سلسلة ارواح عاشقة... الجزء الاول... حورية قلبي .... كامله

الفصل ال ٢٤

بسم الله الرحمن الرحيم
لا تدع القراءة تلهيك عن الصلاة
الفصل الرابع والعشرون
🍒🍒🍒🍒🍒🍒🍒🍒
خيم الحزن على الجميع وخاصة نورهان التي فقدت والدتها وفاطمة التي فقدت شقيقتها ،اصر فؤاد على أن تأتي نورهان للاقامه معهم حتى تبتعد عن  الفيلا وما تحمله من ذكريات بينما وافقت نورهان على ذلك وذهبت لتعيش معهم  ومع مرور الأيام استطاعت فاطمة أن تقوم بجزء ولو بسيط لتعويض نورهان عن والدتها ،خرجت جنه من المشفى وعادت مع احمد الى الفيلا بينما تم تأجيل عقد قرانها على ادم بسبب حالة الوفاة
**************
في الحجز
كان يحيى يجلس في الحجز وبجواره المخبر الذي ادخله منتصر كمتهم الى الحجز حتى يتمكن من استدراج يحيى بالحديث

يحيى:  انا مش فاهم احنا هنهرب ازاي بردوا يا رفيق
رفيق:  سهله اوي ..انا وانت بكره عندنا عرض على النيابه واحنا في عربية الترحيلات انا ليا عسكري تبعي هيساعدنا اننا نهرب بس اهم حاجه تكون انت متطمن للراجل بتاعك
يحيى:  متقلقش انا عملت كل حاجه علشان خاطر لما نهرب هنروح على الفيلا بتاعته ويا يساعدنا نهرب برا مصر يا اقتله وانا كدا كدا هبقى هربان وعليا وعلى اعدائي
رفيق:  تمام يبقى معادنا بكره

حرك يحيى رأسه بهدوء وشرد قليلا فيما سيحدث غدا فقد ايقن أن ما سيفعله هو الصواب
*************
في مكتب فؤاد
كان فؤاد يجلس على مكتبه عندما دلف محمود إلى داخل الغرفه

فؤاد:  تعالى يا محمود ياريت تكون جبت معاك اخبار حلوه لاني زهقت من الاخبار الوحشه

محمود:  وهو يجلس:  للأسف الاخبار اللي معايا بردوا اخبار وحشه ..الراجل اللي انا بدور عليه اتجوز مرتين اول واحده خلف منها بنت وماتت والبنت عندها عشر سنين تاني واحده لسه عايشه لغاية دلوقتي بس هو مات من اربع سنين بسبب ازمه قلبيه ومن وقتها وبنته عايشه مع مرات ابوها في اسكندريه

فؤاد:  لا حول ولا قوه الا بالله...هقول ايه لفاطمه دلوقتي مش كفايه خبر موت تحية
محمود:  انا مش فاهم حاجه ايه علاقه ماما بالراجل ده
فؤاد:  الراجل ده يبقى جوز خالتك التانيه اصل مامتك كان عندها أختين تحيه وهدى وفي يوم …….وقص عليه ما حدث ..... ومن وقتها وهما مقاطعين بعض ومامتك كان نفسها تشوف اختها ..لا حول ولا قوه الا بالله
محمود:  لا حول ولا قوه الا بالله …. طيب ابقى حضرتك بلغها باللي حصل يا بابا بس مش دلوقتي لما يعدي موضوع خالتو تحيه الله يرحمها
فؤاد:  ما انا ناوي اعمل كدا  فعلا كفايه اللي هي فيه
*************
في شركة احمد
كان أحمد يجلس مع ادم الذي يبدوا عليه الشرود

احمد:  ايه يا عم ادم مالك سرحان فى ايه؟
ادم:  بتنهيده:  ابدا انا بس متضايق من اللي حصل مش كان زماني كاتب كتابي دلوقتي
احمد:  انت بتقول فيها ما انا كمان كان زماني خاطب بس انا عارف حظي مدوحس
ادم:  بتذمر:  هو يعنى حظك انت بس اللي مدوحس ...يلا الله يرحمك يا خالتي
احمد:  الله يرحمها…. هي نورهان عامله ايه دلوقتي
ادم:  والله يا احمد على طول سرحانه وحزينه ربنا يكون في عونها دي مامتها بردوا ...قولى صحيح جنه عامله ايه النهارده انا كان نفسى اروح اشوفها بس انت عارف طبعا الظروف
احمد:  جنه الحمد لله بخير ...وبتقول هتنزل الشركه من الاسبوع اللي جاي أن شاء الله
ادم:  أن شاء الله….بس المهم تكون بخير 
*************
في اليوم التالي
في مكتب حمزه
كان حمزه يتحرك في مكتبه بتوتر عندما هاتفه منتصر

حمزه:  الو ايوه يا منتصر وصلتوا لاي
منتصر:  خلاص رفيق ويحيى هربوا من عربية الترحيلات ودلوقتي احنا وراهم علشان نشوف رايحين  فين
حمزه:  تمام ...اول ما توصل لجديد بلغني
منتصر :  حاضر يا حمزه ادعيلنا
حمزه:  ربنا معاكوا أن شاء الله

اغلق حمزه الهاتف وكان يتمنى أن يذهب معهم في هذه المهمه ولكن قد تم تكليفه بمهمه اخرى فأتجه الى خارج مكتبه ليؤدي عمله
*****************
في المساء
في فيلا احمد
كان أحمد يجلس في الحديقه يحدث جنه عن يومه في العمل عندما رن هاتفه المحمول

احمد:  دا حمزه اللي بيكلمني ثواني اشوف لو فيه جديد
جنه:  ماشي رد عليه
احمد:  الو ايوه يا حمزه عامل ايه ...انا كويس الحمد الله ...بجد يا حمزه قدرتوا تمسكوا اللي كان ورا كل اللي حصل لجنه ده وطلع مين ….ايه مش معقول...انت متأكد ...تمام ماشى يا حمزه الف شكر ليك ...مع السلامه
جنه:  فيه ايه يا احمد طمني
احمد:  قبضوا على رئيس العصابه ومش هتصدقي طلع مين
جنه:  ليه هو طلع مين
احمد:  بغضب:  جلال….جلال صاحبي
🍒🍒🍒🍒🍒🍒🍒🍒