Gangster Empress:Gangster Evolution (SLOW UPDATE)

Chapter 19: GE;GE√ Empress Challenge (THE PREPARATION II)

"Cappuccino."simpleng saad ko. Agad kong ibinaling and tingin ko sa menu na nasa lamesa na, "and a slice of chocolate cake." Malamig kong saad.

Tumango naman ito ng ilang ulit at inulit pa ang order ko, " your order will be serve at ten minutes. Please wait ma'am." Malumanay na saad niya at tinanguan ko lang habang hindi pa rin ito tinitingnan. Nasa kanang gilid ang ulo ko paharap sa glass wall. Nakikita ko ang mga taong naglalakad dito.

Klarong-klaro ko ang mga taong paparoo't parito. Nang biglang mahagip ng paningin ang isang lalaking matangkad. Naka-black na hoodie at may itim na face mask, at papasok ito sa coffee shop kung nasaan ako. Nakaharap kasi ang pwesto ko sa pinto.

Inalis ko ang tingin sa kanya at tiningnan ang counter kung nandoon na ba ang order ko pero wala pang isang segundo ay agad ring napabalik ang tingin ko sa kanya!

Gulat at nanlalaki ang mata ko habang sinusundan ng tingin ang lalaking naglalakad na papalapit sa counter!

Shit! Shit! Siya yun diba?!

Ang hulma ng katawan niya lalong-lalo na ang buhok niya na parang ginaya ang kay Rukawa ay tandang-tanda ko! Putek! Siya talaga yun eh! Yung baklang nangaladkad sakin!

Agad akong napaayos ng upo at dali-daling kinuha ang menu na nasa lamesa at itinakip sa mukha ko. Bahagya akong sumilip at nakitang nakatalikod na ito sa akin. Todo titig rin ang babaeng kumukuha ng order niya. Halatang namamangha sa mata pa lang niya.

Bakit ba kasi ang hilig niya mag-mask? Kahit nandito sa public place at open area ay hindi niya ipinapakita ang mukha niya?! Ganun ba siya kapangit?

But I bet not, ang ganda kaya ng mata at kilay niya!

Aish! Bahala na nga! Ano ngayon kung makita niya ako? Wala naman akong utang na loob sa kanya ah?!

Gaga! Ginamot niya sugat mo! Pinakain ka pa! At ang mas malala, ninakawan mo pa ng tsinelas!

Grabe naman 'tong konsensya ko sa nakaw na part! Akala naman niya gusto ko ang tsinelas nun! E ang laki laki naman sa'kin. Atsaka isa pa, ang sabi ko sa note ay paniguradong hindi ko na ito makikita, shet! Pinangunahan ko kasi!

Napalunok ako ng tumalikod na siya sa counter at umupo sa lamesang kahilera ng table ko. Dalawang lamesa lang ang pagitan namin! Nakaharap sa akin ang pwesto niya at nakaharap naman ako sa kanya! Buti na lang ay may dalawang babae na umupo sa isa pang table sa harapan niya. Buti na lang at may harang na samin.

Malakas akong napabuga ng hangin. Natigilan ako. Bakit ba sobrang affected ako? Tss. E ano ngayon kung makita niya ako diba?! Tch. Hayss ewan!

Ibinaba ko na rin ang menu na pinantabon ko sa mukha ko. Nang tiningnan ko siya ulit ay nakayuko na ito at may kung anong kinakalikot sa cellphone niya. Naka mask pa rin at walang pakialam sa paligid kahit na halos lahat ng babae dito ay napapatingin sa kanya. Partida, naka mask pa yan ah at agaw pansin na.

Pa'no siya iinom nang kape na inorder niya kung may harang sa mukha niya? Diko maiwasang mapangisi, sigurado akong makikita ko na ang mukha niya!

Wala naman talagang akong pakialam. Curious lang ako kumbaga. Mas lalo akong napaayos ng upo ng dumating na ang order ko. Inilapag ni Jack sa lamesa lahat yun at marahang nagpasalamat. Tiningnan ko na siya at tipid na nginitian. Nakita ko naman kung paano mas lumaki ang ngiting gilagid niya. Tss..

I slowly sip my cappuccino a bit and wander my eyes again at the glass wall.

"Oh my so!" Muntik ko nang mabuga ang iniinom ko nang may biglang nilalang na nagkulay mangga ang lumitaw bigla. Pambihira, aatakehin na talaga ako sa puso nito.