وصيه الحفيد

بارت ٤

فى السيارة كانت تستند على شباك السيارة مغمضه عينيها الخضراء الرائعه وكان كريم ينظر لها كل مدة حتى تنهد وبهمس
كريم : على عينى جوعك دى يا قلبى
تبتسم قليلا لانها استمعت له فعلمت أن الطريق ممهد لها اسرع حتى وصل للقاهرة ونزل وأحضر طعاما وعاد وقاد مرة أخرى حتى وصلوا إلى الفيلا فى كومباوند يحاول ايقاظها
كريم : نجلا نجلا اصحى وصلنا
نجلا : بسرعه كدة انا محستش بالطريق
كريم : علشان قضتيه كله نوم
نجلا : عندك حق
يدخلا إلى الفيلا وكريم ينادى
كريم : دادة توحيدة دادة
تخرج سيدة من المطبخ امراءة اربعينيه
توحيدة : حمدا الله على السلامه يا حبايبى الف مبروك يا عرايس
تطلق زغرودة
نجلا : حبيبتى يا دادة وحشتينى
ترتمى فى حضن توحيدة
كريم : دادة خدى الاكل وحطيه بسرعه واعملى حاجه سخنه لنجلا
توحيدة هواء
تدخل توحيدة إلى المطبخ ويمسك كريم يد نجلا ويجلسها على المقعد
كريم : حضرتك بقى تتفضلى تقعدى كدة
تخرج توحيدة ومعها كوب ينسون و صينيه عليها طعام يجلس كريم بجانبها
كريم : اشربى الينسون سخن علشان معدتك
نجلا : كنت عاوزة اخد شور الاول و
كريم : و ايه انتى مش هتقدرى تطلعى السلم دى يلا اشربى
يمسك الكوب بيدة ويحاول أن يشربها
نجلا : طب هات انا اعرف اشرب لوحدى
كريم : اتفضلى
تبداء نجلا فى الشرب و يبداء كريم بأطعام نجلا
نجلا : بعد اذنك يا بشمهندس انا هاكل لوحدى
كريم : نجلا انتى هتقعدى تاكلى نونه نونه دى انا كنت مرعوب لتهبطى ارجوكى كلى
تصمت نجلا ويستمر كريم باطعامها حتى تقول له
نجلا : كفايه يا كريم شبعت
كريم : ماشى علشان معدتك متقلبش عليكى
نجلا : عاوزة اخد شور وانام
كريم : ايه هو انتى بقالك قد ايه منمتيش
نجلا : تعبانه ممكن
كريم : تعالى اوديكى الاوضه
نجلا : خلى دادة توحيدة تيجى معايا علشان الشنط
كريم : اوكى دادة توحيدة
توحيدة : أيوة يا بشمهندس
كريم : طلعى نجلا الأوضه
تصعد توحيدة ومعها نجلا ويجلس كريم شاردا بوجعه الذى أصبح أمامه وبين يديه لم يعلم الوقت الذى شرد به حتى وجد صوتا يقول
صوت : كريم حبيبى وحشتنى بيبى
يفتح كريم عينه على وسعها ينتبه للذى واقفه أمامه وهو يهتف
كريم : مايا
مايا وهى تحاول احتضان كريم
مايا : اخص عليك يا بيبى كدة اسبوع غايب بعيد عنى ايه موحشتكش
كاد يرد ال أنه سمع نجلا تحدثه وهى نازله من على السلم
نجلا : كيمو كيمو
يلتفت كريم باتجاة نجلا وهو فى حاله صعبه
تقترب منه نجلا
نجلا : حبيبى فيه شنطه لسه مطلعتش
تنتبه نجلا إلى مايا
نجلا : اوبس سورى انت عندك ضيوف
تنظر لها مايا بغيظ
مايا : انا ضيفه انا صاحبه مكان انتى بقى مين
نجلا : مش لما اعرف تبقى مين الاول يا صاحبه المكان
مايا وقد شبكت يدها بيد كريم وهو ما زال مندهشا
مايا : مايا منصورى خطيبه كريم
تنظر لها نجلا وهى تضحك فالفتاه لا تتعدى ١٧ عشر عاما صغيرة حقا
مايا : بتضحكى على ايه
نجلا : ابدا اصل ما توقعتش أن كريم يخطب بيبى قدك كدة بصراحه يا كيمو ذوقك بقى وحش قوى
مايا : قصدك ايه
نجلا : أهدى يا أمورة ايه رأيك تحبى اجبلك شوكولاته ولا ايس كريم
مايا : كريم مين دى
كريم ينظر لها ومازال صامتا
نجلا : اعرفك بنفسى يا قطه انا دكتورة نجلا الغنام بنت عم كريم
تبتسم مايا براحه لتكمل نجلا وهى تقترب من كريم
نجلا : ومراته
تصدم مايا تنظر لكريم
مايا : كريم ايه الى بتقوله دى دى مراتك
كريم يظفر
كريم : ايوه مراتى عند حضرتك مانع
مايا : ازاى مراتك وانا
كريم وقد وصل لقمه غضبه
كريم : انتى ايه انتى حته عيله هبله راحه جايه فى كل حته تقولى خطيبتى خطيبتى منين وانا لا خطبتك ولا حاجه وبعدين انا على اخر الزمن اتجوز عيله اتجننت فى مخى
نجلا : براحه يا كيمو دى لسه عيله
يحاول كريم السيطرة على اعصابه
كريم : حبيبتى انا هروح الشغل ساعتين فى ورق همضيه واجى بسرعه اعملى حسابك عازمك على العشاء برة
نجلا : اوكى
ينظر كريم لمايا بغضب وقرف ويتركها
نجلا : يلا يا شاطرة روحى بيتكم لاحسن ماما تدور عليكى
تخرج مايا وهى غاضبه تقف توحيدة بجانب نجلا
توحيدة : صدقتيها
نجلا : لا طبعا ما هو مش هيبص لعيله زى دى مين دى يا دادة وتعرف كريم منين
توحيدة : دى تبقى العمل الاسود فى حياه كريم وامجد وهديل
نجلا : هديل خطيبه امجد
توحيدة : ايوة ما دى تبقى اختها مايا
نجلا : دى مش ممكن هديل عاقله ورزينه لكن دى باين عليها انها ضربه
توحيدة : وانهى ضربه تعرفى أن جوازة امجد وهديل واقفه بسببها
نجلا : ليه
توحيدة : يا اما تتجوز كريم يا مفيش جواز لأختها بت قويه محدش عرف يتنى عليها كلمه عملت مشاكل لكريم كتير ولولا خاطر امجد وهديل كان فرمها
نجلا : ربنا يهدى
توحيدة : يمكن تنهد بعد ما عرفت أن كريم اتجوز
نجلا : تفتكرى انا هطلع يا دادة انام ابقى صحينى لما كريم يجى
تصعد نجلا إلى غرفتها لتنال قسطا من الراحه وفى هذا الاثناء تتصل والدة هديل بأبنتها
الام : هديل الحقينى اختك عاوزة ترمى نفسها من البلكونه تعالى لى بسرعه
تترك هديل كل ما بيدها وتسرع لسيارتها تقودها الى بيتها وهى فيلا بجانب فيلا الغنام بنفس الكومباوند
هديل منصورى فتاه عشرنيه مهندسه ديكور خطيبه امجد الغنام وتعمل معه بيضاء البشرة عيون عسلى شعر بنى هادئه رزينه تحب امجد ولكن مايا اختها تنغص حياتها
مايا منصورى : فتاه فى ١٧ من عمرها فتاه متهورة مجنونه تضغط على والدتها واختها دائما
تصل هديل وتسرع الى غرفه اختها تجدها تقف على سور الشرفه وامها تحاول إقناعها بالنزول
الام : يا بنتى حرام عليكى انا هموت كدة انزلى وكل حاجه تتحل
مايا : بقولك اتجوز اتجوز وسابنى
هديل : مين دى إلى اتجوز
مايا : اهلا بهديل هانم الخاينه طبعا عارفه أنه هيتجوز ومقلتيش ليا علشان ألحقه
هديل : مين دى
مايا : كريم خطيبى
الام : كريم اتجوز اخص عليه وميعزمناش هو احنا مش أهل
هديل : يعزمنا ايه يا ماما دى اتجوز فى بلدهم ولو هو عزم الكل مش هيعزمنا احنا
الام : ليه
هديل بحزن وهى تنظر لأختها
هديل : بتسألى يا ماما ما انتى مش شايفه
مايا : انا استنيتك يا هديل وهموت نفسى قدامك علشان تبقى تشيلى ذنبى علشان خبيتى عليا
هديل : انا معرفتش الا امبارح بس دى حتى جوازة غريبه وعرفت انها علشان الورث
مايا : يعنى مبيحبهاش
هديل : وانا اعرف منين
مايا : تمام قوى كدة انا اطمنت خفت لا يكون بيحبها
تنزل من على سور الشرفه وتهندم ملابسها
مايا : ماما انا هروح لسلمى هتغدى معاها بأى بقى
تخرج من أمامهما وكانت الدهشه والصدمه على وجه هديل
هديل : هى دى إلى هتنتحر دى إلى اتصلتى بيا علشانها حرام بجد حرام
تجلس على المقعد وتبكى بكاء مراً وتجلس بجانبها والدتها تربت عليها وتمسح على شعرها
الام : حقك عليا يا بنتى اعمل ايه فى جنانها لقتها جايه من شويه وهى بتزعق ومبهدله الدنيا وطلعت اوضتها وهى تقولى هنتحر هنتحر انا يا بنتى كبرت ومبقتش حمل التعب دى كله
هديل : وامرتها يا ماما فى جنانها دى انا بقى موقفى زى الزفت قدام أهل امجد دى غير جوازنا إلى متوقف بسببها قولى لى اعمل ايه
الام : صغيرة يا هديل بكرة تكبر يا بنتى متنسيش أن ابوكى كان مدلعها قوى ولما مات مكنتش عاوزة احساسها بالخسارة الكبيرة
هديل : وانا الى شايله كل دى
الام : حقك عليا يا حبيبتى دى انتى العاقله الراسيه
كادت ترد هديل لولا اتصال هاتفى لترى شاشه هاتفها مزينه بأسم روح قلبها وعمرها امجد
الام : ردى يا حبيبتى عليه طمنيه عليكى اكيد عرف انك سبتى الشركه
تتركها الام وتأخذ هديل نفسا طويلا وتجيبه برقه وحزن
هديل : الو ازيك يا امجد
امجد : دودو حبيبتى ايه الى حصل خلاكى سبتى الشركه طمنينى
هديل بركاء ودموع غزيرة 
هديل : مايا عرفت أن كريم اتجوز
امجد : وبعدين
هديل : ماما اتصلت بيا قالت لى انها هترمى نفسها من البلكونه جيت جرى طبعا وبعد ما عملت الشو بتاعها راحت لسلمى
امجد : هى مايا عرفت منين أن كريم اتجوز
هديل : معرفش انا جيت لقيتها بالشكل دى
امجد : طب أهدى يا قلبى مش كدة تحبى اجى ليكى
هديل : لا يا حبيبى خليك مع عمو انتوا هتيجوا امتى
امجد :  الاسبوع الى جاى هديل تعالى اقعدى هنا معايا شويه ريحى اعصابك
هديل : وماما يا امجد اعمل ايه معاها ما انت عارف ان الهانم بايعه القضيه دى غير عمو وطنط يقولوا ايه
امجد : ماشى يا حبيبتى براحتك بس اول ما ارجع هحط النقط فوق الحروف
هديل : ازاى يا امجد ما انت عارف
امجد : اطمنى انتى وثقى فيا
هديل : انت عارف ان ثقتى فيك ما لهاش حدود
امجد : بحبك يا دودو بحبك قوى
هديل : وانا كمان يا ميجو
امجد : أيوة كدة وحشتينى قوى
ونتركهم بوصله الحب والغزل بينهما نعود لكريم الذى عاد من عمله
كريم : دادة توحيدة
توحيدة : أيوة يا حبيبى
كريم : نجلا لسه نائمه
توحيدة : مش عارفه بس هى لسه فى الأوضاع
كريم : قالت حاجه بعد ما مشيت
توحيدة : قصدك على مقصوفه الرقبه
كريم : أيوة
توحيدة : مفيش زعلت شويه
كريم : ربنا ينتقم منك يا زفت الطين طلعت لى دى منين
توحيدة : ايه وجعك زعلها
كريم : طبعا يا دادة يعنى عروسه واول يوم جواز وتلاقى واحدة داخله تقول لها دى خطيبى لازم ازعل متنسيش انها بنت عمى
توحيدة : عارفه وكمان مش ناسيه انها الى مالكه القلب يا كيمو
كريم يتنهد مع ابتسامه خفيفه
كريم : اطلع دلوقتى واحاول افهمها بس يا رب تفهم
توحيدة بضحك
توحيدة : لا خلاص متتعبش نفسك انا قمت بالواجب
كريم : يعنى ايه
توحيدة : حكيت لها كل حاجه وهى فهمت اطلع يلا وخدها واسهروا سهرة حلوة كدة ربنا يسعدكم يا ابنى 
يصعد كريم وكاد يدق الباب حتى استمع الى ضحكات نجلا بدلع
نجلا : يا حبيبى اطمن انا معاك انت ومحدش يقدر ياخدنى منك ابدا
يصعق كريم ويفتح الباب بعنف وهو يقول
كريم : مين دى الى حبيبك
🌼🌼🌼🌼🌼🌼🌼
دى بارت تانى علشان مش هقدر انشر يوم الجمعه
عايزة تعليقاتكم والفلو لو سمحتم 😘