سلسلة ارواح عاشقة... الجزء الاول... حورية قلبي .... كامله

الفصل الرابع

بسم الله الرحمن الرحيم
لا تدع القراءه تلهيك عن الصلاه
الفصل الرابع
🍓🍓🍓🍓🍓🍓🍓🍓
دق ادم باب الغرفه ودلف إلى الداخل عندما سمحت له حوريه بالدخول فوجدها قد ارتدت ملابسها التى جفت وتقف أمام المرأة تنظر إلى وجهها فأبتسم لها وهو يقول
ادم:هاه عامله ايه دلوقتى
التفتت إليه حوريه وقالت بتوتر
حوريه:بأبتسامه خفيفه:الحمد لله ...انا خلاص بقيت مستعده انى امشى
ادم:بتساؤل:تمشى تروحى فين
حوريه:أمشى من هنا ...كفايه كدا انا تقلت على حضرتك
ادم:ممكن اعرف هتمشى ازاى وانتى معكيش اى فلوس او حتى اثبات شخصيه ..ومتعرفيش انتى مين
نظرت حوريه حولها بشرود ثم قالت بحزن
حوريه:مش عارفه ..وفى نفس الوقت مش هينفع افضل هنا ...انا حاسه انى كركبت ليكم كل حياتكم
ادم:لا متقلقيش انتى معملتيش اى حاجه خالص ..وكمان انا مش هسيبك تمشى غير فى حالتين الحاله الاولى انك ترجعلك الذاكره وتفتكرى انتى مين ...او حد من اهلك يتعرف على صورتك اللى معاذ هينشرها وييجى يأخدك
نظرت له حوريه بأمتنان وقالت له
حوريه:انا مش عارفه اقول لحضرتك ايه
ادم:مش محتاجه تقولى اى حاجه ...انتى دلوقتى تنامى لأننا بكره الصبح بعد الفطار هنرجع مصر علشان الجو هنا غلط عليكى
حوريه:بأمتنان:انا متشكره لحضرتك اوى
ادم:بأبتسامه:ولا يهمك ….تصبحى على خير
حوريه:وحضرتك من اهل الخير
خرج ادم من الغرفه بينما نظرت حوريه فى أثره بأمتنان ثم جلست على الفراش واخذت تحاول أن تتذكر اى شىء ولكن كما يحدث دائما لم تتذكر اى شىء
🍓🍓🍓🍓🍓🍓🍓🍓🍓🍓
فى صباح اليوم التالى
كانت حوريه تجلس فى سيارة ادم تراقب الطريق بينما كان ادم يقود السياره وبجواره ايمن النائم ...تنهدت حوريه بحزن فنظر إليها ادم فى المرآه وقال
ادم:بتساؤل:مالك يا انسه حوريه ..تعبانه ولا ايه
حوريه:وهى تنظر إليه:ابدا ...انا بس …
صمتت حوريه وهى لا تعلم ماذا تقول..فبادرها ادم قائلا
ادم:احنا دلوقتى هنروح الفيلا بتاعت اهلى ماما وبابا دول ناس طيبين اوى وهتحبيهم
حوريه:انا بس قلقانه يتضايقوا من وجودى ولا حاجه
ادم:لا متقلقيش ...اهم حاجه تأخدى الدواء بتاعك وكل حاجه هتبقى كويسه أن شاء الله
حوريه:بأبتسامه:أن شاء الله….ثم نظرت اليه بتوتر وهى تقول...هو الدكتور مقالكش عمل ايه فى موضوع الصور بتاعتى
ادم:ايوه كلمنى الصبح وقالى أنه نشر الصور فى كذا موقع وان شاء الله نوصل لاهلك قريب
حوريه:أن شاء الله
اغمضت حوريه عينيها ووضعت كفيها على رأسها بألم فرأى ادم ما تفعله فى مرآة السياره وقال
ادم:مالك انتى تعبانه ولا ايه
حوريه:وهى تفتح عينيها:ابدا انا بس منمتش امبارح كويس
ادم:منمتيش ليه ….كنتى تعبانه ولا ايه
حوريه:لا مش تعبانه ولا حاجه كنت بس قلقانه شويه
نظر ادم مره اخرى فى مرآة السياره ثم نظر مره اخرى الى الطريق أمامه وهو يقول
ادم:انا مش عارف انتى قلقانه من ايه هو صدرت منى اى حاجه تخليكى قلقانه
حوريه:بخجل:ابدا ...انا بس
ادم:مبسش ...اهلى ناس كويسين اوى ولما تشوفيهم هتعرفى انا بتكلم عن ايه ..يعنى متقلقيش
حركت حوريه رأسها بالايجاب ثم نظرت إلى النافذه وهى تشعر بالقلق من ما يحدث معها بينما نظر ادم مره اخرى اليها فى المرآة ثم نظر امامه وهو يفكر في رد فعل والديه عندما يقدم حوريه إليهم
🍓🍓🍓🍓🍓🍓🍓🍓🍓🍓
فى مكتب محمود
كان محمود يمارس عمله كالمعتاد عندما رن هاتفه المحمول فوجده والده وكان يبدوا عليه الغضب الشديد فحاول تهدئته
محمود:اهدى بس يا بابا ..هو كان ممكن يعمل ايه يعني
فؤاد:يا سلام اهدى ازاى يعنى ...اخوك جايب واحده من الشارع وعايزها تعيش وسطينا
محمود:امال كان يعمل ايه يعنى يسيبها تموت
فؤاد:بغضب:يا سلام داانت عارف الموضوع كله بقى ...يعنى ادم حكيلك اهو
محمود:بهدوء:لا حكالى ولا حاجه ….معاذ هو اللى كلمنى وقالى وكلها يومين والبنت دى اهلها يشوفوا صورتها وترجع
فؤاد:انا مش عارف انتوا بتفكروا ازاى بصراحه
محمود:حضرتك عارف يا بابا أن آدم طيب اوى واستحاله كان يشوف حد محتاج مساعده ويديله ظهره..وخصوصا لو كانت واحده ست ..اهم حاجه حضرتك متقلقش انا هكلم حمزه واخليه ييجى الفيلا ويأخد للبنت كام صوره ويشوف لو ليها سوابق ...ايه رأيك
فؤاد:اعملوا اللى انتوا عايزينه انا كدا كدا مسافر الاسماعيليه دلوقتى وهقعد هناك اسبوعين او اكتر
محمود:ماشى يابابا براحتك ...تروح وترجع بالسلامه
فؤاد:ماشى يا محمود ...مع السلامه
اغلق محمود الهاتف ثم تنهد بأرهاق واكمل عمله
🍓🍓🍓🍓🍓🍓🍓🍓🍓🍓
فى فيلا الدميرى
كانت حوريه تجلس فى الغرفه التى قامت والدة ادم بتحضيرها لها وكانت تنظر أمامها بشرود حينما دلفت فاطمه الى الغرفه وهى تقول بهدوء
فاطمه:منمتيش لسه...ادم بيقول انك منمتيش طول الليل
حوريه:بخجل:هنام اهو ..انا بجد اسفه للأزعاج اللى انا عملاه
فاطمه:متقوليش كدا لا ازعاج ولا حاجه بصى انا جبتلك قميص من عندى تنامى بيه ولما تصحى أن شاء الله هتلاقى هدوم تانيه تلبسيها
حوريه:بأحراج:مالوش لزوم انا …
فاطمه:مقاطعه:مالوش لزوم ليه ...هتفضلى بالطقم ده مينفعش طبعا وكدا كدا اصلا ادم خلاص راح يجيب لك هدوم وزمانه راجع ...دلوقتى بقى ادخلى الحمام غيرى هدومك ونامى شويه
حوريه:حاضر ...الف شكر لحضرتك
فاطمه:بابتسامته:ولا يهمك يا حبيبتي
🍓🍓🍓🍓🍓🍓🍓🍓🍓
فى المول
كان ادم يقف امام متجر للملابس الحريمى عندما قابل رجل ابتسم له وقام بأحتضانه
ادم:وهو يحتضنه:حمزه فينك يا راجل كل ديه غيبه
حمزه:بأبتسامه :معلش كنت فى مهمه والله ولسه خاصه من حوالى كام يوم
ادم:طيب مدام خلصت مأتصلتش بيا ليه انت عارف انى بفضل قلقان عليك
حمزه:معلش كنت مشغول شويه ….سيبك منى بقى وقولى انت بتعمل ايه هنا وليه واقف ادم المحل ده
ادم:وهو يجذب ذراعه:تعالى نقعد فى الكافيه وانا احكيلك عن كل حاجه
حمزه:وهو يسير معه:ماشى يلا بينا
بعد قليل فى الكافيه
حمزه:غريبه اوى الحكايه دى ….طيب محدش كلم معاذ بعد ما نشر الصور
ادم:لا لسه وهى دلوقتى عندنا فى الفيلا ذى ما حكيتلك
حمزه:تمام ...انا هروح معاك الفيلا و….قطع حديثه صوت هاتفه فقال….دا محمود اللى بيكلمنى ثوانى ارد عليه
حمزه:الو ايه يا محمود عامل ايه ….انا كويس الحمد لله...ايوه قاعد انا وادم فى كافيه ….. ايوه طبعا لسه حاكيلى دلوقتى متقلقش انا هعمل اللازم ...تمام اشوفك النهارده فى الفيلا أن شاء الله...مع السلامه
اغلق حمزه هاتفه ونظر الى ادم وقال
حمزه:دا محمود بيحكيلى عن موضوعك وبيقول بابا قلقان من البت دى
ادم:انت هتقولى ما انا عارف المهم دلوقتى اننا نعرف مين اهلها
حمزه؛متقلقش أن شاء الله هنعرف...يلا بينا بقى علشان نجيب الهدوم اللى انت عايزها قبل ما نروح الفيلا
ادم:يلا بينا
🍓🍓🍓🍓🍓🍓🍓🍓🍓🍓🍓🍓🍓
فى مكان ما
كان يجلس على الطاوله رجلان يتحدثان وكان يبدوا على احدهم الحنق الشديد
الرجل الاول:يعنى انت قولتله انها نطت فى الميه واتخبطت فى بوز المركب يا مرسى
مرسى:ايوه طبعا قولتله كدا امال كنت عايزنى اقوله ايه ..اقوله انك يا استاذ طمعت فى البت ولما مردتش تطاوعك ضربتها على رأسها بأزازة البيره ولما حاولت تهرب وقعت من المركب ...انت اتجننت يا حسين
حسين:طيب انا كنت هعمل ايه ...انا كنت عايزها و مكنتش اعرف انها هتقع فى الميه وكمان بصراحه البت كانت تتأكل اكل
مرسى:بس بردوا كان لازم نستنى رأى الباشا وخصوصا اننا منعرفش هى مين
حسين:طيب هنعمل ايه دلوقتى انا وانت عارفين كويس ان البت ماتت انت مشفتش الدم اللى كان فى الميه ولا ايه
مرسى:لا شفته طبعا بس هنعمل ايه ...الباشا فاكر انها لسه عايشه وعايزنا ندور عليها
حسين:انا مش عارف نعمل ايه ربنا يستر بقى …
🍓🍓🍓🍓🍓🍓🍓🍓🍓🍓🍓🍓🍓🍓
#جوي