My Perfect Husband【 Completed 】

Episode 14

* Unicode *
My Perfect Husband

  // အစ်ကို ဒီညတွေ့ကြရအောင် ကျွန်တော် ပြောစရာလေးရှိလို့ အရင်တစ်ခါကသွားတဲ့
Adela Baileyဆိုင်မှာ ဒီည ခြောက်နာရီလောက်တွေ့ကြရအောင်အစ်ကို အဆင်ပြေရင် ကျွန်တော့်ကိုအကြောင်းပြန်ပေး အစ်ကို //

ဝင်လာတဲ့မက်ဆေ့ခ်ျကို ဆော့ဂျင်မျက်နှာသေနဲ့ကြည့်လိုက်သည်။ ထို့နောက် စားပွဲပေါ် ချထားတဲ့ဖိုင်တွဲကို တချက်စောင်းငဲ့ကြည့်လိုက်သည်။

" ဒီည မင်း ကိုယ့်ကို တွေ့နိုင်ပါ့မလားပဲ ဂျောင်ကု... ကိုယ်ကတော့ အဆင်ပြေပေမဲ့ မင်း တွေ့နိုင်ပါ့မလား ဂျောင်ကု "

ဆော့ဂျင်ရေရွတ်လိုက်ပြီး  ဂျောင်ကုကို စာပြန်ပို့‌လိုက်သည်။

// ကောင်းပြီလေ ဂျောင်ကု //

" စီအီးအိုကင် အစည်းအဝေး သွားဖို့အချိန်ရောက်ပြီ "

အတွင်းရေးမှူးရဲ့အသံအဆုံး ဖုန်းပိတ်ကာ သူအံဆွဲထဲထည့်လိုက်သည်။ထို့နောက် လက်လွှဲယူရမဲ့ သူ့လက်မှတ်ပါ စာရွက်စာတမ်းဖိုင်တွဲကိုကောက်ယူလိုက်သည်။ သူ အခုသွားရမှာက ကင်အုပ်စုရဲ့ရှယ်ယာရှင်များအစည်းအဝေး။
ကင်အုပ်စုရဲ့ ရှယ်ယာအပြောင်းအလဲကို ကြေညာပြီး သူဟာ နောက်တက်မယ့် ကင်အုပ်စုရဲ့စီအီးအိုဆိုတဲ့အကြောင်းကိုပါတခါတည်းကြေညာမဲ့အစည်းအဝေး။

အဖေဖြစ်သူနဲ့ ဆူဂျင်းကို အားနာပေမဲ့ ဆူဂျင်းအမေကြောင့် ကင်အုပ်စုပြိုလဲ သွားမှာမမြင်ချင်။ သင်ခန်းစာပေးတဲ့အနေနဲ့ရော ဂျောင်ကုနဲ့ဆူဂျင်း‌ရှေ့ရေးအတွက်ပါ စဉ်းစားပေးပြီး သူနဲ့အင်ယွန်းပေါင်းကာ ကင်အုပ်စုရဲ့ရှယ်ယာတွေကို ဝယ်ယူခဲ့တာဖြစ်သည်။ အင်ယွန်းကတော့ နာမည်မခံပေမဲ့ အစအဆုံး သူနဲ့အတူတူလုပ်ဆောင်ခဲ့သည်။ အဲ့တာအပြင် သူ မထင်မှတ်ထားတဲ့ဒေါ်လေးဖြစ်သူ ကင်ဆိုးဂျင်ကလဲ ဆူဂျင်းအမေကိုမကျေနပ်တာကြောင့် သူ့ဆီရှယ်ယာတွေပြန်ရောင်းပြီး BigHitမှာရင်းနှီးမြုပ်နှံခဲ့သည်။  အဲ့ဒီ့အတွက် ကင်မိသားတစ်စုလုံး ကုန်းကောက်စရာမရှိတော့မဲ့အခြေအနေက မိနစ်ပိုင်းလေးသာ လိုတော့သည်။