أنتهاء العرس توجه كل عاشق لمعشوقته ليحملها برقة إلي جناحهم الخاص في القصر
آسر & آية.
*******
آسر : ياااه أخيرا يا يويو دخلتي مملكتي .
ابتسمت له ابتسامه يشوبها القلق فلاحظ هو ذلك
آسر : بصي أدخلى الحمام غيري هدومك و ألبسي إسدال علشان نصلي سوى .
آيه بسعادة : بجد يا آسر هتصلي بيا .
آسر : بجد يا روح آسر يلا .
دخلت آية للحمام بعد أخذ ملابسها في حين بدل آسر ملابسه لبنطال رصاصي قطني مريح و تي شرت من اللون الأزرق الفاتح من نفس الخامة و لتخرج آية بعد دقائق بطلله ملائكية خطفت بها قلب الآسر للمرة المليون .
آسر : إيه الجمال ده متجوز قمر يا جدعان
آيه بخجل : أنا خلصت ممكن. تدخل تتوضى .
آسر : ممكن جدا .
دخل آسر للداخل و خرج بعد مدة قصيرة ليأمها في الصلاة و بعد الإنتهاء جلسا سويا على السجاده .
آسر : هات إيدك
ليمسك بيدها و يبداء بالتسبيح بصوت عالي نسبيا لكي تستطيع سماعه و تردد خلفه بخفوت و سعادة غامرة تجتاحها و بعد الإنتهاء من هذا وضع يديه على رأسها و قرأ دعاء الزواج ليخفق قلبها بسرعة لإقترابه منها و يقوم بلثم شفتيها بشغف و شوق لتبادله هي بخجل و رقة ليحملها بين يديه و يضعها على السرير ليغرقها في بحر عشقه أكثر معلنها زوجته قولا و فعلا .
في غرفة سيف & فريدة
******★******★
صلى سيف بفريدة و بعد الإنتهاء من التسبيح على يديها .
سيف : فري أنا عاوز أتكلم معاكي في شويه حاجات قبل ما نبداء حياتنا علشان نبدأها على نور .
فريدة : و أنا كمان إحنا نعرف بعض من فترة صغيره و في حاجات فيا إنت متعرفهاش .
سيف : تمام أبدءي إنتي .
فريدة : لأ من بعدك
سيف : ماشي يا ستي أنا بس عايز أعرفك إني معظم الوقت بعرف أتحكم في غضبي بس لو حصل أتعصبت جامد يا ريت متحوليش تعندي معايا و أوعي يا فريدة تعالي صوتك عليا و أنا متعصب أوعي تعالي صوتك أساسا أنا أكتر حاجة بكرهه الصوت العالي .
ضحكت فريدة بخفوت ليستغرب سيف : هو في إيه قولته يضحك .
فريدة : أصلا أنا خوافة فلما أنت تتعصب مش هطلع صوت أساسا ثانيا بقى أنا مش غبية علشان أقف في وشك و أعاند و إنت متعصب إنت مش شايف عضلاتك يا ابني ولا إيه .
ليضحك سيف بقوة : ماشي يا ستي دورك بقى إتكلمي .
فريدة : أنا بس كنت عاوزك توعدني إن مهما عملت متمدش إيدك عليا يا سيف أوعى تعمل كده لو حصل إيه ثانيا إن احنا منديش فرصة لحد يوقع بينا فمنخبيش حاجة على بعض غير كده أنا معنديش أي حاجة أقولها .
ليبتسم سيف بحب : يا حبيبتي أنا عمري ما همد إيدي عليكي في مليون طريقة تانيه أعقبك بيهم لو عملت حاجة غلط و كمان أوعدك إني مش هخبي عليكي حاجة بس إنت توعديني إن حتى لو خبيت هتفضلي وثقة فيا .
فريدة : أكيد طبعا .
سيف : طيب بقى نبدأ بسم الله ثم و ضع يده على رأسها ليقول دعاء الزواج و يحملها بين يديه برقة ليذيقها من نعيم عشقة الأبدي و تصبح هي زوجته شرعا و قانونا .
*********★*********
في غرفة أدهم كان الموقف مختلف تمام .
دخلت فرح في هستري ضحك بعد دخولهما إلى الغرفة .
أدهم : إيه يا فرح إنتي أتجننتي ولا إيه
فرح من بين ضحكاتها : هههههههه كنت بتقول ههههههه إيه من يومين ههههههههه هتعمل الفرح دلوقتي ههههههههه يا عيني عليك يا ابني حظك قليل .
أدهم بعدم فهم : هو في إيه يا فرح .
فرح : آهه مش قادره هموت من الضحك
أدهم بتحذير : فرااح .
فرح و هي تحاول السيطرة على نفسها : أمم خلاص خلاص بس إحيات عيالك يا أدهم إنزل قول لدادا تعملي كوبايه قرفة .
نظر لها أدهم بتفحص وقد ادرك ما تقصده : إنت بتهزري صح ؟!؟
فرح : وحياتك عندي ما بهزر .
أدهم : هو دا وقته
أنطلقت ضحكة رنانه من فرح على منظر أدهم : الله بقى هو بمزاجي .
أدهم : بس بقى متنرفزنيش و أدخولي غيري هدومك على ما أغير هدومي و أنزل أشوفلك حاجة تشربيها ما هو يوم فقر أنا عارف .
فرح بشماتة : معلش يا دومي تعيش و تاخد غيرها
ألقى أدهم الوسادة التي بجواره عليها : غوري يا بت
أسرعت فرح بالأختفاء داخل الحمام وهي تضحك .
ليبتسم أدهم بحب و يهمس: المهم إنك بقيتي جانبي مش مهم حاجة تانية .
