NICK'S POINT OF VIEW.
"Oh," isang bote ng alak ang tumambad sa harap ko. "Quota ka na sa'kin, ha."
Tipid lang akong ngumiti kay Sunny at kinuha ang bote mula sa kaniya. Nandito kami ngayon sa balcony ng bahay nila. Dito na ako nagtungo pagkaalis ko sa resort kanina.
Nakaupo lang kami sa sofa habang pinagmamasdan ang mga tala sa kalangitan pati na rin ang maliwanag na buwan. Napakakalmado ng paligid at tanging kuliglig lamang ang siyang aming naririnig.
"Ang kulit mo naman kasi, eh. Ayan tuloy, nasasaktan ka." pagbasag ni Sunny sa katahimikan.
"Kasama naman yata 'yun sa pagmamahal." tipid na tugon ko.
"Syempre naman." saad niya. "Pero, sorry ah, ginawa ko naman lahat ng magagawa ko para mapaglapit kayo sa isa't isa. Hindi ko naman akalaing magugustuhan niya si-"
"Ayos lang." pagputol ko sa kaniya sabay lagok sa alak. "Ang mahalaga, may dahilan na siya para ngumiti, para maging masaya. Her happiness is the only thing I hope for."
"Grabe, iba ka na sa Nick na nakilala ko."
I can see through my peripheral vision that she's slowly shaking her head in disbelief.
"Bakit? Masama ba ako dati?" Natawa ako nang bahagya sa sinabi ko.
"Hindi naman. Maloko lang."
"Hoy at least hindi ako chickboy."
"Sus, lowkey fuck boy ka naman. Pareho lang 'yon. Pailalim ka lang kumilos." pang-aasar naman ni Sunny na siyang inilingan ko lamang.
"Pero ano ng plano mo? Suko ka na?"
Saglit akong natahimik sa sinabi ni Sunny. Nag-confess na nga pala ako kagabi kay Alys at tandang-tanda ko naman ang mga sinabi ko sa kaniya. Kahit alam kong nakakahiya, hindi ko na rin naman mababawi 'yon. At siguro, it's better that way.
Pero hindi pa naman niya sinasagot ang tanong ko. Kung may pag-asa ba ako sa kaniya o wala. So therefore, I still have the chance to prove my love for her. I still have the chance to win her. Kahit na malabo dahil halata namang gusto niya si Bryan.
"Hindi ko alam. But I wanted to win her still."
Napatango-tango na lang si Sunny sa sinabi ko.
"Nick,"
"Oh?"
"Naniniwala ka ba sa tadhana? Na may taong nakatakda para sa'yo but you need to ask for signs para malaman mo kung siya na ba talaga?"
Napangiwi naman ako sa tanong niya.
"Seryoso ka ba sa tanong mo?" I asked then looked at her.
"Oo naman!" she exclaimed.
"Well," I shrugged my shoulders, "Kung tadhana man ang may kagagawan para pagtagpuin kami ni Alys, edi sige. Naniniwala na ako."
"Ang haba naman talaga ng hair ni Alys, hays!" kinikilig na sambit niya. "Eh sa signs?"
"Signs? Like what?"
"Hmmm like hihingi ka ng signs sa taas na kung si Alys ba talaga ang para sa'yo, dapat magkita kayo sa ganitong lugar nang hindi niyo pinag-usapan."
Saglit lang akong napapatitig sa kaniya at napailing-iling.
"Ayoko. Baka mamaya hilingin ko tapos hindi magkatotoo edi malalaman ko lang na hindi kami para sa isa't isa. Mas masakit 'yon."
"At least, habang maaga pa, makakapag-move on ka agad."
Umiling-iling lamang ako sa kaniya at tinungga ang laman ng bote.
BINABASA MO ANG
Tagpuan
General Fiction"Siya ang panalangin ko." - Moira Dela Torre Ang buhay natin ay maraming tagpuan. May mga tagpuan na tayo lang mag-isa ang naroroon, tagpuan na may masusumpungang isang taong nangangailangan ng kasama at tagpuan na magiging tahanan natin kasama ang...
