يَ روحي و رآحتي و يا مأمني و صمتي 🖤∞
تصويت جورياتي❤
___________________
رزان..دخلت للجامعه اني ومنار وابوها حتى نسجل اباوع على البنات ضليت صافنه شنو هل لبس شنو هل مكياج تكول حفله مو تسجيل جامعه
راح عمو ابو منار جابلنه الاستمارات وحده الي وحده لمنار حتى نمليهن بالمعلومات المطلوبه خلصنه واخذهن ابو منار وداهن لأبو التسجيل قسمنه اني ومنار هو علوم حياة
امشي واباوع على لبس البنات حسيت نفسي يمهن رجال مو بنيه
اباوع لروحي شايله شعري ذيل حصان ولابسه بنطرون عادي شويه عريض عليه ومحكوك لان قديم وبلوز ردن طويل ساده لونه رصاصي و ولاقطرة مكياج بوجهي
رزان بهمس..اكلج منار هاي شنو هذني جايات يسجلن لو معزومات عرس
منار دغتها ببطنها..ولج نصي صوتج ليسمعنج يسون مشكله
رزان..يا وعلساس اني خايفه منهن والله يالله كل وحده منهن خاله كيلو مكياج على وجوهن بس احنه شوفينه جمال رباني من الله
منار..هههههه طبعا اصلا منو يلحكنه بجمالنه
رزان..لعد شعبالج يله استعجلي ورايه شغل هسه ابو المحل يخبلني اذا أتأخر عليه ويروح ينقص من الفلوس وتعرفين انتي محتاجة الفلوس كلش حتى اشتري كم لبسه للجامعه واخلي الباقي اخاف اعتاز للملازم وللبيت هم
منار..يله امشي لعد بسرعه ومن ترحين تشترين ملابس كليلي حتى اروح وياج
رزان..انشالله
رجعنه من الجامعه دخلت للبيت امي طالعه رايحه لشغلها تنظف بالبيوت ونبأ نايمه لان ماعدها شي
دخلت للغرفه بسرعه غيرت ملابسي ودخلت للمطبخ عدنا عدس وشويه تمن نكعتهن حتى اسوي تمن عدس وعدنه روبه ناكل وياهن
بديت اطبخ شويه وكعدت نبأ
نبأ وهيه تتمطى..صباح الخير رورو
رزان..صباح الخير نبو يله تعاي هذا الجاي خل اصبلج اتريكي
نبأ..حبيبتي لتعبين روحج انتي وراج شغل
حجت نبأ بسرعه وهيه جانت ناسيه انو اليوم تسجيل رزان..صدك سولفيلي شصار شسويتي شلونها الجامعه حلوه لا يله سولفي بسرررعه متحمسه
رزان..ههههه يمه يمه شهل اسئلة هسه احجيلج كلشي بس خلي اخلص الطبخ...
.
.
.
.
يتبع
مرحبا جورياتي شلونكم انشالله بخير لتنسون التصويت والمشاركه وتكتبولي رأيكم بالقصه الجديده انشالله تعجبكم النشر حيكون بين يوم ويوم احبكم كلش هواي اشوفكم على خير.
.
.
.
بقلمي الكاتبه حوري❤
YOU ARE READING
القلب وما يفعل((باللهجة العراقية))
Romanceقصة حب بين فتاة فقيره ورجل غني يلتقيان في الجامعه لتجمعهم الصدفه وتذهب والدتها لتكون خادمه في بيت البطل وتبدأ الحكايه من هناك تابعوا القصه🔥🔥 فَي الحُبْ لَدَيَّ جَولَاتٌ كَثِيرةٌ فَتَارَةً أَسْكُنُ عَيْنَيكَ وَتَارَةً أُقَبِلُ يَدَيْكَ وَتَارَةً أ...
