سلسلة ارواح عاشقة... الجزء الاول... حورية قلبي .... كامله

الفصل١٢

بسم الله الرحمن الرحيم
لا تدع القراءة تلهيك عن الصلاة
الفصل الثاني عشر
🍒🍒🍒🍒🍒🍒🍒🍒🍒🍒
في اليوم التالي
في غرفة حوريه
كانت حوريه تجلس على المقعد المواجه للمرآه وكانت نورهان تقف خلفها وتقوم بترتيب شعر حوريه بينما يجلس ايمن على الفراش يراقبهم

نورهان:  وهي تنهي عملها :  انا كدا خلصت ايه رأيك بقى؟
حوريه:  وهي تحرك رأسها للجانبين:  الله يا نورهان تسلم ايدك بقى جميل اوي
نورهان:انتِ اللي جميله علشان كدا القصه بقت حلوه عليكي ،دا ادم هيتجنن لما يشوفك
حوريه:  بخجل:  بقى كدا ماشى يا نورهان

ابتسمت نورهان لها وقالت

نورهان:  انتِ مكسوفه مني ولا ايه ..ولا فاكره اني مش واخده بالي من نظرات ادم ليكي دا بيبقى كأنه هيأكلك بعنيه

خجلت حوريه اكثر من حديث نورهان ونظرت أرضا بينما هبط ايمن من الفراش واتجه إلى حوريه وهو يقول

ايمن:  انتِ شكلك حلو اوى يا حوريه …
حوريه:  وهى تقبله:  شكرا يا ايمن انت اللي عنيك حلوه يا حبيبي

ابتسم لها ايمن واحتضنها فبادلته الاحتضان وهى تقول

حوريه:  ايه رأيك نروح نقول لفتحيه تعملنا ايس كريم
ايمن:  بسعاده:  بجد يلا بينا بسرعه
حوريه:  هههههه حاضر يلا بينا
***************
في فيلا احمد
كان أحمد يجلس مع جلال يتحدثون

احمد:  بس هو ده كل اللي حصل بس الحمد لله اطمنت عليها
جلال:  الحمد لله ...المهم دلوقتي هي العصابه مكلمتكش تاني
احمد:  لا كلمتنى امبارح بالليل وطبعا انا فهمتهم اني خايف على اختى واني خايف منهم زي ما اتفقنا
جلال:  كويس اوي ،طلبوا منك ايه ؟
احمد:  طلبوا مني خمسه مليون دولار على شنطتين
جلال:  انا مستغرب ازاي تكون جنه مش معاهم ولغاية دلوقتي بيطلبوا منك الفديه
احمد:  ما انا بردوا مستغرب لاني لو نفذت ليهم كلامهم هيرجعولي جنه ازاي وهي مش معاهم اصلا
جلال:  عارف الموضوع ده ليه تفسير واحد عارف هو ايه
احمد:  ايه
جلال:  انهم مكانوش هيرجعولك جنه اصلا ….دا معنى كلامهم
احمد:  وهو يحرك أصابعه فى شعره:  تفتكر ...الحمد لله ان جنه هربت منهم وأنها دلوقتي في أمان بعيد عنهم
جلال:  ربنا يستر وحمزه يعرف يقبض عليهم وانت بتسلمهم الفلوس لأنهم طول ما هما بعيد عننا جنه في خطر
احمد:  ربنا يستر …
***************
في الشركة
كان محمود يجلس مع فؤاد في مكتبه يتحدثون عندما دلف ادم الى داخل الغرفة

فؤاد:  تعالى يا ادم عملت ايه في ورق الصفقة الجديدة
ادم:  خلصت مراجعة الورق وانا شايف أن الشركه دي ورقها كله سليم
محمود:  يبقى تمام توكل على الله يا بابا وكلم مدير الشركة وحدد معاه معاد علشان نمضي العقود
فؤاد:  تمام ...وانت يا محمود عملت ايه في موضوع السكرتيره بتاعتك
محمود:  والله تهاني بتقول انها قدامها لسه شهرين وتولد وفي الوقت اللي فاضل ده انا هعمل اعلان اطلب فيه سكرتيره جديده وتبقى تهاني تعلمها كل الشغل قبل ما تمشي
ادم:  اهم حاجه تكون عندها خبره علشان احنا الشغل عندنا مفيهوش هزار
محمود:  ايوه طبعا
فؤاد:  تمام ...وانت يا ادم مش ناوي ترجع البيت بقى مش كفايه كدا
ادم:  لو سمحت يا بابا انا مرتاح كدا
فؤاد:  طيب ونورهان اللي عيد ميلادها اخر الاسبوع دي هتفضل بردوا قاعده معاك
ادم:  انا مش مانعها من أنها تمشى يا بابا هي قاعده معانا بمزاجها ولو على عيد ميلادها اكيد كلنا هنحضر يعني
فؤاد:  والله انا احترت فيك على العموم اللي انت عايزه اعمله
************
في شقة ادم
عاد ادم من الخارج وجد أن الشقة هادئه فعلم أن الجميع نائمون فأتجه ببطء إلى غرفة المعيشه فوجد حوريه مستلقيه بهدوء على المقعد الموجود امام التلفاز يبدوا أنها ذهبت في النوم وهي تشاهد التلفاز فأقترب منها وعلى وجهه ابتسامة هادئة وجلس أمامها أرضا فلاحظ شعرها الذي التف على وجهها بشكل هادىء فرفع بأصابعه خصله من شعرها واقترب منها ليستنشقها وفي هذا الوقت فتحت حوريه عينيها وجدت ادم الذى ينظر اليها بحب ومازال ممسك بخصلات شعرها فأعتدلت بخجل بينما ابتعد عنها ادم ببطء وهو يقول

ادم:  ايه اللي نيمك هنا؟ ،رقبتك كدا توجعك
حوريه:  معلش اصلب كنت يتفرج على التلفزيون وعينيا راحت في النوم حمد الله على السلامه
ادم:  بأبتسامه:  الله يسلمك ،ايه الجمال ده شعرك بقى حلو اوي
حوريه:  وهي تتلمس خصلاتها بخجل:  نورهان هي اللى قصت شعرى كدا قالت إنه كدا احلى
ادم: بحب:  انتِ جميله في كل حالاتك …وحشتني اوي

خجلت حوريه من نظراته وحاولت تغيير مجرى الحديث فقالت

حوريه:  على فكره فتحيه استأذنت انها متجيش بكره علشان ابنها تعبان شويه وانا قولتلها ماشب ،معلش مكنش ينفع تفصل مستنياك علشان تستأذن منك 
ادم:  تمام...انا وانتِ واحد متفرقش استأذنت من مين فينا
حوريه:  وهي تقف:  روح غير هدومك وانا هحضرلك العشاء... هي فتحيه مجهزاه فاضل بس أنه يتسخن
ادم:  تمام انا موافق بس لو هتأكلي معايا
حوريه:  بخجل:  حاضر ..روح بس انت غير هدومك
ادم:  حاضر ...بعد اذنك

اتجه ادم إلى غرفته وهو يشعر أن قلبه مليء بالسعاده وأخرج من سترته الخاتم الذى سيهديه لحوريه عندما يطلب منها الزواج وقبله و وضعه مره اخرى في سترته وهو يفكر أنه سيتقدم اليها عندما يعود غدا من زيارته لاحمد
***************
في اليوم التالي
في فيلا كريم
كان كريم يجلس في الحديقة عندما تقدم منه يحيى وهو يقول

يحيى:  هاه رجالتك عملوا ايه في موضوع البت
كريم:  متقلقش دول راحوا يجيبوها دلوقتي كلها نص ساعه ويكونوا هنا
يحيى:  المره دي مش عايزين غلطات اول ما البت تيجى تكلم اخوها تسمعه صوتها واول ما يتطمن ويحدد معاك معاد علشان نستلم الفلوس تقتلها فاهم ولا لا
كريم؛فاهم طبعا دول خمسه مليون مش لعبه علشان نسيب البت دي تبوظ  كل حاجه لو افتكرت
يحيى:  عندك حق هي لو مكانتش شافتنا كان زمانها رجعت لاخوها سليمه بس بنت الكلب عرفت احنا مين ولو افتكرت هتقول لاخوها علينا ووقتها مش هنخسر الفلوس وبس لا هنخسر الفلوس و الشراكه اللي بينا وبين اخوها وهندخل السجن
كريم:  يبقى زي ما اتفقنا لازم البت دي تموت
يحيى:  ايوه لازم تموت
***************
في شقة ادم
كانت حوريه تجلس في الشقه تنتظر عودة نورهان وايمن من الخارج عندما سمعت اصوات بالقرب من باب الشقه وقبل أن تقف كسر الباب واقتحم الشقة ثلاثة رجال ضخام الجثة ملثمين ،صرخت حوريه برعب وركضت بأتجاه غرفتها وحاولت إغلاق باب الغرفة عليها ولكنهم اقتحموا الغرفة وقام أحدهم بحملها على كتفه على الرغم من صراخها ومقاومتها وقام الآخر بحقنها في رقبتها فخفتت مقاومتها وغابت عن الوعى واتجهوا بها إلى الخارج ليهبطوا  بها إلى أسفل المبنى السكنى ويضعوها في السياره لتنطلق بهم مبتعدة
🍒🍒🍒🍒🍒🍒🍒🍒