Seducing My Crush [Alluring Series #1] - Completed [TO BE PUBLISHED]

38

It's Over

Nandito pa rin yung kaba matapos kong tignan ang buong feed ng Instagram ni Xyzhie. Even her story, hindi rin nakatakas sa'kin.

Pero kahit doon sa story n'ya ay wala rin si Eris.

Napakagat ako sa pang-ibabang labi at ini-screenshot ang picture ni Xyzhie together with Jace and Ivann.

Nanginginig ang kamay ko pero tinatagan ko ang loob ko at clinick ang chat head n'ya. He's online and I also received a good morning text from him.

I send the photo without second thoughts.

"Hindi mo naman sinabi sa'kin na kasama n'yo pala si Xyzhie sa pag-iinom."

Kasabay noon ang pagdeliver ng photo at ng chat ko sa kan'ya. Kaagad naman n'ya itong na-seen at typing na s'ya ngayon.

"Dem, I'm not with her."

Napangisi ako at tumingin sa itaas. Hindi ko alam kung paano ko s'ya paniniwalaan ngayon.

Nagdududa nga rin ako kung umuwi ba talaga s'ya ng 9:38 PM o sinabihan n'ya lang ako para hindi ako mag-isip ng kung ano ano.

"Let me explain. Kung iniisip mong nakasama ko s'ya sa inuman, mali ka ng iniisip."

Muling nagchat si Eris nang hindi ko s'ya replyan sa una nitong message.

Sineen ko lang naman ulit yung current chat n'ya at malalim na bumuntong hininga.

"Hey, talk to me. Please? Huwag mo 'kong i-seen." He added.

Naibaba ko ang cellphone nang sumagi sa isip ko yung sinabi ni Xyzhie noong nakaraan.

'Huwag kang mas'yadong magpapadala sa mga ikinikilos ni Eris... no one knows if he's just playing around with you.'

Napahawak ako sa dibdib at lumanghap ng hangin.

Naramdaman ko ang paninikip nito kaya mabilis akong bumangon sa higaan at iniwang bukas ang cellphone sa kama.

Hinugot ko ang bath towel na nakasabit sa pinto at kaagad na pumasok sa shower room.

Hinubad ko ang suot kong mga damit at pinihit ang shower. Napapikit ako habang tumutulo sa buong katawan ko ang maligamgam na tubig dahil kung hindi ako pipikit, kasabay ng tubig sa pagpatak ang mga luha ko...

Nalilito na ako, hindi ko alam kung anong paniniwalaan ko.

Hindi ko nakita si Eris sa picture pero yung oras... nand'on pa si Eris sa mga oras na 'yon at d'on ako nasasaktan.

Pa'no kung nagsisinungaling lang talaga s'ya sa'kin?

Pa'no kung hindi pala s'ya seryoso sa mga pinakaramdam n'ya?

Pa'no kung laro lang talaga ako para sa kan'ya?

Napamura ako nang maisip ang mga 'yon. Hindi ko na rin napigilan ang sarili sa pag-iyak.

Triple ang sakit na nararamdaman ko kung totoo man 'yon.

Hindi ko na alam ang gagawin ko pero gusto kong paniwalaan si Eris.

Ilang minuto ang itinagal ko sa loob ng shower room bago ko pag-isipang umahon na.

Nagbihis na ako at inalis na rin ang towel na nakalagay sa buhok.