سلسلة ارواح عاشقة... الجزء الاول... حورية قلبي .... كامله

الفصل ال ١٤

بسم الله الرحمن الرحيم
لا تدع القراءة تلهيك عن الصلاة
الفصل الرابع عشر
🍒🍒🍒🍒🍒🍒🍒🍒🍒🍒
في المشفى
كان ادم يقف خارج غرفة جنه ويقف بجواره احمد الذي لا يجد اي كلمات من الممكن أن يواسي بها ادم فجنه لا تتذكر الفتره التي قضتها معه وقد اخبرهم الطبيب بضرورة تركها تتذكر ببطء دون مساعده ،نظر احمد بطرف عينه فوجد ادم ينظر امامه شاردا ويظهر على وجهه الحزن الشديد وقبل أن يتحدث رأى نورهان التي تركض بأتجاههم وما أن توقفت بجوارهم حتى قالت

نورهان:  حوريه عامله ايه دلوقتي؟ ،فاقت ولا لسه ؟
ادم:  فاقت يا نورهان متقلقيش ...بس انتِ عرفتى منين؟
نورهان:  محمود لسه قايلي… انا عايزه ادخل اشوفها
ادم: بحزن:  مينفعش يا نورهان هي اصلا مش فاكره حد فينا والدكتور قال منحاولش نفكرها ونسيبها تفتكر لوحدها

نظرت نورهان لادم بحزن ثم قالت

نورهان:  بمواساة:  هتفتكر يا ادم أن شاء الله هتفتكر
احمد:   وهو يتأملها:  أن شاء الله…. اتفضلي اقعدي يا انسه
نورهان:  بخجل:  شكراً لحضرتك ...بس انا لازم امشي علشان سايبه ايمن مع محمود في الشقة
ادم:  معلش يا نورهان خدي ايمن وروحي الفيلا مع محمود علشان ابقى متطمن عليكوا
نورهان:  حاضر ...بعد اذنكم
احمد :  اتفضلي

تحركت نورهان إلى خارج المشفى بينما نظر احمد الى ادم وقال

احمد:  كنت سبتها تقعد معانا شويه يا ادم ليه كدا ؟
نظر ادم الى احمد وقال

ادم:  احمد نورهان دي زي اختي فاهم ولا لا
احمد:  يا عم متقلقش انا ناوي خير والله

نظر ادم الى احمد وابتسم ثم تنهد ونظر امامه مرة اخرى وهو يفكر في حوريه التي لا تتذكر من هو
************
في فيلا فؤاد
كان فؤاد يجلس بجوار فاطمة عندما دلفت نورهان وايمن إلى داخل الفيلا

فاطمة:  اهلا اهلا ...الحمد لله انك لسه فاكرانا
نورهان:  بتقولى كدا ليه بس يا خالتو
فاطمة:  يعني مش عارفه ليه...صحيح جبتك يا عبد المعين تعيني
نورهان:  وقد فهمت مقصدها:  اااه ...خلاص يا خالتو الموضوع خلص وحوريه افتكرت هي مين
فؤاد:  ايه ده بجد ...امال فين ادم
نورهان:  لسه معاها فى المستشفى ..ثم جلست وقالت...انا هحكيلكم على كل حاجه

بعد أن أنهت نورهان حديثها كان فؤاد وفاطمة ينظرون إليها بذهول وكان فؤاد اول من خرج من شروده وقال

فؤاد:  يعني خلاص كدا ادم هيسيبه من البت دي ويرجع يعيش معانا هنا
نورهان:  مش هي دي المشكله يا عمي ،المشكله ان ادم حبها وهي مش فاكراه حتى
فاطمة:  ياعينى عليك يا بنى بختك على طول مايل كدا ليه
فؤاد:  متقوليش كدا يا فاطمة..لا حول ولا قوه الا بالله العلي العظيم...قومي يا نورهان يا بنتي طلعي ايمن اوضته وروحي اوضتك وارتاحي شويه
نورهان:  حاضر يا عمي بعد اذنكم