آسفة على التأخير يا آميراتي بس دي ظروف أقوى مني
أدهم : خمس دقائق و فك البشاوات
أنس : تمام يا باشا .
صعد أدهم بسرعه على السلم و دخل أوضة فرح و وجد فرح في حضن مريم و بتبكي بقوى .
أدهم بحزم : فرح
أنتفضت فرح في أحضان مريم .
أدهم بغضب : إيه مسمعتنيش
فرح بسرعة من الخوف : سمعت سمعت نعم نعم .
أدهم : يلا معايا .
فرح : على فين ؟!!
أدهم : شيء ميخصكيش .
مريم وهي بتشدد من أحتضان فرح : أومال يخص مين يا أبية أنت عايز تخدها من هنا من غير ما نعرف علي فين و ناوي على إيه و أنت في الحالة دي .
أدهم : مريم أحسن ليكي إنك متتدخليش في الموضوع ده و متنسيش إنك ضيفه هنا فتسكتي خالص
صقر : أدهم أحفظ لسانك و أنت بتكلم مريم مفهوم .
أدهم : أنا مبقولش حاجة أنا بفهمها وضعها في البيت ده .
صقر : أنت شكلك أتجننت بس أحب أعرفك إن وضع مريم هنا نفس وضع فرح و تالين لإن مريم مراتي و مش هسمح لحد يضيقها حتى لو أنت يا أدهم .
أدهم رغم صدمتة إلا إن رده كان بارد : مش مهم قول لمراتك متتدخلش بيني و بين مراتي .
صقر : أنت أهبل ياض أنا مستحيل أسيب أختي تيجي معاك و أنت في الحالة دي .
أدهم : حالة حالة هو أنتم عايزين تجننوني بص كده من الأخر أنا هاخد فرح و همشي و محدش هيمنعني .
صقر بعصبيه : علي جثيتي يا أدهم .
كاد أدهم أن يتكلم لكن قاطعة صوت فرح الضعيف : كفاية يا صقر أنا هروح مع أدهم و متخافش أدهم لو كان عايز يأذيني كان أذاني من ساعة لما قولتله لما قولتله الحقيقة صقر بصوت ضعيف بسبب الوجع : مش هتروحي معاه يا فرح .
أدهم ببعض القلق علي صقر : صقر أهده علشان جرحك .
صقر : جاي تقولي هتاخد فرح و تروح مش عارف فين و تقولي أهده .
أدهم : و أنت تقلق على فرح معايا يا صقر .
صقر : أوعدني متأذيش أختي يا أدهم .
أدهم : وعد يا صقر وعدتهولك قبل كده وهوعدك تاني ممكن أمشي بقى قبل الهبل دول ميطلعولي هنا
صقر : خدها يا أدهم بس متأخرهاش عليا أنا ما لحقتش أقعد معاها .
أدهم :هحاول باي ثم بوجه عابس يلا يا فرحه .
فرح لنفسها :بيقول يا فرحه يعني لسة زعلان يارب تعفوا عني و تخليه يسمحني يا رب .
أفاقت فرح من شرودها علي يد أدهم يشدها بقوه للأسفل
في الأسفل أنس فك الشباب و مازن أتقلب علي الأريكة : آه يا أني يا أمي هموت دماغي هتنفجر منكم لله موتي على إديكم إن شاء الله يا ولاد المنسي و الراوي .
فارس : أجمد يا دكتور كده دا لسه التقيل جاي .
مازن : أديك قولت دكتور يعني مش بطل كمال أجسام علشان أتحمل كل ده ثم تعالى هنا تقيل إيه إللي جاي هو في حاجة أتقل من إيد أدهم باشا و إللي عمله .
آسر : دا كان بيسخن أدهم هيربينا من أول و جديد .
مازن : لأ يا عم أنا عجبني تربيتي كده متشكرين لخداماته .
سيف : بس أنت و هو
فارس : بس إيه طيب أنتم فيكم إللي خطط و إللي نفذ أنا ذنبي إيه دا أنا حته سافرت شرم علشان أساعدها
تالين : بس يا فارس كلكم غلطتم .
فارس : بس
سيف : بس يا فارس أدهم طلع فوق خايف يعمل حاجة لفرح .
مازن : هو ممكن يضربها ؟!
فارس بشك :بص هو من معرفتي بأدهم ميعملهاش بس هو عصبي جدا النهارده و معرفش ممكن يسيطر على نفسه و لا إيه .
آسر : لأ أدهم مستحيل يعمل كده و بعدين فرح ملهاش ذنب أحنا السبب أحنا أجبرناها تيجي معانا شرم و أحنا إللي أهملناها فحصلت المشكلة دي احنا السبب فرح ملهاش ذنب و أدهم مستحيل يأذيها .
