Seducing My Crush [Alluring Series #1] - Completed [TO BE PUBLISHED]

31

Let the Flame Burn

Nakatingin lang ako sa kan'ya at gano'n din s'ya pero mas nauna akong nag-alis ng tingin. Hindi ko kinayang makipagtitigan ng ganoong katagal!

Bahagya akong kumurap at patagong kinurot ang tabi ng hita, napangiwi naman ako ng makaramdam ng sakit.

Hindi nga ako nananaginip! Totoong nasa harapan ko si Eris!

"Anong ginagawa mo rito?" Tanong ko sa kan'ya nang iwan kami sandali ni Mama.

Nakita ko na naman ang pagtaas baba ng kanyang adams apple at bahagyang pagbasa ng labi.

He cleared his throat. "To pick you?" Sagot nito na parang hindi pa sigurado sa sinabi.

Kumunot naman ang noo ko at hindi ipinahalata rito ang kilig. Kagat kagat ko ang dila sa loob ng aking bibig upang itago ang nagbabadyang pagngiti.

Parang sasabog na yung obaryo ko sa sobrang kilig!

"Ha? Bakit?" Pagpapakipot ko ng kaunti.

Tumaas ang isang kilay ni Eris at mabilis na nag-iwas ng tingin.

"'Wag na nga." Biglang saad nito at nagulat ako nang bigla s'yang naglakad paalis ng pinto.

Kaagad ko namang hinila ang maleta ko at hinabol s'ya sa hallway ng condo.

"Hoy, sandali! Tinatanong lang! Attitude ka?"

Mas bumilis ang lakad ni Eris kahit na may sugat ito sa paa nang maramdaman n'yang sinusundan ko s'ya ng lakad. Kahit naman ganon, hindi ko pa rin mapigilan ang ngumiti.

Nakarating kami sa parking lot at nagulat ako nang pumunta s'ya roon sa itim na kotse.

Hindi pa ako nakakalapit ay may isang pamilyar na boses na nanggaling doon at tinawag ang pangalan ko.

"Hi, Dem!" Bumukas ang bintana ng sasakyan at si Ivann ang nasa driver's seat.

Kumaway ako sa kan'ya nang makalapit.

"Uy, Ivann!" Bati ko sa kan'ya.

Bumaba naman ako at tinulungan n'ya akong ipasok sa loob ng sasakyan ang maleta.

Taka ko s'yang tinignan.

"Not mine, but Eris." Bulong nito matapos n'yang ilagay sa back seat ang gamit ko. "Sakay na."

Mas lalo naman akong nagulat sa sinabi n'ya. Wow!

Tahimik lang ako habang nakatingin kay Eris sa unahan. Abala s'ya sa pagce-cellphone samantalang si Ivann naman ay kumakanta habang nagdadrive.

Hindi pa rin ako makapaniwala.

Tumikhim ako matapos kong pasadahan ng tingin ang sasakyan at binasag ang katahimikan sa loob.

"May sasakyan ka pala?" I used to wonder so I asked.

Narinig naman ako nito dahil bahagya s'yang nag-angat ng tingin at muli rin namang ibinalik ang atensyon sa telepono.

"Imposible ba?" Masungit nitong tanong.

Tinignan naman ako ni Ivann sa rear mirror at nakita ko ang impit nitong tawa.

Umayos ako ng upo at muling tumikhim. Pinipigilan ko ang sarili na tumawa. Hindi ko alam kung bakit sa tuwing nagsusungit s'ya, mas natatawa ako.

"Hindi naman. Ngayon ko lang kasi nakita." Muli kong sambit.

Hindi lang siguro s'ya ang makapagdrive dahil ng paa n'ya kaya si Ivann ang ginawang driver.

"Hindi ko ginagamit." Maikling sagot nito, hindi pa rin naaalis ang atensyon sa cellphone.