشقك ومتمنتش غير انك تكونى ليا من يوم ما تولدى
تلتفت نجلا له ومازالت الدموع تتساقط من عينيها
نجلا: ولما انت بتحبنى قوى كدة يوم ما المفروض كنت تطلب تتجوزنى طلبت نهله ليه
كريم: كنت غبى
حاول الابتعاد لكنها امسكته من يدة
نجلا: المرة دى مش هسيبك الا لما تقولى الحقيقه ليه طلبت نهله وانت مش بتحبها
كريم بكل غضب وحدة
كريم: انتى السبب
نجلا: انا السبب فى ايه
كريم: عقلى ضاع منى اول ما شفتك فى حضن معتز غيرتى عليكى جننتى ساعتها كنت عاوز ألمك زى ما المتينى اوجعك زى ما وجعتيني مقدرتش ساعتها انك صغيرة والتمس ليكى العذر زى ما بعمل علطول المرة دى غضبى اتحكم فيا
كانت تستمع له وهى تائه لا تعلم عما يتحدث
نجلا: انا ومعتز فى حضن بعض امتى وفين
كريم: اليوم الى اتفقنا انى اطلبك فيه يوميها نهله قالت لى انك بتحبى معتز ووعدتيه تتجوزيه بس بعد ما تخلصى منى وترفضينى قدام الكل علشان تكسرى حفيد الغنام الى شايف نفسه حتى على ابوكى وادتنى امارة انكم هتتقابلوا فى تكعيبه العنب ورحت فى الميعاد وشفتك بعنيا وانتى فى حضنه
نجلا: انت الى شفتنى ولا انا الى شفتك وانت فى حضنها فى التكعيبه لما معتز قال لى انك بتحبها وانك مغصوب على جوازى علشان جدى وكل الحب الى عيشتنى فيه كدب وان نهله هتجبرك انك تطلبها بدالى يا اما هتسيبك وانها مش هترضى بعد كدة انها تبقى نمرة اتنين
كريم: محصلش انا عمرى ما حبيت نهله ولا شفتها غير انها بنت خالتى و بس
نجلا: وانا عمرى ما عرفت ولا حبيت غيرك
كريم: بس انا شفتك بأمارة التيشرت
نجلا: لا انا الى شفتك بالتيشرت
يقف كريم مفكرا قليلا يلهث يعاد المشهد فى رأسه ليقول فجاءة
كريم: انتى شفتى وشى
نجلا: لا
كريم: امال عرفتينى ازاى
نجلا: من التيشرت الى اشترناه مع بعض وكل واحد كتب اسم التانى مع كلمه بحبك
صدمات وصدمات تتوالى على رأسه لم يتحمل ما حدث هل افترق عنها لمدة ٧ سنين من اجل كذبه وهم تم زرعه فى رأسه نعم فهو لم يراها بل عرفها هو ايضا من التيشرت المكتوب عليه اسمه يا الله ٧ سنين الم وحزن وقهر وفراق وعذاب من اجل كذبه كانت تتابعه بنظراته لتجد شياطين الغضب تتراقص بعينيه ليبداء بتكسير كل ما تطوله يدة تنزف يدة ولا يشعر غير بحرقه والم وغضب شديد ضرب رأسه بالحائط لعل الالم ينتهى حتى اغشى عليه امام عينيها وهى تصرخ وتصيح
نجلا: كريم كريم كريم
🌺🌺🌺🌺🌺🌺🌺🌺
يلا اهو بدأت الحقيقه تظهر يا حلوين يلا تعليقاتكم والفوت وكمان ياريت تشتركوا فى الجروب بتاعى
أنت تقرأ
وصيه الحفيد
Randomالحب كالزهرة النادرة تحتاج إلى المياة ترويها لتزيدها رونقا وجمالا والكرة نارا تحرق قانيها وتجعلنا شياطين بعد أن كنا ملاكا بين الحب والكرة شعرة فلا تخطيها ايها الانسان
