سلسلة ارواح عاشقة... الجزء الاول... حورية قلبي .... كامله

الفصل الأخير

بسم الله الرحمن الرحيم
لا تدع القراءة تلهيك عن الصلاة
الفصل السابع والعشرون و الاخير
🍒🍒🍒🍒🍒🍒🍒🍒
في اليوم التالي
في الشركة
حضر ادم ومعه ايمن الذي ما أن رأى جنه حتى ركض اليها واحتضنها بسعادة فبادلته الاحتضان وهي تقول

جنه:  حبيبي عامل ايه النهارده؟
ايمن:  الحمد لله ... وحشتيني اوي
جنه:   وانت كمان وحشتني اوي….تعالى شوف انا جيبالك ايه

اخذ ادم ينظر إلى جنه التي تحتضن ايمن وتقبله وتعطيه الحلوى التي يعشقها فأبتسم بسعادة فهذه هي أسرته الصغيرة واتجه إلى جنه ليقول بخبث

ادم:  كل الكلام الحلو والحاجات الحلوه دي لايمن مفيش حاجه لابو ايمن الغلبان
جنه:  بأبتسامة: انت ليك كل حاجه حلوه في الدنيا دي كلها
ادم:  وهو ينظر اليها بحب:  انا مش عايز من الدنيا دي كلها غيرك انتِ بس
جنه:  ربنا يخليك ليا يارب ...ايه رأيك نروح الملاهي بعد الشغل؟

قبل أن يجيب ادم كان ايمن قد صرخ بسعادة واحتضنهم معا وهو يقول

ايمن:  هيييييه هنروح الملاهى

ابتسم ادم وقال

ادم:  متهيقلي ايمن رد على سؤالك

ابتسمت جنه وانحنت لتطبع قبلة على رأس ايمن بينما تنظر لادم بحب
***************
في فيلا فؤاد
قرر فؤاد اخبار فاطمة بما علمه عن شقيقتها حتى لا تبني امال زائفة على رؤية شقيقتها فجلس بجوارها على الفراش وقال

فؤاد: فاطمة انا كنت عايز اقولك على حاجه كدا
فاطمه: بقلق: فيه ايه يا فؤاد شكلك كدا قلقني
فؤاد:  بصراحه محمود عرف مكان هدى وجوزها
فاطمة:  بسعادة:  بجد يا فؤاد طيب يلا بينا نروح نشوفها
فؤاد:  وهو يتنهد:  هدى ماتت من زمان ...من وقت ما بنتها كان عندها عشر سنين انا اسف بجد
فاطمة:  بصدمه:  ايه ...هدى ماتت... ازاي..ازاي تموت من غير ما اشوفها ..ازاي

فؤاد:  محاولا تهدئتها : وحدي الله يا حبيبتي ...متقوليش كدا ..قولي ربنا يرحمها
فاطمة:  ببكاء:  ربنا يرحمك يا هدى ...ربنا يرحمك يا حبيبتى

اخذت فاطمة تبكي بينما يحاول فؤاد مواساتها وما أن هدأت قليلا حتى قالت

فاطمة: طيب وبنتها وجوزها فين
فؤاد: جوزها بعد ما ماتت اتجوز تانى وهو كمان مات من حوالى خمس سنين والبنت عايشه مع مرات ابوها
فاطمة:  انا عايزه اشوفها يا فؤاد ...علشان خاطري انا عايزه اشوفها
فؤاد:  محمود بيدور عليها يا حبيبتي واول ما يلاقيها هنجبها تعيش معانا هنا أن شاء الله
فاطمة:  أن شاء الله نلاقيها دي هي اللي باقيه ليا من ريحة هدى الله يرحمه