سلسلة ارواح عاشقة... الجزء الاول... حورية قلبي .... كامله

الفصل ال ٢٣

بسم الله الرحمن الرحيم
لا تدع القراءة تلهيك عن الصلاة
الفصل الثالث والعشرون
🍒🍒🍒🍒🍒🍒🍒🍒
في المشفى
كان أحمد يحتضن جنه ويقبلها فمنذ أن دلف الى الغرفة وأخبره ادم أن جنه تذكرت كل شيء وهو يشعر بالسعاده من أجل شقيقته فهو يعلم جيدا كم يعشقها ادم ويعلم أيضا أنه سيستطيع اسعادها

ادم: بمزاح: خف يا عم احمد من الاحضان دي انا بغير على فكره
احمد: وهو يبتعد عن جنه: بتغير من ايه دي اختي
ادم: بابتسامة: بردوا بغير ابعد بقى عنها
احمد: ممازحا: لما تبقى مراتك تبقى ابعدني عنها دلوقتى لا
ادم:  متقوليلة حاجه يا نورهان ينفع كدا بذمتك
نورهان: بأبتسامه: معلش يا ادم هانت وكلها كام يوم وجنه تطلع من المستشفى وابقوا اكتبوا الكتاب على طول
ادم: بسعاده: أن شاء الله
جنه: بأبتسامه: انا عايزه اشوف ايمن ...ممكن تجيبهولي
احمد: والله فكره وانا متاكد انه لما ييجي لجنه وتتكلم معاه هيبقى كويس
نورهان: خلاص انا معايا عربيتي هروح الفيلا اجيبه وأجي على طول
احمد: خلاص انا جاي معاكي علشان متروحيش لوحدك ...ثم نظر لادم وقال….بعد اذن ادم طبعا
ادم: طبعا موافق انت مش غريب يا احمد وانا متأكد انك هتحط نورهان في عنيك
احمد: في عنيا والله ...ثم قال بصوت خفيض سمعه ادم وابتسم ….وفي قلبي كمان

اتجه احمد ونورهان التي كانت تقبل جنه الى خارج الغرفة بينما وقف ادم واقترب من جنه وهو يقول

ادم: ايه رأيك نعمل زي ما نورهان قالت ...اول ما تخرجي نكتب الكتاب على طول وبعديها بأسبوع الفرح
جنه: ياااه بسرعه كدا مش هلحق ،خلي الفرح الشهر اللي جاي علشان اكون حتى جهزت نفسي
ادم: ياااه عايزاني اصبر كمان شهر لا كدا كتير اوي
جنه: معلش يا حبيبي علشان خاطري
ادم: خاطرك عندى بالدنيا كلها خلاص ماشي نكتب الكتاب اول ما تخرجي من هنا والفرح بعديها بشهر
جنه: أن شاء الله
*******
فى الخارج
اتجهت نورهان إلى سيارتها ولكن أوقفها تحدث احمد اليها وهو يقول

احمد: نورهان تعالي نروح بعربيتي
نورهان: بخجل: لا ملوش لزوم انا عربيتي معايا
احمد: انا عارف بس انا عربيتي اقرب يلا بقى

ابتسمت نورهان له واتجهت معه الى السياره وما أن استقلتها بمساعدته حتى اتجه إلى خلف المقود وجلس وبدء في إدارة محرك السياره وهو يقول

احمد: العربيه منوره والله العظيم
نورهان: شكرا لحضرتك
احمد: بمزاح: يوووووه مش قولنا بلاش كلمة حضرتك دي

ابتسمت نورهان وصمتت فنظر لها احمد بأبتسامه وهو يقول

احمد: نورهان هو انا ممكن أسألك سؤال شخصي شويه
نورهان: بتسأول: سؤال ايه ؟
احمد: بتردد: انتِ مرتبطه ...اقصد يعني مخطوبه ...اقصد في حد في حياتك