Tagpuan

Ikawalong Tagpuan

"My gosh, Alys! That's just a wink! Don't overreact!"

Inis kong ginulo ang buhok ko pagkatapos ay sinampal-sampal ang magkabilang pisngi ko. Kanina pa ako nakaharap sa salamin at hindi makapili ng susuotin.

Hindi pa rin kasi ako maka-move on sa ginawa ni Bryan. Parang humiwalay ang kaluluwa ko sa aking katawan nang gawin niya ang bagay na 'yon. Nakakabaliw. Normal lang ba na makaramdam nang ganito sa edad na beinte-nueve?

Muli akong napatingin sa kama at doon ay may limang beach dresses na binili para sa akin ni Bryan. Hindi ko alam kung anong klase ng beach dress ang mga iyon dahil lab coat lang naman ang madalas kong suotin. Napapaisip tuloy ako kung magtatagal kami dito sa sobrang dami ng mga damit na pinamili niya. O baka naman masusundan pa itong date namin.

Sana.

Napangiti ako sa naisip ko kung sakaling masusundan pa itong date namin.

Wala sa sariling pinili ko ang terra-cotta beach dress at sinuot ito. Pinagmasdan ko ang sarili ko sa harap ng full size mirror. Para itong halter top na hanggang talampakan ang haba. Bagay na bagay sa akin ang kulay nito dahil hindi naman ako ganon kaitim o kaputi. My skin color is in between but I like it though.

Ipinusod ko na ang buhok ko at hinayaang bumagsak ang ibang hibla sa gilid ng aking tainga. I put some lip gloss powder and blush on my face. Hindi rin naman ako sanay sa heavy make up dahil allergic ako sa ibang cosmetics.

I guess this will do. Sana magustuhan niya ang hitsura ko ngayon. Hindi naman siguro ganoon ka-revealing ang suot ko. Siya rin naman ang pumili nito. Hindi rin naman siguro ako mukhang clown? Aysh! Bahala na!

Saktong pagkatapos ko magpabango at magsuot ng sandals ay nakarinig ako ng magkakasunod na katok sa pintuan.

"Are you through, Alys?"

Bigla na namang kumabog nang malakas ang dibdib ko nang marinig ang boses ni Bryan. Napakagat-labi ako nang maalala kung paano niya ako kinindatan kanina.

Gosh! Feeling ko ay sobra akong namumula ngayon! Paano pa kaya mamaya?

Muli akong sumulyap sa salamin at inayos ang sarili ko. Para akong sasabak sa isang operasyon na naman.

But this is it, Alys. Kaya mo 'yan!

Dahan-dahan akong lumabas sa kwarto at nagtungo sa main door para pagbuksan si Bryan. As soon as I open the door, his jaw dropped and looked at me from head to toe.

I smiled awkwardly and tucked the excess hair behind my ear. Hindi ko alam kung masyado bang pabebe ang ginawa ko pero damn! Hindi ko talaga alam kung anong gagawin. Ang tagal na niyang nakatitig sa akin.

Nang mapagtanto niyang masyado na palang matagal ang pagkakatitig niya sa akin ay agad siyang tumikhim at umiwas ng tingin.

"U-Uhh... Let's go na."

Tumango lang ako at humakbang palabas bago isinara ang pinto. Nagulat na lang ako nang makitang nauna na pala siyang maglakad. Hindi naman ako nahirapang makasabay sa kaniya sa paglalakad dahil binagalan niya lang ang paghakbang niya.

There was a moment of awkward silence between us and the only thing that could be heard in this empty hallway is our footsteps. Wala ni isa sa amin ang gustong magsalita hanggang sa makarating kami sa elevator.

Bigla naman akong nakaramdam ng hiya. Ano kayang iniisip niya? Pangit ba ang suot ko? Pangit ba 'yung make up ko? Mukha ba akong prostitute? Parang gusto ko na lang tuloy bumalik sa kwarto at magpalit.

"Y-You look wonderful tonight."

Natigilan ako nang marinig ko ang sinabi ni Bryan. Para akong naestatwa at hindi ko magawang makakilos dahil sa sinabi niya. Hindi naman sa nag-aassume ako pero kami lang dalawa ang sakay sa elevator ngayon kaya sigurado akong ako ang tinutukoy niya.