سلسلة ارواح عاشقة... الجزء الاول... حورية قلبي .... كامله

الفصل الثاني

بسم الله الرحمن الرحيم
لا تدع القراءه تلهيك عن الصلاه
الفصل الثاني
🍓🍓🍓🍓🍓🍓🍓🍓
منذ ان آفاق ادم على صرخة الألم التى صدرت من الفتاه الممدده على الفراش لتصطدم عينيه بأجمل أعين رأها فى حياته فقد كانت عيناها خضراء واسعه ذكرته بغابات ايسلندا الخضراء التى زارها من قبل ...نظر إليها بتفحص وهو يسألها عن حالها ولكن ما جعل عينيه تتسعان هو عدم معرفتها من هى أو ما هو اسمها
ادم:بتوتر:معلش انتى كنتى مخبوطه فى رأسك ركزى شويه وان شاء الله هتفتكرى اسمك
اخذت الفتاه تنظر حولها ثم عادت بنظرها إلى ادم وامتلئت عينيها بالدموع وهى تقول
الفتاه:ببكاء:مش فاكره ….والله العظيم مش فاكره...انت تقربلى ايه
ادم: بهدوء:انا لقيتك مغمى عليكى على الشط والواضح انك جايه من الميه ممكن تكونى وقعتى من مركب ولا حاجه
الفتاه:ببكاء:مش عارفه...مش فاكره
اقترب ادم منها وربت على كتفها وهو يقول
ادم:اهدى بس وان شاء الله هتفتكرى انا هكلم صاحبى هو الدكتور اللى عالجك
حركت الفتاه رأسها بالايجاب وهى تراه يبتعد عن الفراش ويتحدث فى الهاتف اخذت تحاول أن تتذكر ما حدث ولكن للاسف ذاكرتها كالورقه البيضاء اخذت تبكى على المجهول الذى ينتظرها ثم تطلعت لما ترتديه وجدت انها ترتدى ستره رجاليه ضخمه علمت من اول نظره انها لا ترتدى أسفلها سوا ملابسها الداخليه فشعرت بالخجل الشديد …
بالنسبه لادم
كان يتحدث مع معاذ على الهاتف وأخبره معاذ أن فقدان الذاكره أمر طبيعى لاصابتها ولكنه لن يستطيع أن يحدد الفتره التى تلزمها لعودة ذاكرتها سوا بعد فحصها واتفق معه أن يأتى فى المساء بعد انتهاء نوبة عمله فى المشفى ..اغلق ادم الهاتف ونظر بأتجاه الفتاه فقد كانت مازالت تبكى ووجها شديد الاحمرار فأقترب منها وهو يقول
ادم:انا كلمت الدكتور وهو هييجى بالليل أن شاء الله ...بطلى بقى عياط علشان متتعبيش ...انا هروح احضرلك فطار اكيد جعانه
اومأت الفتاه رأسها بخجل ثم نظرت إلى ادم وهى تقول
الفتاه:هو انا كنت لابسه ايه لما لقتنى
ادم:ابدا كنتى لابسه بنطلون جينز وبلوزه بناتى نص كم ...ثم أكمل بأحراج….انا اسف اضطريت اقلعك هدومك والبسك الجاكت بتاعى لان كان لازم جسمك يدفى علشان كان واضح انك كنتى فى الميه من فتره كبيره
حركت الفتاه رأسها بأحراج شديد وهى تتخيله يخلع عنها ملابسها فأحمر وجهها لمنابت شعرها...فحاول ادم أن يخرجها من خجلها فقال
ادم:انا هروح اجبلك تفطرى وأجى على طول بعد اذنك
الفتاه:اتفضل
خرج ادم من الغرفه واتجه إلى المطبخ ليقوم بتجهيز الافطار فرأى ايمن الذى دلف الى المطبخ وهو يقول
ايمن:صباح الخير يا بابا عامل ايه
ادم:وهو يقبله: صباح النور يا حبيبي...ثوانى واحضرلك الفطار
ايمن:وهو يجلس على المقعد:هى البنت بتاعت امبارح صحت
ادم:ايوه صحت بس بقولك ايه
قبل أن يكمل ادم حديثه خرج ايمن من الغرفه ركضا واتجه الى غرفه والده فتنهد ادم واكمل تحضير الافطار
🍒🍒🍒🍒🍒🍒🍒🍒
فى الغرفه
دلف ايمن الى داخل الغرفه واتجه إلى الفراش وهو يقول
ايمن:انا ايمن ادم فؤاد الدميرى انتى اسمك ايه
ابتسمت الفتاه لايمن وهى تقول
الفتاه:اهلا يا ايمن...للأسف انا مش فاكره اسمى ايه
جلس ايمن أمام الفتاه على الفراش وهو يقول
ايمن:ليه مش فاكره اى حاجه
الفتاه:وهى تتحسس رأسها:شكل الخبطه اللى على رأسى هى اللى خليتنى مش فاكره حاجه
نظر لها ايمن بتفكير ثم قال
ايمن:طيب لما اناديكى اقولك يا اي
الفتاه:وهى تحرك كتفيها:مش عارفه …
ايمن:بتفكير:احنا ممكن نفكر ليكى فى اسم حلو نناديكى بيه ...ايه رأيك فى سمكه ...علشان بابا لقاكى جنب البحر
الفتاه:هههههههه حلوه سمكه دى
فى هذا الوقت دلف ادم الى الغرفه وهو يسمع ضحكات ابنه والفتاه الغريبه فقال بابتسامه
ادم:بتضحكوا على ايه
الفتاه:ايمن اقترح ان مدام انا مش فاكره اسمى ينادينى بسمكه علشان انت لقيتنى على شط البحر
ابتسم ادم على تفكير طفله ووضع الطعام على قدمى الفتاه على الفراش وهو يقول
ادم:حلو سمكه ...بس ايه رأيك تفكر فى اسم تانى يا ايمن
ايمن:بتفكير:خلاص يبقى حوريه
نظر ادم لطفله ثم إلى الفتاه فقد كانت بالفعل تشبه الحوريات فقد كانت بيضاء بشعر بنى قصير وعينان خضروتان وشفاه توتيه فابتسم بداخله على تفكيره فهو يقف الان كالمراهق وهو يتأمل فتاه يراها لاول مره ...وخرج من شروده وهو يقول
ادم:حلو حوريه ...لو انتى موافقه طبعا
الفتاه:موافقه طبعا ..حوريه اسم حلو
ادم:بأبتسامه:تمام يلا بقى يا حوريه افطرى علشان تأخدى الدوا …..ونظر إلى ايمن وقال ...ويلا انت يا بطل نطلع نفطر بره
ايمن:وهو يهبط من الفراش:حاضر يلا بينا ...ونظر إلى الفتاه وقال...هفطر وأجى اقعد معاكى يا حوريه ماشى
حوريه:ماشى يا ايمن وانا هستناك
خرج ايمن وادم من الغرفه بينما شردت الفتاه فى العائله التى تقطن معهم وتمنت الا تنزعج والدة ايمن من وجودها
🍒🍒🍒🍒🍒🍒🍒🍒🍒🍒
فى الشركه
كان فؤاد فى مكتبه عندما دلف الى الغرفه رجل يشبه ادم ولكنه بشعر اسود يصل لياقته ووجه مبتسم
فؤاد:تعالى يا محمود يابنى
محمود:ازيك يا حاج عامل ايه
فؤاد:الحمد لله انت عامل ايه فى فرع الشركه
محمود:وهو يجلس:الحمد لله الشغل فى الفرع كويس اوى متقلقش عليا ...قولى صحيح عرفت مكان ادم
فؤاد:ابدا انا معرفش هو راح فين بس انا كلمته امبارح وقال ايه عايز يبعد شويه ويغير جو
محمود:معلش يا بابا انت عارف أن محمود طول عمره شغل الشركه على دماغه سيبه يرتاح شويه
فؤاد:هو انا قولت حاجه يا بنى انا بس قلقان عليه من وقت ما طلق مراته وهو اتغير مبقاش ذى الاول
محمود:ربنا ينتقم منها ..خلت ادم اللى كان على طول مبتسم بقى بارد وعلى طول مكشر وعصبى بطريقه غريبه
فؤاد:يلا اهى غارت فى ستين داهيه ...قولى صحيح حمزه اخوك فين
محمود:معرفش انا اخر حاجه اعرفها أنه كان فى مأموريه فى الغردقه ورجع منها امبارح
فؤاد:ربنا يقويه ويبعد عنه شيطانه….وانت بقى مش ناوى تتجوز ولا ايه
وقف محمود وهو يهندم ملابسه وقال
محمود:انا لازم اروح الشركه دلوقتى علشان عندى شغل
فؤاد:بقى كدا ماشى يا محمود...ذى ما انت عايز يابنى
اتجه محمود إلى خارج الغرفه بينما تنهد فؤاد بحزن واكمل عمله
🍒🍒🍒🍒🍒🍒🍒🍒🍒🍒🍒
فى الشاليه
منذ ان خرج ادم مع ايمن من الغرفه وايمن يتحدث عن حوريه ولكن تفكير ادم لم يكن مع ايمن بل كان مع الفتاه التى تجلس على فراشه بالداخل…. فالموقف اكثر مما كان يعتقد……. فالفتاه لا تتذكر من هى ولا تتذكر ما حدث لها ..تنهد ادم بأحباط فقد جاء إلى هنا بحثا عن الهدوء بعيدا عن الجميع ولكنه الان لديه مشكله اكبر من مشاكل شركته ...افاق ادم من شروده على صوت ايمن الذى يتحدث معه
ادم : بتقول حاجه يا حبيبي
ايمن:ايوه يا بابا بقول هتكلم ناناه وجدو امتى
ادم:وهو يتجه إلى هاتفه:تعالى نكلمهم دلوقتى بس طبعا متقولهمش احنا فين ماشى ...وكمان متقولهمش على حوريه
ايمن:حاضر يا بابا
اتجه ادم إلى الهاتف وبالفعل فى خلال لحظات كان يتحدث مع والدته
ادم:يا ماما قولتلك متقلقيش عليا هو انا عيل صغير ولا ايه انا عندى ٣٥ سنه يعنى مش صغير
فاطمه:يا حبيبى انت عارفه انك مش صغير دا انت راجل وسيد الرجاله كمان انا بس قلقانه عليك
ادم:لا يا حبيبتي متقلقيش انا كويس وايمن كمان كويس وعايز يكلمك
فاطمه:اديهولى يا حبيبي
اعطى ادم الهاتف الى ايمن واتجه إلى غرفته ليطمئن على حوريه وما ان دلف الى داخل الغرفه حتى وجد الفراش فارغا وسمع صوت المياه فى المرحاض فعلم انها بالداخل فجلس على المقعد ينتظرها
🍒🍒🍒🍒🍒🍒🍒🍒🍒
فى المرحاض
كانت حوريه تجلس على كرسى المرحاض أمام المرأة التى بطول الحائط أمامها تنظر إلى وجهها فى محاولة منها لتذكر اى شىء..ولكن كل ما رأته وجه ابيض دائرى بعينان خضروتان وشفاه توتيه وانف صغيره وشعر بنى قصير للغايه غير مشذب الأطراف جبهتها مضمده بضماضه بيضاء ...تنهدت بحزن فلم تتذكر اى شىء عن ماضيها ..قامت بتجفيف وجهها ووقفت لتتجه إلى خارج المرحاض ولكن انتابها دوار مفاجأ وحاولت أن تتمسك بأى شىء ولكنها سقطت على الارض فاقده للوعى
🍓🍓🍓🍓🍓🍓🍓🍓🍓🍓🍓🍓🍓🍓
#جوي